ISAÍAS 23:17 - Dios Rimashcata Quillcashcami

¹⁷ Canchis chunga huata quipaca, Mandac Diosca Tiro llactapi causaccunataca cutin catushpa, randishpa causachunmi saquinga. Chaimantami paicunaca cai pachapi tiyac tucui llactacunahuan cutinllatac huainayanga.

ISAÍAS 23:17 ပူးပေါင်းရင်းမြစ်များ

ISAÍAS 23:15

Chai punzhacunapimi Tiro llactaca jatun mandaccuna causana huatapi shina, canchis chunga huatata cungarishca canga. Chai canchis chunga huata quipami Tiro llactapi causaccunaca cullquimanta huainayac huarmita shina, cantana tucunga.

ISAÍAS 23:16

Cullquimanta huainayac cungarishca huarmilla, canta tucui yuyarichunca cambac arpata japishpa sumacta tocashpa, cutin cutin cantashpa, tucui llactata muyuiyari.

JEREMÍAS 25:11

Tucui cai llactami manchaipac shitashca pamba canga. Cai llactapi causaccunaca canchis chunga huatatami Babilonia llactata jatun mandacta servinga.

JEREMÍAS 29:10

Cutinllatacmi Mandac Diosca: Cancuna Babilonia llactapi canchis chunga huata cacpimi, cancunata ricuc shamusha. Chaipimi ñuca huillashcata pactachishpa, cancunaman allita ruhuashpa, cai llactaman cutichimungapac risha.

EZEQUIEL 16:25

Tucui ñancunapi altarcunata ruhuashpa, yallita mapayashpami cambac sumac cuerpotaca mapayachircangui. Chashnami tucui chaita pasaccunahuan yallita mapayashpa catircangui.

EZEQUIEL 16:26

Vecino Egipto runacunahuan yallita huainayashpami ñucata piñachircangui.

EZEQUIEL 16:31

Ñancunapi, plazacunapi altarcunata ruhuashpami huainayarcangui. Cullquimanta huainayac huarmica cullquimantami huainayan. Canca mana imata japircanguichu.

EZEQUIEL 22:13

Riquichic, cancuna shuhuashpa chayucyashcamanta, huañuchishpa yahuarta jichashcamantaca yallita piñarishcami cani.

MIQUEAS 1:7

Paicunapac rumi dioscunatapish ñutuchishami. Chai dioscunaman cushcacunataca ninapimi rupachisha. Chai dioscunataca tucui tucuchishpami shitashca pambata shina ruhuasha. Chaicunataca huainayac huarmicuna pagashca cullquihuanmi ruhuashca carca. Chaicunaca huainayac huarmicunallamantacmi cutinga» ninmi.

MIQUEAS 3:11

Juezcunaca pacalla imata japishpami, ima llaquitaca allichin. Curacunaca cullquimantami yachachin. Huillaccunapish cullquimantami yachac tucushpa huillan. Chashna ruhuacushpapish Mandac Diostami yuyarinchic nishpaca: “¿Manachu Mandac Diosca ñucanchic-huan? ¡Ima llaquipish ñucanchictaca mana japingachu!” nincunami.

NAHÚM 3:4

Nínive llactapi causaccunaca huainayac huarmi shina, sumac ricunallami carca. Brujianatapish yallita yachac cashcamanta, shuctac llacta gentecunatapish huainayachishpa, brujiashpa juchapi urmachic carca. Chaimantami chai llaquicunaca japinga.

SOFONÍAS 2:7

Chai allpaca maijan saquirishca Judapac huahuacunapacmi canga. Chaipimi michinga. Tutaca Ascalón llacta huasicunapimi sueñunga. Paicunata Mandac Dios ricurishpami prezumanta cutichimunga.

HECHOS 15:14

Dios llaquishpa, mana israelcunatapish paipaclla cachun acllai callarishcatami, Simón Pedroca ña ñucanchicman parlarca.

DEUTERONOMIO 23:18

Mandac Diospac huasimanca ama huainayashpa japishca cullquita apamunguichicchu. Caripura chayarinacushpa japishca cullquitapish ama apamunguichicchu. Mandac Diosca ishcaitatacmi millanayachin.

1 TIMOTEO 3:3

mana machac, piñanacunatapish mana munac, cullquita charingaraicu ima mana allitac mana ruhuac, chaipac randica pitapish llaquic, ima piñanacui tiyacpipish allichic,

1 TIMOTEO 3:8

Shinallatac criccunata ayudaccunaca, mana machac, mana llullac, cullquita japingaraicu ima mana allitac mana ruhuac, tucui gentecunapacpish alli nishcami cana can.

1 PEDRO 5:2

Dios cancunaman mingashca criccunataca ovejacunata michic shina, quiquin munaihuan alli ricuraichic. Pi ruhuai nishcallamanta, cullquita japingaraicullapish ama ruhuaichicchu, ashtahuanpish Dios munashca shina, mana quillanayachishpa chaparaichic.

APOCALIPSIS 19:2

Paica pimanpish mana tucushpa, cashcata ruhuac cashpami, chai huarmi huacllirishpa tucui cai pachapi causaccunata juchapi urmachishcamantaca llaquichishca. Shinallatac Diospacta ruhuaccunata huañuchishcamantapish llaquichishcami» nircacuna.