ISAÍAS 25:12 - Dios Rimashcata Quillcashcami

¹² Shinallatac paicunapac llacta muyundita pircashcatapish tucuimi urmachinga. Pambapimi polvoshca siricunga.

ISAÍAS 25:12 ပူးပေါင်းရင်းမြစ်များ

ISAÍAS 14:23

Chai llactapica erizo animalcuna causana, yalli yacu allpacunatami ruhuasha. Tucuita tucuchic pichanahuan pichashpami tucuchisha. Chaitaca tucuita Mandac Dios ñucami nini» nirca.

ISAÍAS 15:1

Moab llacta llaqui tucunamanta huillashcami. Shuc tutallapimi Moab llactapi tiyac Ar-moab llactapish, Moab llactapi tiyac Kir-moab llactapish tucuchishca, chunlla saquiringa.

ISAÍAS 2:15

tucui jatun torrecunata, pi mana urmachi pudipac pircata,

ISAÍAS 25:2

Canmi llactacunatapish rumi montonta shina saquircangui. Muyundita pircashca llactacunataca tucuimi urmachircangui. Shuc llacta runacunapac huasicunatapish ñutuchircanguimi. Chaicunataca mana cutin shayachingachu.

ISAÍAS 26:5

Paimi jahuapi tiyaccunataca urmachirca. Jatun tucushca llactacunatapish cumurichishpami yangallata ruhuarca. Paicunataca pingaichishpami, ñuto allpapi shitarca.

JEREMÍAS 48:1

Israelcunapac tucuita Mandac Dios Moab llactamanta rimashpaca: «¡Aij, Nebo llactaca tucui tucuchishcami canga! ¡Quiriataimpi causaccunapish tucuchishpa pingaichishcami canga! ¡Muyundita jarcashca pircacunapish urmachishcami canga!

JEREMÍAS 51:58

Babilonia llacta muyundi ancho pircapish tucuimi tuñiringa. Jatun pungucunapish uchupami saquiringa. Gentecunaca yangami trabajashca. Ninapi rupachunllami shuctac llacta gentecunapish yallita shaicushca» ninmi.

JEREMÍAS 51:64

Chaipi shitashpaca: “Chashnami cai Babilonia llactaca ucuyanga. Ñuca cachashca llaquimantaca jaicapi mana quishpiringachu. Tucuimi chingaringa” ninmi ningui» nirca. Jeremías huillashcaca caicamanllami.

LAMENTACIONES 2:2

Mandac Diosca mana llaquishpami Jacobopac carpa huasicunata urmachirca. Yallita piñarishpami Judá llacta sinchi torrecunatapish urmachirca. Jatun mandactapish, shuctac mandaccunatapish, yangallata ruhuashpami pingaichirca.

EZEQUIEL 28:17

Canca sumac cashpami, shungupi jatun tucurcangui. Achiclla shina sumac cashpami, alli yachaitapish yangallata ruhuarcangui. Cantaca jatun mandaccunapac ñaupapi pambaman shitashpami, tucuipac asinata ruhuasha.

HEBREOS 11:30

Crishcamantami israelcunaca canchis punzhata Jericó pueblota muyushpa, chai muyundi pircata urmachirca.

APOCALIPSIS 18:21

Chai quipaca mai poderta charic shuc ángel shamushpami shuc rumita japirca. Chai rumica cutana jatun rumi shinami carca. Chaita japishpa mama cucha yacuman shitashpaca: «Chai shinallatacmi Babilonia jatun pueblolla, chingarishpa jaicapi mana ricuringui.