ISAÍAS 25:9 - Dios Rimashcata Quillcashcami

⁹ Chai punzhapi maijanca: «¡Riquichic, paimi ñucanchic Diosca! Paitami shuyarcanchic. Paimi ñucanchicta quishpichirca. ¡Paica Mandac Diostacmi! Paitami ñucanchicca shuyacunchic. ¡Pai quishpichishcamantaca yallitami cushicunchic!» ningami.

ISAÍAS 25:9 ပူးပေါင်းရင်းမြစ်များ

GÉNESIS 49:18

¡Mandac Dioslla, can quishpichichunmi shuyacuni!

SALMOS 100:1

¡Mandac Diostaca tucui cai pachapi causaccuna cushicushpa cantaichic!

SALMOS 20:5

Can quishpichishcamantami ñucanchicca cushicushun. Can mishachishcamantami cambac shutipi banderata alzashpa yallita cushicuchun. Mandac Dios can tucui munashca pactachun.

SALMOS 21:1

¡Mandac Dioslla, jatun mandacca can fuerzata cushcamantami cushicun! ¡Macanacuita mishachishcamantami yallita cushicun!

SALMOS 27:14

Mandac Diosta shuyailla. Sinchiyashpa cambac shungupi cushicui. ¡Ari, Mandac Diosta shuyailla!

SALMOS 33:20

Ñucanchic almaca Mandac Diostami shuyan. Paica ñucanchicta ayudac, ñucanchicta jarcac escudomi.

SALMOS 33:21

Chaimantami ñucanchic shunguca paimanta cushicun. Ñucanchicca paipac jucha illac shutipimi shunguta churashcanchic.

SALMOS 40:17

Ñuca ima illaclla huaccha cacpipish, Mandac Diosca yuyaringami. Mandac Dioslla, ñucata ayudac, ñucata quishpichicmi cangui. ¡Mandac Dioslla, ama unayaichu!

SALMOS 9:14

Chashna ruhuacpimi, Sión pungupi canta alabana cashcata tucuiman huillashpa, can quishpichic cashcamantaca yallita cushicusha.

SALMOS 95:1

¡Mandac Diosta cushicushpa cantangapac shamuichic! Ñucanchic quishpichic jatun rumitaca yallita cushicushpa cantashunchic.

ISAÍAS 33:2

Mandac Dioslla, ñucanchicta llaquiyari. Canllatami shuyacunchic. Tutamanta cambac rigrahuan ayudaiyari. Ñucanchic jatun llaquipi cacpipish quishpichiyari.

ISAÍAS 33:22

Mandac Diosmi ñucanchic juez. Mandac Diosllatacmi mandashcacunata cucca. Mandac Diosllatacmi ñucanchic Jatun Mandacca. Paillatacmi ñucanchicta quishpichin.

ISAÍAS 35:1

Chaquishca pambaca cushicungami. Yuracunapish cushicushpami, sumac rosas sisa shina sisanga.

ISAÍAS 35:10

Mandac Dios quishpichishcacunaca cushicushpami, Sión llactaman cantashpa yaicunga. Paicunaca huiñai huiñaitami cushicunga. Paicuna yallita cushicuihuan cacpica, ima llaquipish mana japingachu.

ISAÍAS 35:2

Chashna sisashpami cushicushpa cantanga. Líbano urcuta shina, Carmelo urcuta shina, Sarón pambata shinami Mandac Diosca sumacta ruhuanga. Paicunaca Mandac Dios sumaimana cashcatapish, paipac achic nicuctami ricunga.

ISAÍAS 35:4

Manchaihuan causaccunataca: «¡Sinchiyaichic, ama manchaichicchu! Mandac Diosmi cancunata piñaccunata llaquichingapac shamunga. Paillatacmi quishpichingapac shamunga» ninguichic.

ISAÍAS 37:20

Mandac Dioslla, cunanca tucui cai pacha jatun mandaccuna canlla Mandac Dios cashcata yachachun, ñucanchicta paicunapac maquimanta quishpichiyari» nirca.

ISAÍAS 40:9

Alli huillaita huillac Sión urculla, jatun lomaman huichai riyari. Alli huillaita huillac Jerusalén llactalla, sinchita caparishpa huillaiyari. Judá llactapi tiyac llactacunapi causaccunata sinchita caparishpa: «¡Cancunapac Diosta ricuichic. Paica caipimi!» nichicyari.

ISAÍAS 41:16

Cancuna huairachicpica, huairami apanga. Acapana huairami caita chaita apanga. Ashtahuanpish cancunaca Mandac Dios-huanmi cushicunguichic. Israelcunapac jucha illac Dios-huanmi yallita cushicunguichic.

ISAÍAS 49:23

Jatun mandaccunami cambac huiñachic taitacuna shina canga. Jatun mandac huarmicunami huiñachic mamacuna shina canga. Cantaca cumurishpami alabanga. Cambac chaqui allpata lambingacunami. Chashna ruhuacpimi, ñuca Mandac Dios cashcata yachangui. Shinallatac ñucata shuyaccunaca mana pingaichishcachu canga.

ISAÍAS 51:3

Mandac Dios ñucaca Sión llactapi causaccunata cushichishatacmi. Tucui llaquilla caccunatami cushichisha. Shitashca pambataca sumac sisa huerta shinata, chaquishca pambataca Mandac Dios ñucapac huertata shinatami ruhuasha. Chaipica yallita cushicushpami, ñucata alli nishpa cantangacuna.

ISAÍAS 52:10

Mandac Diosmi tucui llactacunapac ñaupapi paipac poderta ricuchirca. Mandac Dios quishpichic cashcataca tucui cai pacha llactacunami ricunga.

ISAÍAS 60:16

Shuc huahua lecheta chuchuc shinami, shuctac llactacunamanta imacunata chasquishpa causangui. Mama chuchuchic shinami, jatun mandaccunaca imatapish caranga. Shina ruhuacpimi, Mandac Diosca quishpichic cashcata, Jacobota sinchiyachic cashcata yachangui.

ISAÍAS 61:10

Mandac Dios-huanmi yallita cushicusha. Ñuca Dios-huanmi tucui almahuan cushicusha. Paica churanata churachic shinami quishpichirca. Jahualla churanata churachic shinami, cashcata ruhuarca. Novioman shinami sumacta churachirca. Noviaman shinami sumac curita churachirca.

ISAÍAS 64:4

Canta yuyarishpa shuyaccunaman ima ruhuashcataca jaicapi pipish mana uyashcachu, mana ricushcachu. Can shina shuctac Dios tiyashcataca pipish mana ricushcachu.

ISAÍAS 65:18

Ashtahuanpish ñuca ruhuashcata ricushpami huiñaita cushicunguichic. Ñucami Jerusalenpi causaccunataca cushichisha. Chaimantami paicunaca yallita cushicunga.

ISAÍAS 8:17

Mandac Diosca Jacobopac huahua huahuapuramanta ñahuita pacashcami. Ñucaca paitami shuyashpa, yuyarishpa causasha.

MIQUEAS 7:7

Ashtahuanpish ñucaca Mandac Diospac maquipimi casha. Ñucata quishpichic Diostami shuyasha. ¡Ñucata Mandac Diosca ñuca mañashcataca uyangami!

HABACUC 3:18

ñucaca Mandac Dios-huanmi cushicusha. Quishpichic Mandac Dios-huanmi yallita cushicusha.

ZACARÍAS 10:7

Efraín ailluca yallita sinchi runacuna shinami canga. Vinota ubiashpa cushicuc shinami shungupi yallita cushicunga. Paicunapac churicunaca chaita ricushpami, Mandac Diosmanta tucui shunguhuan cushicunga.

ZACARÍAS 9:9

¡Sionpi causaccunalla, yallita cushicuichicyari! Jerusalenpi causaccunalla, cushicushpa caparichicyari. Riquichic, cancunata jatun mandacca mama burropac huahua maltón burritopimi cancunapacman shamunga. Paica cashcata ruhuac, quishpichic, cuyac shungumi canga.

SAN LUCAS 2:25

Simeón shuti runami Jerusalenpi causarca. Paica Diosta cazucpish, cashcata ruhuacpishmi carca. Paica israelcunata Dios quishpichingapac shamuctami shuyacurca. Diospac Espiritumi paihuan carca.

FILIPENSES 3:1

Cuyashca criccuna, ¡Apunchic Jesus-huan cashcamanta cushicuichic! Cancunaman mai alli cacpimi, ñucamanca chaillatatac, chaillatatac nishpa quillcanaca mana shaicuchin.

FILIPENSES 3:3

Ashtahuanpish ñucanchicmi, Diospac Espíritu yuyaita cucpi Diosta shungumanta alli niccuna cashpa, Jesucristomanta cushicushpa, circuncisión ruhuashcatatac ricuchicunchic. Shina cashpami ñucanchicca aichapi imalla ruhuashcacunallapica mana shunguta churanchic.

TITO 2:13

shinallatac ñucanchicta Mandac Dios Quishpichic Jesucristo sumaimana cashcahuan, cutimuna cushicui punzha pactana cashcata shuyanata yachachicun.

1 PEDRO 1:6

Chaimantami cancunaca ashacaman tucuilaya llaquicunata apana cacpipish, mai cushicuna canguichic.

1 PEDRO 1:8

Cancunaca Apunchic Jesucristota mana ricushca cashpapish cuyanguichicmi. Cunan mana ricushpapish paita crishpami, yallita sumaimana cushicuita charinguichic.

2 PEDRO 3:12

Dios shamuna punzha utca chayamuchunca, Diospaclla causanata munashpa shuyacuichic. Chai punzhapica, jahua pachataca ninahuan tucuchishpami chaipi ima tiyaccunatapish ninallahuantac tucui yacuyachinga.

APOCALIPSIS 1:7

¡Uyaichic, Cristoca puyupimi shamucun! Paitaca tucuimi ricunga. Paita chacatashpa huañuchiccunapish ricungami. Tucui cai pachapi causac gentecunapish ricushpaca, shungupi huactarishpami paimanta huacangacuna. ¡Chaica chashnatacmi canga! Chashna cachun.

APOCALIPSIS 22:20

Caicunata huillac Jesuspish: —¡Ari, utcami shamugrini!— ninmi. Chashna cachun. ¡Apunchic Jesús, utca shamuilla!