ISAÍAS 2:11 - Dios Rimashcata Quillcashcami

¹¹ Jatun tucushpa puriccunapac ñahuitaca cumurichingami. Cari tucushcacunatapish pingaichishpami cumurichinga. Chai punzhapica Mandac Diosllami jatunyachishca canga.

ISAÍAS 2:11 ပူးပေါင်းရင်းမြစ်များ

2 SAMUEL 22:28

Yangalla gentecunataca quishpichinguimi. Ashtahuanpish jatun tucushcacunataca cumurichingapacmi cambac ñahuica ricucun.

SALMOS 18:27

Yangalla gentecunataca quishpichinguimi. Ashtahuanpish jatun tucushcacunataca cumurichinguimi.

SALMOS 18:28

Mandac Dioslla, canmi ñuca lamparataca japichishpa charingui. Ñucata Mandac Dios canmi amsapi cacpipish achicyachingui.

SALMOS 20:8

Paicunaca mishacpimi irquiyashpa urmancuna. Ashtahuanpish ñucanchicca sinchitami shayacunchic.

SALMOS 46:10

Diosca: «Casilla caichic, ñucataca Dios cashcata ricsichic. Tucui llactacunapimi alli nishca casha. Tucui cai pachami jatunyachishca casha» nircami.

SALMOS 46:11

Tucuita Mandac Diosca ñucanchic-huanmi. Ñucanchic miticunaca taita Jacobopac Diosmi.

SALMOS 94:2

Canmi cai pachapi causaccunapac juez cangui. Jatun tucushcacunataca paicuna ima shina ruhuashca shinallatac llaquichiyari.

PROVERBIOS 16:5

Mandac Diosca shungupi tucui jatun tucushcacunata millanayachinmi. Paicunaca manatac perdonashcachu canga.

PROVERBIOS 30:13

Maijan huahua huahuacunaca jatun tucushpami shuccunataca piña ñahuihuan ricuncuna.

ISAÍAS 10:12

Mandac Diosca Sión urcupi, Jerusalenpi ruhuashca quipaca Asiria llactata jatun mandactapish, pai jatun tucushpa, ñahuita alzashpa purishcamantami llaquichinga.

ISAÍAS 12:1

Chai punzhapica canca: «Mandac Dioslla, cantami cantasha. Canca ñucahuan piñarishpapish chai piñarishcata pasachishpami cushichishcangui.

ISAÍAS 12:4

Chai punzhapica cancunaca: «¡Mandac Diostaca pagui nichicyari! ¡Paipac shutita caparishpa, pagui nishpa cantaichicyari! Pai ruhuashcataca tucui llactapi causaccunaman huillaichicyari. Paipac shuti jatun cashcata yuyarichicyari.

ISAÍAS 13:11

Mandac Diosca: «Cai pachapi causaccunataca millaita ruhuashcamantami llaquichisha. Ñucata mana manchaccunataca paicunallatac mana allita ruhuashcamantami tucuchisha. Jatun tucushpa puriccunatapish tucuchishami. Cariyashpa sinchi tucushpa puriccunatapish cumurichishami.

ISAÍAS 14:15

Ashtahuanpish cantaca Seol ucumanmi shitarca.

ISAÍAS 2:17

Cariyashpa puriccunapac ñahuitaca cumurichingami. Jatun tucushcacunatapish pingaichingami. Chai punzhapica Mandac Diosllami jatunyachishca canga.

ISAÍAS 23:9

Tucuita Mandac Diosmi alli nishca, jatun tucushcacunata yangapi churashpa, pingaichingapac yuyarishca.

ISAÍAS 24:21

Chai punzhapica Mandac Diosmi jahua pacha angelcunatapish, cai pachapi tiyac jatun mandaccunatapish llaquichinga.

ISAÍAS 25:9

Chai punzhapi maijanca: «¡Riquichic, paimi ñucanchic Diosca! Paitami shuyarcanchic. Paimi ñucanchicta quishpichirca. ¡Paica Mandac Diostacmi! Paitami ñucanchicca shuyacunchic. ¡Pai quishpichishcamantaca yallitami cushicunchic!» ningami.

ISAÍAS 26:1

Chai punzhapi Judá llactapi cantashpaca: «Muyundita pircashca llactatami charinchic. Diosmi ñucanchicta quishpichingapac ishcai pircata shina muyundita ruhuarca.

ISAÍAS 28:5

Chai punzhapica tucuita Mandac Diosca pai acllashcapuramanta saquirishcacunapacca sumaimana achic nicuc corona shina, umapi churarina diadema shinami canga.

ISAÍAS 29:18

Chai punzhapica ringri mana uyaccunapish libropi ima nicushcata uyangami. Ñahui mana ricuccunaca amsa cacpipish, pura tuta cacpipish ricungami.

ISAÍAS 30:18

Mandac Diosca cancunata llaquingapacpish shuyacunmi. Paica cancunata llaquic cashcamantami shuyacun. Mandac Diosca cashcata ruhuac Diosmi. ¡Tucui paita yuyarishpa causaccunaca yallita cushicuchun!

ISAÍAS 30:23

Shina ruhuacpimi, Mandac Diosca cancuna tarpucpipish, chai tarpushcaman tamyata cachanga. Chai tamyahuanmi allpacunaca sumac grano pucunga. Chai punzhapica cancunapac animalcunatapish sumac quihua pambapimi michinguichic.

ISAÍAS 37:23

¿Pitatac camishpa rimarcangui? ¿Pitatac jatun tucushpa, llaquichishpa, ñahuita alzashpa rimarcangui? ¡Israelcunapac jucha illac Diostami chashna rimarcangui!

ISAÍAS 4:1

Chai punzhacunapi shuclla carita canchis huarmicuna quichunacushpaca: «Ñucanchicllatacmi micunatapish, churanatapish mashcashun. Ama pingaichishca cangapac ñucanchic-huan cazarashpa, cambac shutita cui» ningacunami.

ISAÍAS 40:23

Paica jatun poderta chariccunataca yangallata ruhuan. Cai pachata mandaccunatapish yangapimi churan.

ISAÍAS 52:6

Chai punzhacunapimi ñuca acllashcacunaca ñuca shutita ricsinga. Chaipimi ñuca: “Ñucaca chaipimi casha” nishcata yachanga» ninmi.

JEREMÍAS 12:9

Ñuca acllashcacunaca, ¿manachu tucuilaya coloryuc volac animal huañuchishpa micuc angacunapac chaupipi tiyacuc shina? ¡Sachapi causac tucui millai animalcuna lambic shina tucuchingapac tandachishpa shamuichicyari!

JEREMÍAS 9:24

Maijanpish ñucata yuyarishcamanta, ñucata ricsishcamanta allimi cani nichun. Ñucami cai pachapica llaquicpish, alli mandacpish, cashcata ruhuacpish cani. Ñucaca chashna ruhuashpa causachunmi munani» nirca.

EZEQUIEL 38:14

Chaimanta huañunalla runalla, jatun mandac Gog llaqui tucunata huillashpa: “Mandac Diosca: Chai punzhapimi canca ñuca acllashca israelcuna imata mana manchashpa causacushcataca yachangui.

EZEQUIEL 38:19

Chai punzhacunapi nina japiric shina ñuca piñaricpimi, Israel llactapica yallita allpa chucchui tiyanga.

EZEQUIEL 39:11

Chai punzhami Israel llactapica jatun mandac Gogta maipi enterranata ricuchisha. Inti llucshina lado, mama cuchaman rina pambapimi jatun mandac Gogtapish, paipac gentecunatapish enterranga. Chaita puriccunapish, mana ashtahuan chaita pasangachu. Chai pambataca Hamón-gogtami shutichinga.

EZEQUIEL 39:22

Chai punzhamantami israelcunaca ñucataca Mandac Dios cashcata yachangacuna.

DANIEL 4:34

Chai nishca punzhacuna pactacpimi, Nabucodonosor ñucaca jahua pachata huichailla ricurcani. Chashna ricushpami, cutin yuyaita japircani. Chaimantami jahua pachapi huiñaita causac Diostaca: “Huahua huahuacunata jatun mandac, sumaimanami cangui nishpa alli nircani.

OSEAS 2:16

Chai punzhapica “Ñuca cusa” ningami. Mana ashtahuan: “Ñuca Baal” ningachu.

OSEAS 2:18

Chai punzhapimi canta ama llaquichichun sacha animalcunahuanpish, volac animalcunahuanpish, allpata aisaric animalcunahuan ari nisha. Chai llactapica jatun macanacuita chingachishpami flechacunatapish, espadacunatapish chingachisha. Chashna ruhuacpimi, canca mana manchashpa, cushilla causangui.

OSEAS 2:21

Chai punzhapica Mandac Dios ñuca jahua pachata mañacpica, jahua pachaca cai pacha mañashcata uyangami.

JOEL 3:18

Chai punzhapica urcucunamantami mishqui vino llucshinga. Lomacunamantaca lechemi talliringa. Judá llactataca achca toma yacumi callpanga. Mandac Dios ñucapac huasimanta yacu llucshishpami, Sitim pugru pambata parcunga.

AMÓS 9:11

Mandac Diosca: «Chai punzhapica Davidpac carpa huasi urmashcataca cutinmi allichishpa shayachisha. Pirca chictarishcatapish, urmashcatapish allichishpami shayachisha. Chashna tucuita allichishpami, ñaupa punzhacunapi cashca shinallatac paicunata allichisha.

ABDÍAS 1:8

Chai punzhapica, ¿manachu Edom llactapi causac jatun yachac runacunata chingachisha? ¿Manachu Esaupac urcupi causac alli yuyaiyuc runata huañuchisha?

MIQUEAS 2:3

Chaimantami Mandac Diosca: «Riquichic, ñucapish paicunataca yallita llaquichinatami yuyarishcani. Chai llaquimantaca shucllapish mana atingachu. Mana jatun tucushpa puringachu. Chai punzhaca yalli llaquimi canga.

MIQUEAS 4:6

Mandac Diosca: «Chai punzhapica suchu ovejacunatapish, ñuca llaquichishca ovejacunatapish tandachishami.

MIQUEAS 5:10

Mandac Diosca: «Chai punzhacunapica cancunapac caballocunatapish, carretacunatapish cancunapac chaupipimi huañuchishpa chingachisha.

SOFONÍAS 3:11

Chai punzhapica ñucata mana cazushpa, jatun tucuc runacunataca cancunapac chaupimantaca anchuchishami. Chaimantami ñucata mana cazushpa, mana allita ruhuashcacunamantaca mana pingai tucunguichic.

SOFONÍAS 3:16

Chai punzhapica Jerusalenpi causaccunataca: “¡Sión llactalla, ama manchaichicchu, cancunapac maquipish ama fuerza illac saquirichun!” ningami.

ZACARÍAS 9:16

Chai punzhapica, Mandac Diosmi, pai acllashcacunataca ovejacunata shina quishpichinga. Chai llactapica coronapi churana diadema curi rumicuna shinami, mai valishca canga.

MALAQUÍAS 4:1

Mandac Diosca: «Rupacuc horno shina punzhami ña chayamucun. Chai punzhapica jatun tucushpa puriccunapish, mana allita ruhuaccunapish chaquishca ucsha shinami rupanga. Chai rupacuc punzha chayamushpami rupachishpa, sapillatapish, shuc ramallatapish mana saquishpa rupachinga.

SAN LUCAS 18:14

Ñucaca ninimi: Fariseopac randica, cai impuestota japic runaracmi juchacunata Dios perdonashca huasiman cutirca. Chaica, maijanpish “allimi cani” nictaca, mana alli nishcami canga. Maijanpish “mana allichu cani” nictaca, alli nishcami canga» nirca.

2 CORINTIOS 10:17

Maijanpish jatun tucusha nishpaca, Mandac Diosmanta jatun tucuchun.

2 CORINTIOS 10:5

Chashnami juchanchiccunatapish, «allimi canchic» nishpa, Diosta ricsinata jarcaccunatapish, tucui chingachishpa gentecunapac yuyaica Cristota cazuchun nishpa paiman chayachinchic.

2 TESALONICENSES 1:10

Chai punzhapi Apunchic Jesucristo cutimucpica, tucui paipaclla cac criccunaca mancharishpami paita alli ninga. Cancunapish ñucanchic huillashcata crishcamantaca chaipimi canguichic.

1 PEDRO 5:5

Chai shinallatac quipa huiñaicunapish, pushaccuna ima nishcata cazuichic. Mana jatun tucushpami tucuillatac caishuc chaishuc-huan cazunacuna canguichic. Diosca: «Jatun tucushcacunataca piñanimi. Mana jatun tucushcacunataca cuyanimi» ninmi.