ISAÍAS 2:12 - Dios Rimashcata Quillcashcami

¹² Mandac Dios, jatun tucushpa puriccunata, cari tucushcacunata, jatun tucushcacunata llaquichina punzhami chayamugrin. Chaipimi paicunaca cumuringa.

ISAÍAS 2:12 ပူးပေါင်းရင်းမြစ်များ

2 SAMUEL 22:28

Yangalla gentecunataca quishpichinguimi. Ashtahuanpish jatun tucushcacunataca cumurichingapacmi cambac ñahuica ricucun.

JOB 24:1

Tucuita ruhuac Diospacca huatacunapish mana pacallachu can. ¿Ima nishpatac paita ricsinchicmi niccunaca paipac punzhataca mana ricuncuna?

SALMOS 131:1

Mandac Dioslla, ñuca shungupica mana jatun tucushcanichu. Ñuca ñahuihuanpish pita mana shuctacyashpa ricushcanichu. Ima jatun charinacunata japina yuyaitapish mana charishcanichu. Ñucapac imapish alli canataca mana munashcanichu.

SALMOS 18:28

Mandac Dioslla, canmi ñuca lamparataca japichishpa charingui. Ñucata Mandac Dios canmi amsapi cacpipish achicyachingui.

SALMOS 37:13

Mandac Diosca chai runata llaquichina punzha chayamucucta yachashpaca asingami.

SALMOS 94:2

Canmi cai pachapi causaccunapac juez cangui. Jatun tucushcacunataca paicuna ima shina ruhuashca shinallatac llaquichiyari.

PROVERBIOS 16:5

Mandac Diosca shungupi tucui jatun tucushcacunata millanayachinmi. Paicunaca manatac perdonashcachu canga.

ISAÍAS 10:12

Mandac Diosca Sión urcupi, Jerusalenpi ruhuashca quipaca Asiria llactata jatun mandactapish, pai jatun tucushpa, ñahuita alzashpa purishcamantami llaquichinga.

ISAÍAS 10:33

Tucuita Mandac Diosca piñarishpami jatun ramacunatapish pitinga. Jatun yuracunatapish pitishpami polvonga.

ISAÍAS 13:11

Mandac Diosca: «Cai pachapi causaccunataca millaita ruhuashcamantami llaquichisha. Ñucata mana manchaccunataca paicunallatac mana allita ruhuashcamantami tucuchisha. Jatun tucushpa puriccunatapish tucuchishami. Cariyashpa sinchi tucushpa puriccunatapish cumurichishami.

ISAÍAS 13:6

Mandac Dios llaquichina punzhami chayamun. Chaimanta caparishpa huacaichicyari. Paica tucui poderhuanmi llaquinayaita tucuchingapac shamun.

ISAÍAS 13:9

Riquichic, Mandac Dios yallita llaquichina punzhami chayamucun. Paica nina japiric shina, piñarishpami shamunga. Chashnami cai pachata shitashca pambata shina ruhuashpa, cai pachamanta juchataca tucui tucuchinga.

ISAÍAS 14:15

Ashtahuanpish cantaca Seol ucumanmi shitarca.

ISAÍAS 23:9

Tucuita Mandac Diosmi alli nishca, jatun tucushcacunata yangapi churashpa, pingaichingapac yuyarishca.

ISAÍAS 24:21

Chai punzhapica Mandac Diosmi jahua pacha angelcunatapish, cai pachapi tiyac jatun mandaccunatapish llaquichinga.

ISAÍAS 24:4

Cai allpaca chaquishpami huañushca shina tucun. Tucui cai pachami chaquishpa turicun. Cai pachapi alli gentecunami yura chaquic shina huañun.

ISAÍAS 40:23

Paica jatun poderta chariccunataca yangallata ruhuan. Cai pachata mandaccunatapish yangapimi churan.

ISAÍAS 42:15

Urcucunapi, lomacunapi tiyac tucui quihuata chaquichishpami shitashpa saquisha. Jatun yacucunatapish chaquishca pamba shinatami saquisha. Cuchacunatapish chaquichishami.

ISAÍAS 5:15

Cari tucushcacunatapish pingaichishpami cumurichinga. Ñahuita alzashpa jatun tucushpa puriccunatapish cumurichingami.

ISAÍAS 61:2

Mandac Dios quishpichina huata chayamucushcatapish, ñucanchic Dios llaquichina punzha chayamucushcata huillachunpish, shinallatac llaquilla causaccunata cushichichunpishmi cacharca.

JEREMÍAS 12:9

Ñuca acllashcacunaca, ¿manachu tucuilaya coloryuc volac animal huañuchishpa micuc angacunapac chaupipi tiyacuc shina? ¡Sachapi causac tucui millai animalcuna lambic shina tucuchingapac tandachishpa shamuichicyari!

JEREMÍAS 13:9

«Judá llactapi, Jerusalenpi causac yallita jatun tucushca gentecunatapish ismuchishca chumbita shinami tucuchigrini.

JEREMÍAS 30:7

¡Aij, chai punzhaca yalli llaquimi cagrin! Chashna llaquica jaicapi mana tiyashcachu. Jacobopac huahua huahuacunamanca yalli llaqui punzhami canga. Shina cacpipish, paicunataca quishpichishami» ninmi.

JEREMÍAS 46:10

Chai punzhaca tucuita Mandac Diospac punzhami canga. Paita piñaccunataca llaquichina punzhami canga. Espadaca tucuita huañuchishpami, yahuarsapa tucushpa, machashca shina canga. Tucuita Mandac Diosca jahua lado llacta Eufrates yacu patapimi yallita huañuchinga.

JEREMÍAS 50:31

Jatun tucushca llactalla, ñucami canhuanca piñarircani. Ñuca canta ñacachishpa, llaquichina punzhami chayamun. Tucuita Mandac Dios ñucami nini.

EZEQUIEL 13:5

Mandac Dios ñuca llaquichina punzhapi jarcaringapacca, mana Israel llacta muyundita pircarcachu. Pirca tuñirishcatapish mana allichircachu.

DANIEL 4:37

Cunanca Nabucodonosor ñucaca jahua pachata jatun Mandacta “sumaimana cangui” nishpami alli nini. Tucui pai ruhuashcaca pai nic cashcata, ruhuac cashcatami ricuchin. Jatun tucushca gentecunatapish cumurichinmi.

AMÓS 5:18

¡Aij, Mandac Dios shamuna punzhata shuyaccunalla! Pai shamuna punzhaca achic canapac randica tutami canga. ¿Imapactac Mandac Dios shamuna punzhata shuyanguichic?

MIQUEAS 2:3

Chaimantami Mandac Diosca: «Riquichic, ñucapish paicunataca yallita llaquichinatami yuyarishcani. Chai llaquimantaca shucllapish mana atingachu. Mana jatun tucushpa puringachu. Chai punzhaca yalli llaquimi canga.

MIQUEAS 5:11

Cancunapac llacta pueblocunatapish, torrecunatapish tucui urmachishpami tucuchisha.

SOFONÍAS 1:16

Chai punzhaca trompetapi tocashpami llacta muyundi jatun pirca jahuamantapish, jatun torre jahuamantapish caparinga.

SOFONÍAS 3:11

Chai punzhapica ñucata mana cazushpa, jatun tucuc runacunataca cancunapac chaupimantaca anchuchishami. Chaimantami ñucata mana cazushpa, mana allita ruhuashcacunamantaca mana pingai tucunguichic.

MALAQUÍAS 4:1

Mandac Diosca: «Rupacuc horno shina punzhami ña chayamucun. Chai punzhapica jatun tucushpa puriccunapish, mana allita ruhuaccunapish chaquishca ucsha shinami rupanga. Chai rupacuc punzha chayamushpami rupachishpa, sapillatapish, shuc ramallatapish mana saquishpa rupachinga.

MALAQUÍAS 4:5

Mandac Dios ñuca shamuna punzha, jatun mancharina punzha manarac shamucpimi, ñuca ima nishcata huillac Eliastaca cachani.

SAN MATEO 23:12

Maijanpish jatun tucushcaca, yangalla nishcami canga. Cutin yangalla caccunaca, alli nishcami canga.

SAN LUCAS 14:11

Maijanpish “allimi cani” nictaca, “mana allichu cangui” ningami. Maijanpish “mana allichu cani” nictaca, “allimi cangui” ningami» nirca.

1 CORINTIOS 5:5

Chaimanta chai huacllirishca runataca paipac aicha llaquichishca cachun, Satanaspac maquipi churaichic. Apunchic Jesús cutimui punzhapi chai runapac espirituta quishpichichunmi, chashnaca ruhuana canguichic.

1 TESALONICENSES 5:2

Cancunallatac Apunchic Jesús shuc shuhuac tuta shamuc shina, mana yuyashca horas cutimuna cashcataca, alli yachanguichicmi.

SANTIAGO 4:6

Ashtahuanpish Dios mai cuyac cashcamantami ñucanchictaca ayudacun. Dios quillcachishcapica: «Jatun tucushcacunataca piñanimi. Mana jatun tucushcacunataca cuyanimi» ninmi.