ISAÍAS 2:5 - Dios Rimashcata Quillcashcami

⁵ ¡Jacobopac huasi ucupuracuna shamuichic! ¡Mandac Diospac luzpi purishunchic!

ISAÍAS 2:5 ပူးပေါင်းရင်းမြစ်များ

SALMOS 36:10

Canta ricsiccunaman cuyaita ricuchiyari. Alli shungucunaman cashcata ruhuaiyari.

SALMOS 89:15

¡Canta caparishpa cantaccunaca yallita cushicuchun! Mandac Dioslla, cambac ñahuihuan achicyachishcapimi puringacuna.

SALMOS 89:16

Cambac shutimantami punzhanta cushicungacuna. Can cashcata ruhuac cashcamantami jatunyachingacuna.

ISAÍAS 2:3

Achca gentecuna shamushpaca: «Mandac Dios munashca shina causanata yachachicpi, allita yachacushpa, paipac alli ñanta catingapac paipac urcuman rishunchic. Jacobopac Diospac huasiman jacuchic» ningami. Chaica Sión llactamantami mandashcacunaca llucshinga. Jerusalenmantami Mandac Dios rimashcaca llucshinga.

ISAÍAS 58:1

Mandac Diosca: «¡Sinchita caparishpa huillaiyari! Trompetapi tocac shina mana manchashpa capariyari. ¡Ñuca acllashcacuna mana cazushcatapish, Jacobopac huahuacuna juchata ruhuashcatapish huillaiyari!

SAN LUCAS 1:79

Amsapi causaccunatapish, purapi huañunalla causaccunatapish achicyachishpami, ñucanchicta sumac causai ñanta pushangami» nirca.

EFESIOS 5:8

Ñaupaca amsapimi causarcanguichic. Cunanca Apunchic Jesus-huan shuclla tucushcamanta achic luzpimi causacunguichic. Shina cashcamanta achic luzpi causacuc shina causaichic.

1 JUAN 1:5

Ñucanchicman Jesucristo yachachishcatami cancunamanca huillanchic. Diosca achicyachic luzmi. Paipica ima amsa mana tiyanchu.

1 JUAN 1:7

Ashtahuanpish achic luzpi causacushpaca, caishuc chaishuc-huan shucllami canchic, shinallatac paipac Churi Jesucristopac yahuarca tucui juchacunatami pichan.