ISAÍAS 18:6 - Dios Rimashcata Quillcashcami

⁶ Chai ramacunataca urcupi causac volac animalcuna, cai pachapi tiyac animalcuna micuchunmi saquinga. Chaipimi usyai punzhacunapica urcupi causac volac animalcuna, cutin tamya punzhacunapica cai pachapi tiyac sacha animalcuna micunga» ninmi.

ISAÍAS 18:6 ပူးပေါင်းရင်းမြစ်များ

ISAÍAS 14:19

Ashtahuanpish canca enterrana jutcumantapish caruman shitashcami cangui. Cambac cuerpotaca millashpa, sarunacushpami espadahuan huañuchishcapac churanata shina shitashca cangui.

ISAÍAS 23:13

¡Caldeocunapac llactata ima tucushcata ricuichicyari! Chai llactaca ña mana tiyanchu. Chai llactataca Asiriapi causaccunami jatun torrecunata shayachishpa, mandana huasicunatapish tucuchishca. Chashnami shitashca pambapi causac animalcuna causanata ruhuarca.

ISAÍAS 46:11

Inti llucshina ladomanta millai alasyuc animal shina, runatami caru llactamanta ñuca yuyarishcata pactachichun cayarcani. Ñuca yuyarishcataca ruhuashatacmi.

ISAÍAS 56:9

Pambapi causac animalcunapish, sacha animalcunapish micungapac shamuichic.

JEREMÍAS 15:3

Mandac Dios ñucaca: “Paicunata llaquichingapacca chuscu jatun llaquicunatami churasha. Espadataca huañuchichun, allcucunataca caiman chaiman aisarichun, volac animalcunataca micuchun, sacha animalcunataca polvochunmi churasha.

JEREMÍAS 16:4

yalli nanai ungüicunahuanmi huañunga. Chai huañushcacunamantaca pi mana huacangachu, shinallatac mana enterrangachu. Allpapimi huanu tucunga. Paicunaca jatun macanacuipi yalli yarcaihuanmi tucuringa. Chai huañushcacunataca volac animalcuna, sacha animalcunami micunga nini» nirca.

JEREMÍAS 7:33

Chai cuerpocunataca volac animalcuna, pambata puric animalcunami micunga. Chai animalcuna micucucpica, pi mana manchachingachu.

EZEQUIEL 31:13

Chai urmashca yura sapi ucupica tucui volac animalcunami causanga. Chai ramacuna ucupica sacha animalcunami siriringa.