ISAÍAS 23:13 - Dios Rimashcata Quillcashcami

¹³ ¡Caldeocunapac llactata ima tucushcata ricuichicyari! Chai llactaca ña mana tiyanchu. Chai llactataca Asiriapi causaccunami jatun torrecunata shayachishpa, mandana huasicunatapish tucuchishca. Chashnami shitashca pambapi causac animalcuna causanata ruhuarca.

ISAÍAS 23:13 ပူးပေါင်းရင်းမြစ်များ

GÉNESIS 11:28

Haranca paipac taita Taré manarac huañucpimi, pai huacharishca caldeocuna causana Ur llactapi huañurca.

GÉNESIS 11:31

Tareca paipac churi Abramtapish, paipac nieto Lottapish, paipac nuera Saraitapish pushashpami, caldeocuna causana Ur llactamanta llucshirca. Shinami Harán llactaman chayashpa, chaipi causai callarirca.

GÉNESIS 11:9

Mandac Diosca paicunapac rimaita chican chicanta ruhuashpami, chai llactataca Babelta shutichirca. Chai llactamantami tucui cai pachata shic-huarishpa causagrirca.

GÉNESIS 2:14

Quimsaniqui yacuca Hidekelmi. Chai yacuca Asiria llactamanta inti llucshic ladotami ricun. Chuscuniqui yacuca Eufratesmi.

2 REYES 17:24

Asiria llactata jatun mandacca Babilonia, Cuta, Ava, Hamat shinallatac Sefarvaim pueblocunamantami gentecunata apamushpa, Samaria llacta pueblocunapi israelcunapac randi causachun churarca. Paicunaca Samaria llactata japishpami, chaipi tiyac pueblocunapi causarcacuna.

2 REYES 20:12

Chai punzhacunallapitacmi Babilonia llactata jatun mandac Baladanpac churi Merodac-baladanca Ezequías ungushca cashcata yachashpa, quillcacunatapish, shuc caranacunatapish Ezequiasman cuchun cacharca.

2 CRÓNICAS 33:11

Chaimantami Mandac Diosca paicunata llaquichichunca, Asiria llactata jatun mandacpac soldadocunata apamurca. Paicunami Manasestaca cadenacunahuan huatashpa, Babiloniaman prezu aparca.

JOB 1:17

Chai runa huillacucllapitacmi shuc runa shamushpaca: —Caldeocuna quimsapi chicanyarishpa shamushpami camellocunata tandachishpa aparincuna. Canta serviccunatapish espadahuanmi huañuchishpa rincuna. Chaita huillangapacmi ñucalla saquirircani— nirca.

SALMOS 72:9

Paipac ñaupapica shitashca pambacunapi causaccunapish cunguringacunami. Paita piñaccunaca allpatami lambingacuna.

ISAÍAS 10:5

Mandac Diosca: «¡Asiria llactata jatun mandaclla, ñuca yallita piñarishpa macana varami cangui! Ñuca yallita piñarishpa macana caspica cambac maquipimi.

ISAÍAS 10:7

Paica chashna ruhuacushcataca mana yuyaringachu. Shungullapipish mana yuyaringachu. Ashtahuanpish achca llactata tucuchishpa chingachinallatami yuyaricunga.

ISAÍAS 13:19

Tucui llactamanta yalli sumac Babilonia llactapish, chaipi causac mai alli nishca caldeocunapish Dios ñucallatac tucuchishca Sodoma, Gomorra shinami tucuringa.

ISAÍAS 13:21

Chaipica shitashca pambapi causac millai animalcunami causanga. Huasicunapica pucucuna, avestruzcunami causanga. Sacha chivocunami callpacunga.

ISAÍAS 18:6

Chai ramacunataca urcupi causac volac animalcuna, cai pachapi tiyac animalcuna micuchunmi saquinga. Chaipimi usyai punzhacunapica urcupi causac volac animalcuna, cutin tamya punzhacunapica cai pachapi tiyac sacha animalcuna micunga» ninmi.

ISAÍAS 43:14

Cancunata quishpichic, israelcunapac jucha illac Diosca: «Cancunata quishpichingapacmi Babilonia llactapi causaccunata llaquichichun cachani. Paicunataca miticuc runacunata shinami callpachisha. Barcocunapi jatun tucushpa puric caldeocunataca chai barcocunallapitacmi cutichishpa cachasha.

EZEQUIEL 23:23

Babilonia llacta gentecunata, caldeocunata, Pecod, Soa, Coa llacta gentecunata, Asiria llacta gentecunatami cachasha. Paicunaca alaja mosocuna, mandaccuna, soldadocunata mandaccunami. Shinallatac alli sinchi, caballocunapi alli montac, alaja mosocunami can.

EZEQUIEL 29:18

«Huañunalla runa, Babilonia llactata jatun mandac Nabucodonosorca Tiro llactata atina yuyaihuanmi caita, chaita ruhuarca. Chaimantami paica uma acchapish pilarishca, huasha lomotapish chugririshca. Chashna Tiro llactata llaquichishcamantaca paipish, paipac soldadocunapish imata mana japircachu.

DANIEL 4:30

«¿Manachu cai jatun Babilonia llactataca ñuca alli nishca cangapac, ñuca fuerzahuan shayachircani?» nirca.

HABACUC 1:6

Ñucaca caldeocunamanmi cancunata llaquichichun yuyaita cugrini. Paicunaca pitapish mana llaquic, tucui llactacunata purishpa, shuccunapac huasicunata quichuc runacunami.

HECHOS 7:4

Chaimantami Abrahamca Caldea llactamanta llucshishpa, Harán pueblopi causangapac rirca. Paipac taita huañushca quipami, Diosca cunan cancuna causacuc llactaman pushamurca.