ISAÍAS 24:5 - Dios Rimashcata Quillcashcami

⁵ Cai pachapi causaccunaca Dios mandashcacunata mana cazushpami, pandata ruhuashpa, huiñaita Dios-huan ari ninacushcatapish mana pactachirca. Chai juchacunamantami cai pachaca mapayarca.

ISAÍAS 24:5 ပူးပေါင်းရင်းမြစ်များ

2 SAMUEL 23:5

Ñuca familiacunaca Diospimi, sinchita cancuna. Ñucaman huiñaipac ari nishpami, tucuita sumacta allichishpa, sinchita ruhuarca. Ñucataca tucuimantami quishpichin, ñuca ima munashcatapish, tucuitami pactachin.

2 REYES 21:12

Chaimantami israelcunata Mandac Diosca: “Ñucami Jerusalenpi, Judá llactapi causaccunaman jatun llaquita cachagrini. Maijanpish chaita uyacca ishcai ringritatacmi nanachinga.

2 REYES 21:15

Paicunaca ñaupa taitacuna Egiptomanta llucshimushcamanta pacha, cunan punzhacamanmi ñuca ñaupapi mana allita ruhuashpa, yallita piñachincuna. Chaimantami chashna ruhuagrini” ninmi» nishpa huillarca.

2 CRÓNICAS 33:9

Ashtahuanpish Manasesca Judá llactapi, Jerusalenpi causaccunataca israelcunapac ñaupamanta Mandac Dios tucuchishpa cachashca gentecunatapish yalli ashtahuan mana allita ruhuachishpami yallita pandachirca.

SALMOS 105:10

Chaitaca Jacobomanmi mandashpa curca. Israelcunahuanmi huiñaicaman ari nirca.

SALMOS 55:5

Yallita manchai pillushpa charicuc shina cacpimi chucchucuni.

ISAÍAS 10:6

Ñucata mana manchac, ñucata piñachic llactata, ñuca piñashca gentecunata llaquichichunca paitami cachasha. Chashna cachacpimi, tucui charishcacunata quichushpa, ñanpi siric turuta shina sarunga.

ISAÍAS 30:9

Cai gentecunaca mana cazuc, llullaccunami. Mandac Dios mandashcatapish uyanata mana munaccunachu.

ISAÍAS 33:8

Ñancunapish shitashcami. Pipish ña mana purincunachu. Huillaccunataca mana cazushpami, ari nishcatapish mana pactachin. Pitapish mana manchancunachu.

ISAÍAS 50:1

Mandac Diosca: «¿Maipitac cancunapac mama shina, Israel llactata shitashcata ricuchic quillcaca? Mana cashpaca, ¿pimantac debimanta caturcani? Riquichic, cancuna mana allita ruhuashcamantami catushca carcanguichic. Cancunallatac mana cazushcamantami cancunapac mama shina, llactaca millana tucushca.

ISAÍAS 9:17

Tucui paicunami Mandac Diosta mana manchaccuna, millaita ruhuaccuna, millaita rimaccuna. Chaimantami Mandac Diosca mosocunatapish, viuda huarmicunatapish, taita mama illaccunatapish mana llaquirca. Chashna ruhuashpapish Mandac Dios pai nina japiric shina piñarishcataca mana pasachishcachu. Ashtahuanpish llaquichingaracmi.

JEREMÍAS 11:10

Paicunapac ñaupa taitacuna shinallatacmi mana allita ruhuashpa, ñuca rimashcata mana cazushpa, shuctac dioscunata servirca. Israelcunapish, Judá llactapi causaccunapish paicunapac ñaupa taitacunahuan ari nishcatami yangapi churarca.

JEREMÍAS 50:5

Sionman rina ñanta tapushpami, chai ñanta catishpa, Mandac Dios ñucahuan ari ninacushpa, huiñaita mana cungarishpa causangapac shamunga.

EZEQUIEL 16:59

Mandac Dios ñucaca: Canhuan ari nishcata mana pactachircanguichu. Chaimantami llaquichisha.

EZEQUIEL 20:13

Ashtahuanpish israelcunaca shitashca pambapica ñucata mana cazushpami piñachirca. Ñuca mandashcacunatapish, ñuca imata ruhuachun nishcacunatapish yangapimi churarca. Chaicunata maijanpish pactachishpaca causangami. Samana punzhatapish yangapi churacpimi, ñucaca yallita piñarishpa, shitashca pambapi llaquichinata yuyarircani.

EZEQUIEL 20:24

Paicunaca ñuca imata ruhuachun nishcacunatapish, ñuca mandashcacunatapish mana cazurcachu, samana punzhatapish yangapi churashpami, paicunapac taitacunapac ruhuashcalla dioscunata yuyarishpa causarca.

EZEQUIEL 37:26

Huiñaita cushilla causangapacmi paicunahuanca ari ninacusha. Paicunata chaipi causachun churashpaca, achcatami mirachisha. Ñucapaclla huasitapish huiñaipacmi, paicunapac chaupipi shayachisha.

DANIEL 7:25

Paica jahua pacha Diosta millaita rimashpami, jahua pachapi causac Diospaclla caccunata yallita llaquichinga. Paica fiestacunatapish, mandashcacunatapish shuctacyachisha ningami. Paipac maquipimi Diospaclla caccunataca quimsa huata chaupicaman churanga.

DANIEL 9:10

Mandac Dioslla, can mandashca shina causangapacmi, can ima nishcata huillac canta servic canmanta huillacpica, mana cazushcanchic.

DANIEL 9:5

Ñucanchicca juchallishcanchicmi, millaita ruhuashcanchicmi, canta mana cazushpa cariyashcanchicmi. Mandashcacunatapish, mandashpa quillcashcacunatapish saquishcanchicmi.

OSEAS 6:7

Ashtahuanpish paicunaca Adán shinallatacmi ari nishcata mana pactachirca. Chashnami ñucata mana cazurca.

LEVÍTICO 20:22

Ñuca mandashcacunatapish, yachachishcacunatapish pactachinguichic. Chashna ruhuacpimi, cancuna causachun ñuca cushca llactaca mana arcadac shina, llucchishpa cachanga.

LEVÍTICO 26:35

Cancuna causacushca huatacunapi mana samarishca cashpami tucui chai shitashca huatacunataca samaringa.

MIQUEAS 2:10

¡Caipica, mana samarina tiyanchu. Chaimanta jatarishpa richiclla! Cai pushtuca yallita mapayashca cashcamantami, tucui tucuchishca canga.

SAN LUCAS 1:6

Zacariaspish, Elisabetpish Diospac ñaupapi cashcata ruhuashpami, allita causarca. Paicunaca Dios mandashcacunatapish, yachachishcacunatapish tucuita pactachicmi carca.

DEUTERONOMIO 32:15

Jesurunca yallita huirayashpa, huira tapashpa cashpami paita ruhuac Mandac Diostaca mana cazurca. Quishpichic jatun Rumi shina Diostaca mana chasquircachu.

DEUTERONOMIO 32:20

Chaimantami: “Paicuna ima tucucta ricungapac, paicunata mana tigra ricushachu. Paicunaca huahua huahua millaita ruhuaccunami.

HEBREOS 13:20

Cushi causaita cuc Diosmi, ñucanchic Apunchic Jesustaca huañushcacunapuramanta causachirca. Paimi yahuarta jichashpa, Dios-huan huiñaipac ari nishcata pactachishpa, ñucanchic Jatun Michic tucurca.

HEBREOS 9:1

Punta ari nishcaca, cai pachapi Diosta mañana carpa huasipi imata ruhuanallatacmi huillacurca.

JOSUÉ 23:16

Cancunata Mandac Dios-huan ari nishcacunata mana cazushpa, shuctac ruhuashcalla dioscunata servishpa cumuricpica, Mandac Diosca nina japiric shinami cancunahuanca piñaringa. Chashna piñaricpica, pai cushca sumac allpapica utcami tucui tucuringuichic» nirca.

JOSUÉ 24:25

Shina nicpica, Josueca chai punzhallatami israelcunahuan pactachingapac shuc ari ninacuita ruhuarca. Shinallatac mandashcacunata pactachichun cushca rimashcacunatapish Siquem pueblopi curca.