ISAÍAS 22:2 - Dios Rimashcata Quillcashcami

² ¡Sinchita caparishpa, ima shinapish cushicuc gentecunalla! Caipi causaccunaca espadapi, mana jatun macanacuipichu huañurca.

ISAÍAS 22:2 ပူးပေါင်းရင်းမြစ်များ

ISAÍAS 10:4

Cancunaca prezu caccuna shina, cumurichishca, huañuchishcacuna shina urmashcami canguichic. Chashna llaquichishpapish Mandac Diosca nina japiric shina piñarishcataca mana pasachishcachu. Ashtahuanpish llaquichingaracmi.

ISAÍAS 23:7

¿Cai llactachu ñaupa huatacunamanta pacha yallita cushicuc llacta? ¿Manachu chai llactapi causaccunaca chaquillahuan rishpa, caru llactacunapi causagriccuna carca?

ISAÍAS 32:13

Ñuca acllashcacunapac llactapica cashacuna, cardoscunami jundanga. Cushicuna huasi jahuacunapipish, cushicuna plazacunapipish chashnami canga.

ISAÍAS 32:14

Mandashpa tiyana huasipish shitashcami canga. Llactapi causac achca gentecuna bullashcapish mana uyaringachu. Lomapish, chapana torrecunapish sacha burrocuna huiñaita causana, ovejacuna shayanami tucunga.

ISAÍAS 37:33

Mandac Dios Asiria llactata jatun mandacta rimashpaca: “Mana cai llactaman yaicungachu. Cai llactapica shuc flechallatapish mana shitangachu. Mana cai llacta ñaupapi Escudota shayachingachu. Baluartetapish mana ruhuangachu.

ISAÍAS 37:36

Chai tutallatacmi Mandac Diospac angelca asiriocunapac carpacunaman rishpa, patsac pusac chunga pichca huaranga soldadota huañuchirca. Cayandi tutamanta jatarishpaca, tucui huañushpa siricuctami ricurca.

JEREMÍAS 14:18

Pambaman llucshishpaca, jatun macanacuipi huañuchishcacunata, llactaman yaicushpaca, yarcaihuan ungushcacunatami ricuni. Diosmanta huillaccunapish, curacunapish paicuna mana ricsishca llactapimi puricurca” ningui» nirca.

JEREMÍAS 38:2

«Mandac Diosca: “Maijanpish cai llactapi saquiricca jatun macanacuipi yarcaihuan, yalli ungüihuanmi huañunga. Ashtahuanpish caimanta llucshishpa, caldeocunapac maquipi yaicugricca mana huañungachu. Chashna ruhuashpaca causangami” ninmi.

JEREMÍAS 52:6

Chai huata chuscu quilla, iscun punzhapimi Jerusalenpica yalli yarcai tiyarca. Chaimantami chai llactapi causaccunaca micuna illac carca.

LAMENTACIONES 1:1

¡Achca gentecuna causana Jerusalenca shitashcami saquirishca! Tucui llactamanta yalli jatun llactaca viuda huarmi shinami saquirishca. Sumac soltera shina llactaca impuestota pagacmi tucushca.

LAMENTACIONES 2:20

Mandac Dioslla, ricuiyari. ¿Pitatac cashna ruhuashcangui? Huarmicunaca, ¿paicunapac huicsapi huiñashca huahuacunata micungachu? ¿Curapish, can ima nishcata huillacpish, can Mandac Diospac huasillapitacchu huañunga?

EZEQUIEL 22:5

¡Ruhuashcalla dioscunata adorashpa mapayashca, tucuipac mana alli nishca pueblolla, cuchupi causaccunapish, carupi causaccunapish asingacunami!

SOFONÍAS 2:15

Riquichic, chai llactapica imata mana manchashpa cushicushpami causarca. Chaimantami chaipi causacca: “Ñucallami cani, pipish mana tiyanchu” nicmi carca. ¡Cunanca ima shinami shitashca saquirishca, sacha animalcuna causanami tucushca! Tucui chaita pasaccunaca maquita huactashpami burlashpa asinga.