ISAÍAS 24:6 - Dios Rimashcata Quillcashcami

⁶ Chaimantami cai pachataca Dios cachashca llaqui tucuchicun. Cai pachapi causaccunaca shitashcami saquirin. Cai pachapi causaccuna juchata ruhuashcamantami chashna llaquichin. Chaimantami cai pachapi causaccunaca chingarishpa, maijanlla saquirishca.

ISAÍAS 24:6 ပူးပေါင်းရင်းမြစ်များ

2 REYES 24:12

Chaimantami Judá llactata jatun mandac Joaquinca paipac mamandi, paita serviccunandi, pai churashca mandaccunandi, caishuc mandaccunandi jatun mandac Nabucodonosorpac maquipi prezu yaicurca. Jatun mandac Nabucodonosor Babilonia llactata pusac huatata mandacucpimi, chashnaca tucurca.

2 REYES 25:12

Chashna cashpapish Nabuzaradanca Judá llactapi causac ashtahuan huaccha gentecunataca uvas chagracunapi, pambacunapi trabajachunmi mana apashpa saquirca.

ISAÍAS 1:31

Sinchi runapish tamo shinami tucunga. Pai imata ruhuashcaca uchupa shinami tucunga. Ishcaitatacmi rupachishca canga. Chai ninataca pi mana huañuchi pudingachu» ninmi.

ISAÍAS 1:9

Mandac Dios ñucanchicta ashallatapish mana saquishca cacpica, Sodoma, Gomorra shinami, chingarinchicman carca.

ISAÍAS 34:5

Mandac Diospac espadami jahua pachapi ricuringa. Edom llactapi causaccunata llaquichishpa tucuchingapacmi urai shamunga.

ISAÍAS 43:28

Chaimantami ñucapaclla huasipi mandaccunataca cumurichircani. Jacobopac huahua huahuatapish llaquipi churashpa, israelcunataca yangallata ruhuarcani.

ISAÍAS 5:24

Chaimantami paicunataca nina japirishpa, ucsha, rastrojo shina rupashpa tucuringa. Chashnami sapi ismushca yura shina canga. Sumac sisacuna shina cashpapish, ñuto allpata huaira apashca shinami canga. Chaica paicunallatac tucuita Mandac Dios mandashcata piñashpa, israelcunapac jucha illac Diospac shimita millanayachishcamantami chashnaca tucunga.

ISAÍAS 9:19

Tucuita Mandac Dios yallita piñaricpimi, cai pachapica nina japirirca. Cai gentecunaca ninata japichina cupa shinami tucurca. Huauquindipurapish mana llaquinacunchu.

JEREMÍAS 12:4

¿Ima punzhacamantac ñucanchic allpaca quihuacunapish mana huiñashca shitashca pamba shina canga? Cai llactapi causaccuna mana allita ruhuashcamantami pambata puric animalcunapish, volac animalcunapish huañushpa tucurirca. Paicunaca: «Diosca ñucanchictaca mana tucuchingachu» nishpami, mana allita ruhuarca.

JEREMÍAS 5:14

Chaimantami tucuita Mandac Diosca: «Paicuna chashna nishcamantami cunanca ñuca rimashcataca ninata shina cambac shimipi churani. Chai gentecunaca yanta shinami tucunga. Cai rimashcacunami paicunataca tucuchinga.

EZEQUIEL 5:3

Chai acchamanta ashata japishpa, cambac jahualla churana puntapi huatangui.

LEVÍTICO 26:22

Piña sacha animalcunata cachashpami, cancunapac huahuacunatapish, animalcunatapish tucuchisha. Shina tucuchicpimi, cancuna purina ñancunapish shitashca saquiringa.

MALAQUÍAS 2:2

Cai mandashcacunata mana cazushpa, tucui shunguhuan ñuca shutita mana alli nicpica, yallitami llaquichisha. Bendicianapac randica maldiciashami. Tucui shunguhuan ñucata mana cazushcamantaca ñami maldiciarcani.

MALAQUÍAS 3:9

Cai llactapi causaccunalla, cancunaca ñucapactami shuhuarcanguichic. Chaimantami tucui llactapi causaccuna mana alli nishca canguichic.

MALAQUÍAS 4:1

Mandac Diosca: «Rupacuc horno shina punzhami ña chayamucun. Chai punzhapica jatun tucushpa puriccunapish, mana allita ruhuaccunapish chaquishca ucsha shinami rupanga. Chai rupacuc punzha chayamushpami rupachishpa, sapillatapish, shuc ramallatapish mana saquishpa rupachinga.

MALAQUÍAS 4:6

Paimi taita mamacuna huahuacunahuan piñanacushcata, huahuacuna taita mamahuan piñanacushcataca allichinga. Mana shina cacpica, pacta ñuca shamushpa, tucui cai llactapi causaccunata yallita llaquichiman» ninmi.

SAN MATEO 27:25

Shina nicpimi paicunaca: —Ari, pai huañushcamanta ñucanchicmi juchayuc cashun— nircacuna.

SAN MATEO 7:14

Ashtahuanpish huiñai causaiman apac ñanpish, pungupish quichquimi, mana yaicuipacllachu. Ashallami chaitaca yaicun.

ROMANOS 9:27

Isaías israelcunamanta huillashpaca: «Israelpac huahua huahuacuna tiyu shina achca cashpapish, ashallami quishpiringa.

DEUTERONOMIO 28:62

Mandac Dios rimashcata mana uyashcamantami jahua pacha lucerocuna shina, achca cashpapish ashalla saquiringuichic.

DEUTERONOMIO 4:27

Mandac Diosmi tucui cancunataca shuctac llactacunaman shic-huashpa cachanga. Shina ruhuacpica, ashallami saquiringuichic.

2 PEDRO 3:10

Shina cashpapish Apunchic Jesús cutimuna punzhaca shuc shuhuac shamuc shinami canga. Jahua pachaca jatun manchanayaipac tulun nishca uyaricpimi chingaringa. Chaipi ima tiyaccunapish ninahuanmi tucuchishca canga. Shinallatac cai pacha allpataca, caipi tiyaccunandimi Dios taripashpa rupachinga.