ISAÍAS 24:2 - Dios Rimashcata Quillcashcami

² Chai llaquica llactapi causactapish, curatapish, amotapish, servictapish, amatapish, servic huarmitapish, randictapish, catuctapish, cullquita mañachictapish, cullquita mañactapish, imata mañachictapishmi llaquichinga.

ISAÍAS 24:2 ပူးပေါင်းရင်းမြစ်များ

GÉNESIS 41:50

Manarac yarcai huatacuna chayamucpimi, Joseca ishcai churicunata charirca. Chai churicunataca On llactapi causac Potifarpac ushimi sajuarirca.

2 CRÓNICAS 36:20

Espadahuan huañuchinamanta miticushpa saquirishcacunataca Babiloniamanmi prezu aparca. Paicunaca Persia llactata jatun mandac tiyangacamanmi Nabucodonosortapish, paipac churicunatapish servishpa causarca.

ISAÍAS 2:9

Paicunaca chaicunata adorashpami, yangalla tucurcacuna. Chai juchataca ama perdonanguichu.

ISAÍAS 24:3

Tucui allpaca chushaclla, tucui imapish illacmi saquiringa. Chaitaca Mandac Diosmi nin.

ISAÍAS 28:7

Huillaccunapish, curacunapish vinota ubiashpami pandarirca. Machana yacuta ubiashpami yuyai illac tucurca. Machana yacuta, vinota ubiashpami macharirca. Chaicunata ubiashpa macharishpami, imatapish muscuipi shina, Dios ricuchishcataca pandata huillarca. Imata ruhuashpapish pandarircami.

ISAÍAS 5:15

Cari tucushcacunatapish pingaichishpami cumurichinga. Ñahuita alzashpa jatun tucushpa puriccunatapish cumurichingami.

JEREMÍAS 41:2

Ña micushpami, Netaniaspac churi Ismaelca paihuan cac chunga runacunahuan jatarishpa Safanpac churi Ahicampac nieto Gedaliasta espadahuan huañuchirca. Shinami Babilonia llactata jatun mandac chai llactata mandachun churashca runata huañuchirca.

JEREMÍAS 42:18

Israelcunapac tucuita Mandac Diosca: Ima shinami ñuca nina japiric shina piñarishpa Jerusalenpi causaccunata yallita llaquichircani, chashnallatacmi Egipto llactaman riccunatapish llaquichisha. Chaipimi cancunaca mana alli nishcapish, pingaichishcapish, tucuipac mancharinapish causanguichic. Cai llactataca mana cutin ricunguichicchu ninmi.

LAMENTACIONES 4:13

Paicunaman huillaccuna juchallishcamanta, curacuna mana allita ruhuashpa, cashcata ruhuac runacunata huañuchishpa, Jerusalén chaupipi yahuarta jichashcamantami chashnaca tucurca.

LAMENTACIONES 4:16

Mandac Diosllatacmi caita, chaita shic-huashpa cacharca. Paicunataca mana ashtahuan tigra ricungachu. Curacunatapish mana mancharcachu. Yuyaccunatapish mana llaquircachu.

LAMENTACIONES 4:6

Ñuca llactapi causaccunaca Sodomapi causaccunamanta yalli juchatami ruhuashca. Chai puebloca manapish pi llaquichicpimi, cungailla chingarirca. Chai pueblotaca pipish mana ayudarcachu.

OSEAS 4:9

Gentecunapish, curacunapish chashnallatacmi can. Paicuna ima shina ruhuashpa causashca shinallatacmi llaquichisha.