ISAÍAS 19:5 - Dios Rimashcata Quillcashcami

⁵ Mama cucha yacupish chingaringami. Jatun yacupish chaquingami.

ISAÍAS 19:5 ပူးပေါင်းရင်းမြစ်များ

JOB 14:11

Mama cuchamanta yacu tucuric shina, callpacuc yacucuna, ashancaman chaquic shinami,

ISAÍAS 15:6

Nimrim yacucunapish, quihuacunapish, Retoñac yuracunapish, tucui verdinlla yuracunapish chaquingami.

ISAÍAS 23:11

Mandac Diosmi paipac maquita mama cucha jahuata chutashpa, llactacunataca chucchuchishca. Paillatacmi Canaán llacta muyundi pircata tucuchichun mandarca.

ISAÍAS 37:25

Ñucaca shuctac llactacunapimi junduta allashpa, yacuta ubiarcani. Egiptopi tiyac jatun yacucunataca ñuca chaquihuan sarushpami chaquichircani’ nishcanguimi.

ISAÍAS 50:2

Ñuca shamushpaca, ¿imamantatac pitapish mana ricurcani? ¿Ñuca cayacpica, ima nishpatac pi mana cutichirca? ¿Manachu ñuca maquica cancunata quishpichipac? Cancunata quishpichingapacca, ¿manachu poderta charini? Riquichic, ñucaca rimashpallami mama cuchata chaquichini. Jatun yacucunatapish chaquishca pambatami ruhuani. Chaipi tiyac challuacunaca yacu mana tiyashcamantami huañushpa ismun.

JEREMÍAS 51:36

Chaimantami Mandac Diosca: «Ñucami canta llaquichishcamantaca llaquichisha. Ima shinami llaquichishca shinallatacmi paicunataca llaquichisha. Paicunapac jatun yacucunatapish, tucyacuc yacucunatapish chaquichishami.

EZEQUIEL 30:12

Nilo yacutapish chaquichishami. Chai llactataca mana allita ruhuac runacunapac maquipimi saquisha. Chaipi tiyashcacunataca caru llacta gentecunami tucuchinga. Chaitaca Mandac Dios ñucami nini.

ZACARÍAS 10:11

Jatun llaquica mama cuchatami pasanga. Nilo yacupish ucucamanmi chaquinga. Shuctac jatun yacucunapish tucuimi chaquinga. Asiria llactapi causac jatun tucushca gentecunapish urmangami. Egiptopi causaccunata mandana taunapish chingaringami.

ZACARÍAS 14:18

Egiptomanta maijan familia Jerusalenman mana shamucpica, paicunapac llactapica mana tamyangachu. Mandac Diosca ramacunahuan chucllata ruhuana fiestata ruhuangapac mana shamuc gentecunapac llactacunataca jatun ungüihuanmi llaquichinga.