ISAÍAS 2:6 - Dios Rimashcata Quillcashcami

⁶ Mandac Dios, can acllashca Jacobopac huasi ucupuracunataca saquishcanguitacmi. Paicunaca inti llucshina ladopi causaccuna ima shina ruhuashcatami catincuna. Filisteo brujocuna ruhuashca shinallatacmi ruhuacun. Shuctac llacta runacunahuanmi imata ruhuashpa pactachingapac ari ninacun.

ISAÍAS 2:6 ပူးပေါင်းရင်းမြစ်များ

2 REYES 1:2

Ocoziasca Samaria llactapi cac paipac huasi ventanamanta urmashpami yallita ungurca. Chaimantami maijan huillaccunata cachashpaca: «Ecrón pueblopi tiyac Baal-zebub diospacman rishpa, ñuca cai ungüimantaca alliyanata, mana alliyanata tapugrichic» nirca.

2 REYES 17:20

Chaimantami Mandac Diosca israelcunapac tucui huahua huahuacunataca saquirca. Paipac ñaupamanta anchuchingacamanmi shuhuashpa causaccunapac maquipi churashpa llaquichirca.

1 CRÓNICAS 10:13

Saulca Mandac Diosta mana cazushpa, Mandac Dios mandashca shimicunatapish mana cazushpa, huañushcacunata mañaccunata tapugrishcamantami chashna huañurca.

2 CRÓNICAS 15:2

Shina shamucpi, Asahuan tupangapac llucshishpaca: «Canpish, Judá llacta, Benjamín llacta tucui soldadocunapish uyaichic. Cancuna Mandac Dios-huan cacpica, paipish cancunahuanmi canga. Cancuna paita mashcashpaca taringuichicmi. Ashtahuanpish cancuna paita saquicpica, paipish cancunata saquingami.

2 CRÓNICAS 24:20

Shina cacpimi, Joyada curapac churi Zacariaspacman Mandac Diospac Espíritu shamurca. Chaipimi paica gentecuna ricunallapi shayarishpaca: «Mandac Diosca: “¿Ima nishpatac ñuca mandashcacunataca mana cazunguichic? Chashna mana cazushcamantaca ima allitapish mana japinguichicchu. Ñucata cancuna saquishcamantaca ñucapish cancunataca saquishami” ninmi» nirca.

NEHEMÍAS 13:23

Shinallatac chai punzhacunapica Judá llactapi causaccuna Asdod, Amón, Moab pueblomanta, huarmicunahuan cazarashcatami ricurcani.

SALMOS 106:35

Chaipac randica chai gentecunahuan tandarishpami mana allita ruhuanata yachacurcacuna.

ÉXODO 22:18

Brujacuna huañunami can.

ÉXODO 34:16

Cambac churicunahuan paicunapac ushicunata cazarachishpa, paicunapac dioscunata adorana yuyaita cushpa urmachingacunami. Shina tucushpaca, chai dioscunahuan huainayashca shinami tucunga.

PROVERBIOS 6:1

Ñuca huahualla, can maijanpac garante tucushpaca mana ricsishca runapac randimi debiyuc tucushcangui.

ISAÍAS 14:29

«Tucui Filistea llactapi causaccuna llaquichic varata paquishcamantaca ama cushicuichicchu. Culebrapac huahua huahuacunamantaca shuc millai culebrami llucshinga. Chai culebramantaca volac culebrami llucshinga.

ISAÍAS 8:19

Maijanca cancunataca: “Huañushcacunata mañaccunaman, upayachiccunaman, adivinocunaman tapuichicyari” ningami. Chashna nicpica: “Cai runacunaca, ¿manachu paicunapac diosman tapuna can? ¿Causaccunamantaca huañushcacunaman tapungachu?” ninguichic.

JEREMÍAS 10:2

Paica: «Shuctac llacta gentecuna ruhuashcataca ama yachacuichicchu. Jahua pachapi ima señalcuna ricuricpi, shuctac llactapi causaccuna mancharicucpipish, cancunaca ama mancharinguichicchu.

JEREMÍAS 12:7

Ñuca acllashcacunatapish, ñuca acllashca llactatapish shitarcanimi. Ñuca yallita cuyashcacunataca paicunata piñaccunapac maquipimi churarcani.

LAMENTACIONES 5:20

¿Imamantatac ñucanchictaca huiñaita cungaringui? ¿Imamantatac unaita shitashpa saquingui?

LEVÍTICO 19:31

Huañushcapac almacunamanpish, adivinacmanpish ama tapunguichicchu. Chaiman rishpaca mapayanguichicmi. Ñucami cancunata Mandac Dios cani.

LEVÍTICO 20:6

Maijanpish brujocunata, adivinocunata catishpa huainayac runataca piñarishpami israelpuramanta anchuchisha.

MIQUEAS 5:11

Cancunapac llacta pueblocunatapish, torrecunatapish tucui urmachishpami tucuchisha.

MIQUEAS 5:12

Brujocunatapish anchuchishami. Cancunapurapica brujocunaca mana ashtahuan tiyangachu.

SOFONÍAS 1:8

Mandac Diosca: «Animalta shina huañuchina punzhapica mandaccunata, churicunatapish, shuctac llacta churanata churarishca gentecunatapish llaquichishami.

NÚMEROS 23:7

Chaipimi Balaamca yuyarina rimaicunahuan huillashpaca: «Inti llucshina ladopi tiyac Aram llactapi causacucpimi, Moab llactata mandac Balacca pushamurca. Jacobopac churi israelcunata maldiciangapac shamui nirca.

ROMANOS 11:20

Ari, chai israelcunaca mana crishcamantami, pitishca shina tucurcacuna. Ashtahuanpish canca crishcallamantami chai yurapi huiñashca cangui. Chaimanta ama canllatac “allimi cani” nirichu, ashtahuanpish Diosta manchai.

1 SAMUEL 6:2

Filisteocunaca curacunatapish, yachaccunatapish cayashpaca: —¿Mandac Diospac Arcataca imatatac ruhuashun? Apamushca pushtullamantac ima shina cachanataca huillaichicyari— nirca.