ISAÍAS 18:1 - Dios Rimashcata Quillcashcami

¹ ¡Aij, Etiopía llacta jatun yacu chimba ladopi, alascuna huaj nicuc llactalla!

ISAÍAS 18:1 ပူးပေါင်းရင်းမြစ်များ

2 REYES 19:9

Shinallatac Asiria llacta jatun mandacca, Etiopía llactata jatun mandac Tirhaca paihuan macanacungapac shamushcatami yacharca. Chaimanta paica cutin Ezequiaspacman huillaccunata cachashpaca:

SALMOS 17:8

Cambac ñahui santa luzta shina cuidaiyari. Cambac alas ucupi pacaiyari.

SALMOS 36:7

¡Mandac Dioslla, cambac cuyaica mai sumacmari! Chaimantami huañuclla aichayuc runacunaca cambac alas ucupi miticuncuna.

SALMOS 57:1

Ñuca Dioslla, ñucata llaquiyari, ñucata llaquiyari. Canpimi ñuca shunguta churani. Cai jatun llaqui pasangacaman cambac alas ucupi miticusha.

SALMOS 61:4

Huiñai huiñaitami canhuan tupana huasipi causasha, cambac alas ucupimi miticusha. Chaipica imata mana manchashachu.

SALMOS 63:7

Canmi ñucata ayudac cangui. Cambac rigra ucupi cashpami cushicushpa cantasha.

SALMOS 91:4

Paipac plumahuan pacashpami, paipac alas ucupi cuidashpa charinga. Cashcata nic cashcahuanmi escudo shina, fierro churana shina huacaichinga.

ISAÍAS 31:1

¡Aij, Egiptopi causaccunata ayudai ningapac urai riccunalla! ¡Aij, caballocunapi ric soldadocunapi, achca carretacunapi, sinchi caballocunapi shunguta churashpa “paicunaca ayudangallami” nishpa yuyaccunalla! Shina yuyacushpapish, israelcunapac jucha illac Diostaca mana yuyarincunachu. Mandac Diospac ayudata mana mañancunachu.

ISAÍAS 37:9

Chai quipami jatun mandacca: «Etiopía llactata jatun mandac Tirhacami paihuan macanacungapac shamun» ninacucta uyarca. Chaita uyashpami, paipac huillaccunata Ezequiaspacman cachashpaca:

ISAÍAS 45:14

Mandac Diosca: «Egiptopi causaccuna ima charishcapish, Etiopía llactapi randishcapish, Sabá llactapi causac jatun runacuna charishcapish cambacmi tucunga. Cambac huashataca cadenahuan huatashcami catingacuna. Cambac ñaupapi llaquilla tucushpa cumurishpaca: “Diosca canhuantacmari. Shuctac Diosca mana tiyanchu.

EZEQUIEL 30:9

Chai huatacunapica huillaccunami barcocunapi imatapish mana manchac Etiopía llactata manchachingapac ringa. Egipto llactata llaquichicpi, mancharishca shinallatacmi mancharinga. ¡Chai punzhaca ñami chayamun!

SOFONÍAS 2:12

Etiopía llactapi causac cancunapish Mandac Diospac jatun macanacuipimi huañunguichic.

SOFONÍAS 3:10

Etiopía llacta yacu ladopi causaccunami ñucata mañanga. Caita chaita rishpa causacushpapish ofrendata apamungami.

SAN MATEO 23:37

¡Jerusalén, Jerusalén! ¡Canmi Dios ima nishcata huillaccunata huañuchingui! Dios huillachun cachashcacunatapish rumihuanmi shitangui. Tauca cutinmi mama huallpa chuchicunata ucllac shina, tandachisha nircani. Chashna tandachisha nicucpipish, mana uyarcanguichu.

RUT 2:12

¡Can chashna ruhuashcamantaca Mandac Dios imata japina cashcata cuchun! Can japina cashcataca israelcunata Mandac Dios tucuita cuchun. Canca paipac rigra ucupi miticungapacmi shamushcangui— nirca.