ISAÍAS 19:23 - Dios Rimashcata Quillcashcami

²³ Chai punzhapica Egiptomantaca Asiria llactaman shuc ancho ñanmi tiyanga. Chai llactapi causaccunaca Egiptomanmi yaicunga. Cutin chaipi causaccunaca Asiria llactamanmi yaicunga. Egiptopi causaccuna Asiria llactapi causaccunahuanmi Mandac Diosta servinga.

ISAÍAS 19:23 ပူးပေါင်းရင်းမြစ်များ

SALMOS 87:4

Ñucata ricsic llactacunaca: «Rahab shinallatac Babilonia llactamantami rimasha. Filistea, Tiro shinallatac Etiopía llactacunapi causaccunapish, chaillapitacmi huacharishca» nishami.

ISAÍAS 11:11

Mandac Dios pai acllashcacunata paipac maquita alzashpa Asiriamanta, Egiptomanta, Patrosmanta, Etiopiamanta, Elammanta, Sinarmanta, Hamatmanta, mama cucha patapi tiyac llactacunamanta cutichimui punzhacunapipish chashnallatacmi tucunga.

ISAÍAS 11:16

Mandac Dios acllashcapuramanta maijan saquirishcacunataca Egiptomanta ñanta pascashpa huichai pushamushca shinami, Asiria llactamantaca pushamunga. Chai punzhapi israelcunaman ñan tiyashca shinami, ñan tiyanga.

ISAÍAS 19:24

Chai punzhapimi israelcunaca Egiptopi causaccunahuan, Asiriapi causaccunahuan quimsa tucunga. Cai pachapi causaccunamanca bendicionmi canga.

ISAÍAS 2:3

Achca gentecuna shamushpaca: «Mandac Dios munashca shina causanata yachachicpi, allita yachacushpa, paipac alli ñanta catingapac paipac urcuman rishunchic. Jacobopac Diospac huasiman jacuchic» ningami. Chaica Sión llactamantami mandashcacunaca llucshinga. Jerusalenmantami Mandac Dios rimashcaca llucshinga.

ISAÍAS 27:13

Chai punzhapica jatun trompetapi tocacpimi, Asiria llactapish chingarishca puriccunapish, Egiptoman apashcacunapish shamunga. Chashna shamushpami Mandac Diostaca paipaclla urcupi tiyac Jerusalenpi mañanga.

ISAÍAS 49:11

Tucui ñuca lomacunatami ñanta ruhuasha. Ñuca ñancunatapish cutin allichishami.

ISAÍAS 49:7

Israelcunata quishpichic, jucha illac Diosmi shuctac llactacuna mana ricunayachishpa millana servic gentecunata: «Mandac Dios ñuca cancunata acllashcamanta, pactachic, jucha illac Dios cashcamantami jatun mandaccunapish, shamushpa cancunapac ñaupapi cumuringa» ninmi.

ISAÍAS 62:10

¡Llacta punguta pasaichicyari! ¡Pasaichicyari! ¡Ñuca acllashcacuna pasachun, ñanta pichaichicyari! ¡Ñanmanta rumicunata anchuchishpa, pugrullata ruhuaichicyari! ¡Tucui gentecuna ricuchun banderata shayachichicyari!

ISAÍAS 66:23

Quillanta, samana punzhantami tucui mashna ñuca ñaupaman shamushpa, ñucata alli ninga.

MIQUEAS 7:12

Chai punzhapica Asiria llactamantapish, Egiptomantapish cambacman shamungami. Egiptomanta jatun yacu ladocaman causaccunami mama cucha yacuta, urcuta shamunga.