ISAÍAS 19:24 - Dios Rimashcata Quillcashcami

²⁴ Chai punzhapimi israelcunaca Egiptopi causaccunahuan, Asiriapi causaccunahuan quimsa tucunga. Cai pachapi causaccunamanca bendicionmi canga.

ISAÍAS 19:24 ပူးပေါင်းရင်းမြစ်များ

GÉNESIS 12:2

Cambac huahua huahuacunataca shuc jatun llactatami ruhuasha. Canta bendiciashpami, cambac shutitapish tucuipac alli nishcata ruhuasha. Canmantami bendiciashca cangacuna.

ISAÍAS 19:23

Chai punzhapica Egiptomantaca Asiria llactaman shuc ancho ñanmi tiyanga. Chai llactapi causaccunaca Egiptomanmi yaicunga. Cutin chaipi causaccunaca Asiria llactamanmi yaicunga. Egiptopi causaccuna Asiria llactapi causaccunahuanmi Mandac Diosta servinga.

ISAÍAS 19:25

Chaica tucuita Mandac Diosmi paicunataca: «¡Egiptopi causac gentecunaca ñucapacmi, Asiria llactapi causaccunapish ñuca maquihuan ruhuashcami! ¡Israelcunaca ñucapaclla chicanyachishcami! ¡Paicunatami bendiciani!» ningami.

ISAÍAS 27:13

Chai punzhapica jatun trompetapi tocacpimi, Asiria llactapish chingarishca puriccunapish, Egiptoman apashcacunapish shamunga. Chashna shamushpami Mandac Diostaca paipaclla urcupi tiyac Jerusalenpi mañanga.

ISAÍAS 49:22

Mandac Diosca: «Llactacunapi causaccunataca ñucami mandasha. Tucui gentecunamanmi ñuca banderata alzashpa ricuchisha. Chashna ruhuacpimi, cambac churicunataca marcashpa, ushicunataca hombrospi apamunga.

ISAÍAS 49:6

Paica: «Jacobopac aillucunata, maijan saquirishca israelcunata cutin allichishpa, ñucata servinaca ñucamanca ashallami. Ashtahuanpish ñuca tucui cai pachapi causaccunata quishpichichun, llactacunapi causaccunapac luz cachunmi cantaca acllarcani» ninmi.

ISAÍAS 6:13

Patsacmanta chunga saquirishca gentecunacamanmi tucuchishca canga. Roble yurata, encina yurata urmachicpica, sapica puchunmi. Chai sapi shinami paicunapuramanta saquirishcacunaca ñucapaclla canga— nirca.

ISAÍAS 65:22

Mana shuccuna causachun huasita shayachingachu. Shuccuna micuchunpish mana tarpungachu. Ñuca acllashcacunaca yuracuna shinami unaita causanga. Ñuca acllashcacunaca paicunapac maquihuan ruhuashcahuanmi cushicunga.

ISAÍAS 65:8

Mandac Diosca: «Maijan shuc racimopi alli uvasta tarishpaca: “Chai uvasmantaca alli vinomi llucshinga. Chaimanta ama shitanguichu” ninmi. Chai shinallatacmi ñucata serviccunata cuyashcamanta mana tucui tucuchisha.

ISAÍAS 66:12

Chaimantami Mandac Diosca: «Riquichic, ñucaca paimanca cushi causaitami jatun yacuta shina churani. Llactapi causaccunamanca yacu tallirishpa shamuc shinami, ima charinacunata cusha. Paicunami cancunataca chuchuchinga. Rigrapi marcashpami apamunga. Changa jahuapi churashpami cuyachishca cangui.

EZEQUIEL 34:26

Paicunataca muyundi sumac urcucunapimi causachun churasha. Tamyana punzhacunapimi tamyachisha. Chai tamyahuanmi achca allicunata japinga.

ZACARÍAS 8:13

Judá llactapi causaccunalla, israelcunalla, shuctac llactacunapac mana alli nishcami causarcanguichic. Shina cacpipish, chai llaquimanta quishpichishpami bendiciasha. ¡Ama manchaichicchu! ¡Cushicuichic!

SAN LUCAS 2:32

Mana israelcunamanca, achicyachic luz shinami canga. Pai acllashca israelcunapacca mandacmi canga» nirca.

ROMANOS 15:27

Chai shina, paicunapac munaimanta ruhuashpaca, allitami ruhuashcacuna. Mana israelcunapish cric israelcunamanta Dios cushcata chasquishpaca, paicunatapish ayudanami can.

GÁLATAS 3:14

Taita Abrahamman Dios allicunata cusha nishcata Jesucristomanta mana israelcunapish chasquichun, shinallatac Dios cusha nishca Espirituta ñucanchic crishcamanta chasquichunmi, chashnaca tucurca.

DEUTERONOMIO 32:43

¡Llactacunalla, Dios acllashca llactata alli nichicyari! Paipac servicta huañuchiccunataca huañuchingami. Paimi, paita piñaccunata huañuchinga. Pai acllashca llactacunapac juchata pichangapacmi chashnaca ruhuanga» nirca.