ISAÍAS 21:8 - Dios Rimashcata Quillcashcami

⁸ Chai chapac león shina caparishpaca: «¡Mandac Dioslla, ñucaca tucui punzha, tucui tutami chapana torrepi shayacuni!

ISAÍAS 21:8 ပူးပေါင်းရင်းမြစ်များ

2 CRÓNICAS 20:24

Judá llactapi causaccuna shitashca pambapi cac torreman chayashpa, chai shamuc achca soldadocunata ricucpica, shucllapish mana atishpa tucui huañushpa pambapi siricuctami ricurcacuna.

SALMOS 127:1

Mandac Dios mana huasichicpica, yangallami huasichic runacunaca huasichincuna. Mandac Dios pueblota mana cuidacpica, yangallami cuidaccunaca cuidancuna.

SALMOS 63:6

Ñuca camapi siricushpapish canta yuyarishami. Tuta riccharishca horaspimi cantaca yuyarini.

ISAÍAS 5:29

Paicuna caparishcapish león huacashca shinami uyaringa. Huahua león huacac shina caparishpa, quirucuna canirishpami imatapish japishpa apamunga. Chashna apamucpipish, pi mana quichui pudingachu.

ISAÍAS 56:10

Israelcunata chapac runacunami ñahui mana ricuccuna shina, imata mana yachaccuna can. Paicunaca mana ladranata pudic allcucuna shinami, upalla siricun. Sueñunallatami munancuna.

ISAÍAS 62:6

Jerusalenlla, cambac muyundi pircapica cuidaccunatami churarcani. Paicunaca tutai punzha mana upalla cangachu. ¡Mandac Diosta yuyarishpa causaccunaca manatac samaringuichicchu!

JEREMÍAS 25:38

Mandac Dios yallita piñarishpa llaquichicpi, paicunapac llactata llaquinayaita tucuchicpimi, huahua león paipac jutcuta shitashpa ric shina, llactata shitashpa rirca.

JEREMÍAS 4:7

Leonmi sacha ucumanta shamucun. Llactacunata tucuchingapacmi pai tiyacushca pushtumanta caiman shamungapac, ñanman llucshishca. Cancunapac llactacunapica shuc runallapish mana saquiringachu. Tucui tucuchishcami canga.

JEREMÍAS 49:19

Jordán yacu pata sachamanta león animalta japingapac llucshic shina, llucshishpami Edom llactapi causaccunataca chaimanta callpachisha. Chaipica ñuca acllashca runacunatami churasha. ¿Pitac ñuca shina tiyan? ¿Pitac ñucahuan chimbapurai pudin? Ñuca llaquichicucpica, ¿pi michictac misai pudingayari?

JEREMÍAS 50:44

León animalta japingapac Jordán yacu pata sachamanta llucshic shinami, paicunata llaquichishpa callpachisha. Ñuca acllashca runamanmi mingasha. ¿Pitac ñuca shinaca cangayari? ¿Pitac ñucahuan chimbapurai pudingayari? Ñuca llaquichicucpica, ¿pi michictac misai pudingayari?

1 PEDRO 5:8

Cancunata mana ricunayachic diabloca león yarcaihuan micusha nishpa puricuc shinami, mashcashpa puricun. Shina cashcamanta riccharishca shina, alli yuyaihuan causaichic.