ISAÍAS 19:1 - Dios Rimashcata Quillcashcami

¹ Egipto llacta llaqui tucunamanta tucuita Mandac Dios huillashpaca: «Riquichic, Mandac Dios ñucaca callpac puyupimi Egiptoman yaicusha. Shina yaicucpica, chai llacta yanga dioscunaca paipac ñaupapimi chucchunga. Egiptopi causaccunapish, shungupi yallita mancharishpami, imatapish mana ruhuai pudinga.

ISAÍAS 19:1 ပူးပေါင်းရင်းမြစ်များ

SALMOS 104:3

Can causana huasitaca yacucuna jahuapimi churashcangui. Puyupimi carretapi shina puringui. Huaira jahuatami puringui.

SALMOS 104:34

Mandac Diosta shungu ucupi yuyarishpaca cushicunimi. Ñucaca Mandac Dios-huanmi yallita cushicuni.

SALMOS 18:9

Jahua pachata pascashpami urai shamurca. Paipac chaqui ucupica amsa puyumi tiyarca.

SALMOS 68:4

¡Diosta cantaichic! ¡Paipac shutita salmocunahuan cantaichic! ¡Caballopi montashpa puyu jahuata puricta jatunyachichic! ¡Paipac shutica Mandac Diosmi! ¡Paipac ñaupapi cushicuichic!

ÉXODO 12:12

Chai tutallatacmi Egipto llactapi punta huacharishca cari huahuacunatapish, animalcunatapish huañuchishpa pasasha. Chai llactapi causaccunapac dioscunatapish tucuimi llaquichisha. Ñucaca Mandac Diosmi cani.

ISAÍAS 13:1

Mandac Dios Babilonia llacta llaqui tucunamanta Amozpac churi Isaiasman muscuipi shina ricuchishpa huillashpaca:

ISAÍAS 13:7

Chaimantami tucuipac maquicuna irquiyanga. Tucuipac shungucunami huañunalla tucunga.

ISAÍAS 19:16

Tucuita Mandac Dios paipac llaquichi punzhapica Egipto runacunaca huarmicuna shinami, yallita mancharishpa chucchunga.

ISAÍAS 21:9

¡Riqui, ishcai caballocuna aisashca carretapimi runacuna shamun!» nirca. Shina nishca quipaca: «¡Babilonia llactaca urmarcami, urmarcami! ¡Tucui paicunapac yanga dioscunapish pambaman urmashpami paquirirca!» nirca.

JEREMÍAS 25:19

Shinallatac Egipto llactata jatun mandac Faraonmanpish, pai churashca mandaccunamanpish, paita serviccunamanpish, paipac tucui gentecunamanpish ubiachun curcanimi.

JEREMÍAS 4:13

Piñac runacunaca puyu huichai shamuc shina, carretacunaca acapana huaira shinami shamun. Caballocunaca angata yallimi callpan. Chashna shamucpica cancunaca: “¡Aij, ñucanchiclla, imachari tucushun!” ninguichicmi.

JEREMÍAS 44:8

Cancunaca Egipto llactapi causangapac yaicumushpaca cancuna ruhuashca shuctac dioscunaman inciensota rupachishpa, ñucata piñachishcamantami cancunallatac tucuringuichic. Shinami shuctac llacta gentecunapac mana alli nishca, burlashca causanguichic.

JEREMÍAS 50:2

«Llactacunapi caparishpa huillaichicyari. Banderacunata shayachichicyari. Mana pacashpa huillashpa: “Babilonia llactaca shuccunapac maquipimi. Bel diosca yallita pingaimi tucushca. Merodac diospish polvoshcami. Paicunapac ruhuashcalla dioscunapish ñutuchishcami siricun” nishpa caparichicyari.

JEREMÍAS 51:44

Shinallatac: «Babilonia llactapi cac Bel diosta llaquichishpami, imata micushcatapish huicsamanta llucchisha. Shuctac llactacunaca paipacmanca mana ashtahuan shamungachu. ¡Babilonia llacta muyundi jatun pircaca urmashcami!

EZEQUIEL 30:13

Cutinllatac Mandac Diosca: Menfis llactapi tiyac ruhuashcalla dioscunatapish, imaman riccha dioscunatapish tucuimi chingachisha. Egipto llactata mandacca tucuringami. Chai llactapica yalli manchaillami tiyanga.

JOEL 3:19

Egipto llactaca chingaringami. Edom llactapish shitashca pambami saquiringa. Judá llactapi causaccunata llaquichishcamanta, mana faltayuc runacunata huañuchishpa, yahuarta jichashcamantami chashnaca tucunga.

NAHÚM 1:1

Elcos llactamanta, Nahumman Nínive llactata tucuchinamanta muscuipi shina huillashcata quillcashcami.

NAHÚM 1:3

Mandac Diosca imatapish ruhuacmi. Mana allita ruhuaccunataca llaquichingatacmi. Shina cashpapish mana utca piñaricchu. Mandac Diosca tamya acapana huairapimi purin. Puyuca pai purishca polvomi.

ZACARÍAS 10:11

Jatun llaquica mama cuchatami pasanga. Nilo yacupish ucucamanmi chaquinga. Shuctac jatun yacucunapish tucuimi chaquinga. Asiria llactapi causac jatun tucushca gentecunapish urmangami. Egiptopi causaccunata mandana taunapish chingaringami.

ZACARÍAS 14:18

Egiptomanta maijan familia Jerusalenman mana shamucpica, paicunapac llactapica mana tamyangachu. Mandac Diosca ramacunahuan chucllata ruhuana fiestata ruhuangapac mana shamuc gentecunapac llactacunataca jatun ungüihuanmi llaquichinga.

NÚMEROS 33:4

Chai punzhapica Egipto runacunaca paicunapac punta churicunata Mandac Dios huañuchishcatami enterracurca. Paicunapac dioscunatapish Mandac Diosca llaquichircami.

DEUTERONOMIO 33:26

¡Jesurunpac Dios shinaca, mana shucca tiyanchu! Paica, jatun cashcahuanmi puyu jahuapi tiyarin. Paica canta ayudangapacmi jahua pachapi tiyarin.

JOSUÉ 2:11

Chaita uyashpaca, ñucanchic shunguca yallita shaicushca shinami tucurca. Cancunata manchashpami, tucui gentecuna ima cushicuitapish, mana charincuna. Cancunata Mandac Diosca jahua pachapipish, cai pachapipish Diosmi.

JOSUÉ 2:24

Paicunaca Josuetaca: —Mandac Diosca chai tucui llactatami ñucanchic maquipi churashca. Chai llactapi causaccunaca tucuimi manchashpa chucchucuncuna— nirca.

JOSUÉ 2:9

—Mandac Dios cai llactata cancunaman cushcataca yachanimi. Chaimantami paica cancunata manchachun, manchaita shungupi churashca. Tucui llactapi causaccunami cancunataca yallita manchaihuan chucchushpa, imatapish mana ruhuai pudincuna.

APOCALIPSIS 1:7

¡Uyaichic, Cristoca puyupimi shamucun! Paitaca tucuimi ricunga. Paita chacatashpa huañuchiccunapish ricungami. Tucui cai pachapi causac gentecunapish ricushpaca, shungupi huactarishpami paimanta huacangacuna. ¡Chaica chashnatacmi canga! Chashna cachun.