ISAÍAS 21:5 - Dios Rimashcata Quillcashcami

⁵ Mizapi mantelta churashpami, micushpa, ubiashpa tiyacun. ¡Soldadota mandaccuna jatarichic, escudocunata aceitehuan cahuichic!

ISAÍAS 21:5 ပူးပေါင်းရင်းမြစ်များ

2 SAMUEL 1:21

Gilboa urcucunalla, cancunapac jahuapica, tamyapish, garuapish ama urmachun. Diosman cuna ofrendapish ama pucuchun. Chai urcupimi sinchi runacunapac, escudoca sarushca carca. Saulpac escudopish aceitehuan mana cahuishca shinami tucurca.

ISAÍAS 13:2

Shitashca urcupi banderata shayachi. Mandaccuna yaicuna punguta soldadocuna yaicuchun sinchita caparishpa maquita alzaichic.

JEREMÍAS 46:3

«Uchilla escudocunata apashpa macanacuiman shamuichic.

JEREMÍAS 51:11

Flechacunata pichaichic. Escudotapish rigrapi apaichic. Mandac Diosca Babilonia llactata tucuchinatami yuyarishca. Media llactata jatun mandaccunapac shungupimi tucuchina yuyaita churashca. Mandac Diosca paipac huasita urmachishcamantami paicunatapish llaquichinga.

JEREMÍAS 51:39

Ñucaca paicuna rupaipi cacpimi, jatun micuita ruhuashpa, ubiachishpa machachisha. Chashna machashpa cushicushpami, jaicapi mana riccharingapac sueñunga. Chaitaca Mandac Dios ñucami nini.

JEREMÍAS 51:57

Paicunata mandaccunatapish, jatun yachaccunatapish, llactapi mandaccunatapish, soldadocunata mandaccunatapish, tucui sinchi runacunatapish machachishami. Chashna machachicpica, huiñaita mana riccharishpami, sueñucungalla. Chaitaca Jatun Mandacmi nin. Paica tucuita Mandac Dios shutimi.

1 CORINTIOS 15:32

Huañushcacuna mana causarina cacpica, ñuca gentecuna shina Efeso pueblopi macanacushcaca, ¿imapactac valishca? Chaipac randica shuccunapac ninamantaca: «¡Cunanca micushunchic, ubiashunchic, cayaca ña huañushunmi!» nimanmi.