ISAÍAS 22:12 - Dios Rimashcata Quillcashcami

¹² Tucuita Mandac Diosca chai punzhapica yallita llaquirichun, yuyarishpa huacachun, acchata pitirichun, sharpa churanata churarichun cayarca.

ISAÍAS 22:12 ပူးပေါင်းရင်းမြစ်များ

2 CRÓNICAS 35:25

Jeremiasca Josías huañushcata yuyarishpami llaquilla cantota allichirca. Cantanata yachac tucui caricunapish, huarmicunapish cunan punzhacamanmi Josías huañushcata yuyarishpa huacana shimicunata cantancuna. Israelcunaca maijan huañucpipish, chai shimicunallatacmi cunan punzhacaman yuyarishpa cantancuna. Chai shimicunaca huacana shimicunata quillcashcapimi quillcashca tiyacun.

ESDRAS 9:3

Chashna millaita ruhuacucta uyashpami, ñucaca ucu churarishcatapish, jahuata churarishcatapish lliquircani. Ñuca uma acchatapish, barbastapish pitirishpami yallita llaquirishpa tiyarircani.

NEHEMÍAS 9:9

Ñucanchic ñaupa taitacunataca Egiptopi llaquita causacuctami ricurcangui. Puca Cucha patapi caparishpa mañashcatami uyarcangui.

JOB 1:20

Chaicunata uyashpami, Jobca jatarishpa paipac jahualla churanata lliquirishpa, uma acchatapish pitishpa pambacaman cumurishpa Diosta alli nirca.

ECLESIASTÉS 3:11

Diosca tucui imatapish ruhuana punzhallapitacmi sumacta ruhuashca. Shinallatac cai pachapi causaccunapac shungupica huiñaita causachunmi churarca. Shina cacpipish, gentecunaca callarimanta tucuricaman Dios imata ruhuashcataca mana entendinchu.

ECLESIASTÉS 3:4

Huacangapacpish, asingapacpish punzha tiyanmi. Duelo cangapacpish, bailangapacpish punzha tiyanmi.

ISAÍAS 15:2

Dibón llactapi causaccunaca lomacunapi tiyac altarcunapi huacangapacmi llucshirca. Moab llactapi causaccunaca Nebo, Medeba llactacunata tucuchishcamantami caparishpa huacanga. Tucuimi acchata pitishpa barbastapish anchuchinga.

ISAÍAS 26:10

Mana allita ruhuac runaca paita llaquicpipish, cashcata ruhuanataca mana yachacungachu. Allita ruhuaccunapac llactapi causashpapish mana allitami ruhuan. Can Mandac Dios jatun cashcataca mana yuyarinchu.

ISAÍAS 29:1

¡Aij, Ariel llactalla! ¡David causana Ariel llactalla! Ima fiestacunata huatanta ruhuashpa cushicuichiclla.

ISAÍAS 3:24

Mishquilla ashnanapac randica, millanayaitami ashnacunga. Chumbipac randica, huascahuanmi huatallishca canga. Acchata sumacta allichinapac randica, accha illacmi canga. Sumacta churanapac randica, sharpa churanahuanmi canga. Sumac ñahui canapac randica, rupashca pingaipac ñahuimi canga.

ISAÍAS 32:11

Ima llaqui shamunata mana yuyarishpa causac huarmicunalla, manchaihuan chucchuichicyari. Sharpa churanata churarishpa llaquilla caichicyari.

ISAÍAS 37:1

Chashna nicpimi, jatun mandac Ezequiasca paipac churanata lliquirishpa, sharpa churanata churarishpa, Mandac Diospac huasiman shamurca.

ISAÍAS 37:2

Chai quipami mayordomo Eliaquimtapish, quillcac Sebnatapish, curacunata pushac yuyaccunatapish sharpa churanata churachishpa Dios ima nishcata huillac Isaiaspacman cacharca. Isaiasca Amozpac churimi carca.

ISAÍAS 58:3

Paicunaca: “¿Ima nishpatac ñucanchic ayunashpa llaquiricuctaca mana ricungui? ¿Ima nishpatac ñucanchic tucui shunguhuan llaquirishpa mañacpipish, mana ricungui?” nincunami. Ayunashpa mañana punzhapica cancunapac shungu munashcata ruhuashpami, cancunapac trabajaccunatapish llaquichinguichic.

JEREMÍAS 16:6

Cai llactapica uchillacunapish, jatuncunapish huañungami. Paicunamantaca pipish mana huacangachu, mana enterrangachu. Shinallatac pipish churanata lliquirishpa, acchata pitirishpa mana llaquiringachu.

JEREMÍAS 16:8

Shinallatac jatun micui tiyac huasiman ama yaicunguichu. Ama chaipi caccunahuan micunguichu. Ama ubianguichu.

JEREMÍAS 4:8

Chaimanta sharpa churanata churarishpa, yallita llaquirishpa, caparishpa huacaichicyari. Mandac Dios ñucaca cancunahuan piñarishcami cani» ninmi.

JEREMÍAS 7:29

Chaimanta cambac acchata pitishpa shitai. Lomacunaman rishpa caparishpa huacai. Mandac Diosta yallita piñachishcamantami huahua huahuacunataca mana ricunayachishpa shitashca.

EZEQUIEL 27:31

Canmantami acchata pitirishpa, sharpa churanata churaringa. Canmantaca shungupi llaquirishpami, yallita huacanga.

DANIEL 5:1

Jatun mandac Belsasarmi pai churashca huaranga mandaccunaman shuc jatun micuita ruhuarca. Chashnami paica chai huaranga mandaccunapac ñaupapi vinota ubiacurca.

OSEAS 9:1

Israelcunalla, shuctac llactapi causaccuna shina, ama yallita cushicuichicchu. Cancunaca huainayac huarmi shinami, cancunapac Diosmanta caruyashcanguichic. Granota trillana erapi huainayashpa, cullquita japinatami munarcanguichic.

JOEL 1:13

¡Curacunalla, sharpa churanata churarishpa huacaichicyari! ¡Altarpi serviccunalla, llaquillata huacaichicyari! Mandac Diosta serviccunalla, sharpa churanata churarishpa, sueñungapac shamuichicyari. Mandac Diospac huasimantaca ofrendatapish, tallina vinotapish anchuchishcami.

JOEL 1:8

¡Shuc soltera paipac cusa tucuna huañushcamanta sharpa churanata churarishca shina huacaichicyari!

JOEL 2:12

Mandac Diosca: «Cunanca ayunashpa, huacashpa, yallita llaquirishpa, tucui shunguhuan ñucapacman cutirichic» ninmi.

JOEL 2:17

Mandac Diospacta ruhuac curacunaca pungu yaicuna altar chaupipi shayarishpa: “Mandac Dioslla, can acllashcacuna mana allita ruhuashcataca perdonaiyari. Paicunata burlashpa pingaichichun ama saquinguichu. Shuctac llactacuna mandachunpish ama saquinguichu. Shuctac gentecunaca: ‘¿Maipitac paipac Mandac Diosca?’ ningami” nishpa mañaichicyari.

AMÓS 8:10

Cancunapac cushicuna fiesta punzhacunataca, llaqui punzhacunatami ruhuasha. Tucui cancunapac cantocunataca huañuipi cantanatami ruhuasha. Sharpa churanatami churachisha. Chashnami llaquirishpa, acchata pitinga. Chaipica, shuclla churi huañushcamanta shinami huacanga. Tucurina punzhaca yalli llaqui punzhacunami canga.

JONÁS 3:6

Nínive llactata jatun mandacpish, chashna huillacpica, pai mandashpa tiyarinamanta jatarishpa, paipac churanata llucchishpa, sharpa churanata churarishpami uchupapi tiyarirca.

MIQUEAS 1:16

Judá llactalla, cancunapac cuyashca huahuacunamantaca llaquirishpa, acchata ruturichicyari. Cancunahuan causaccunata shuctac llactaman prezu apashcamantaca jatun anga shina, lluchu uma tucuichicyari.

SANTIAGO 5:1

Chayuccuna, caita uyaichic: ¡Cancunataca jatun llaquicunami japinga! ¡Chaimanta caparishpa huacaichic!