ISAÍAS 17:8 - Dios Rimashcata Quillcashcami

⁸ Paicunapac maquihuan ruhuashca altarcunatapish, Asera huarmi diosta yuyarina yuratapish, paicunapac maquihuan ruhuashca dioscunatapish, inciensota rupachina altartapish mana ricungachu.

ISAÍAS 17:8 ပူးပေါင်းရင်းမြစ်များ

2 SAMUEL 22:42

Paicuna caparicpipish pi mana quishpichircachu. Mandac Diosta caparicpipish, mana ayudarcachu.

2 CRÓNICAS 14:5

Shinallatac Judá llactapi cac pueblocunamantaca lomacunapi tiyac altarcunatapish, imamanpish riccha dioscunatapish chingachircami. Pai mandacui punzhacunapica casilla sumac causaimi chai llactapica tiyarca.

2 CRÓNICAS 31:1

Tucui chaicunata ruhuashca quipami chaipi tandanacushca tucui israelcunaca Judá llacta pueblocunaman rishpa, ruhuashcalla dioscunatapish, Asera huarmi diosta yuyarina yuratapish tucui paquishpa tucuchirca. Tucui Judá llacta, Benjamín llacta lomacunapi tiyac altarcunatapish urmachircacunami. Efraín llactatapish, Manasés llactatapish tucui tucuchingacamanmi urmachircacuna. Chai quipami israelcunaca paicunapac pueblocunaman, paicuna causacuc allpacunaman cutircacuna.

2 CRÓNICAS 34:4

Paipac ñaupapimi Baal diospac altarcunataca tigrachirca. Patapi tiyac inciensota rupachina altarcunatapish, Asera huarmi diosta yuyarina yuratapish, labrashpa ruhuashca dioscunatapish, yacuyachishpa ruhuashca dioscunatapish paquishpami polvorca. Chai polvotaca chai dioscunaman animalta cushpa rupachiccunata enterrashca jahuapimi shitachun cacharca.

ÉXODO 34:13

Ashtahuanpish paicunapac altarcunata urmachishpa shitangui. Adorana rumi dioscunatapish paquingui. Asera huarmi diosta yuyarina yuracunatapish pitingui.

ISAÍAS 1:29

Chashna ruhuacpimi, cancunaca encina yuracunata cuyashcamanta pingaichishca canguichic. Cancuna acllashca huertacunatapish burlashpami pingaichinga.

ISAÍAS 10:20

Chai punzhacunapica israelpuramanta, Jacobopac huasi ucupuramanta puchushcacunaca ña mana ashtahuan paicunata llaquichiccuna parte tucungachu. Ashtahuanpish israelcunata Mandac jucha illac Diosllatami tucui shunguhuan yuyarishpa causanga.

ISAÍAS 17:9

Chai punzhapica muyundi pircashca paicunapac llactacunaca shitashcami saquiringa. Chai llactacunaca israelcuna amorreocunata, heveocunata llucchishpa cachacpi, shitashca saquiric llactacuna shinami saquiringa.

ISAÍAS 2:8

Shinallatac paicunapac llactapica yanga dioscunapish jundami. Paicunapac maquihuan ruhuashca dioscunatami adorancuna.

ISAÍAS 27:9

Chashnami Jacobopac huahuacunapac yalli juchacunataca cungaringa. Paicuna rumimanta ruhuashca altarcunataca cabia rumita shina ñutuchishpa, Asera huarmi diosman riccha caspicunatapish, intiman riccha yanga dioscunatapish urmachishpa, Jacobopac huahuacunapac juchataca perdonanga.

ISAÍAS 30:22

Cullquimanta ruhuashca cancuna ruhuashcalla dioscunata, jahuata curihuan llutashpa ruhuashca dioscunatapish millaichic. Chaicunataca millana mapa llachapata shina: «¡Caimanta llucshi!» nishpa, caruta shitaichic.

ISAÍAS 37:19

Chaipi tiyac dioscunatapish rupachircami. Chaicunaca mana dioscunachu carca. Ashtahuanpish runacuna caspimanta, rumimanta ruhuashcallami carca. Chaimantami chashna tucuchirca.

ISAÍAS 41:29

Riquichic, tucui paicunaca yangallami. Paicuna maipi imata ruhuashcapish mana ricurinchu. Imatapish yacuyachishpa ruhuashca dioscunaca huaira shina yangallami.

ISAÍAS 44:15

Chai yuracunallatatacmi rupachishpa cunurin. Hornopi rupachishpami tandata cusan. Chai caspillatatacmi allichishpa shuc yanga diosta ruhuan. Chashnami shuc yanga diosta ruhuashpa, paipac ñaupapi cumurishpa alli nin.

JEREMÍAS 17:2

Cancunapac huahuacunaca jatun yuracuna ladopi tiyac Asera huarmi diosta yuyarina altarta, jatun lomacunapi cancuna churashca altarta,

EZEQUIEL 36:25

Chaipimi chuya yacuhuan cancunapac juchacunata pichashpa, ruhuashcalla dioscunata adorashpa mapayashcatapish chuyayachisha.

OSEAS 14:8

Efrainca: «Yanga dioscunataca, ¿imapactac catina cani?» ningami. Paicuna mañashcataca uyashami. Paicunapacca ciprés yura shina verdinllami casha. Ñucamantami pucushca granotaca japinga.

OSEAS 14:9

Cai huillashcacunata alli yachangapacca, ¿pitac alli yachac canguichicyari? Caicunata entendingapacca, ¿pitac alli yuyaita charinguichicyari? Mandac Diospac ñancunaca alli ñancunami. Chai ñancunataca cashcata ruhuaccunallami puringa. Ashtahuanpish mana cazuccunaca chaillapitacmi mitcaringa.

SOFONÍAS 1:3

Gentecunatapish, animalcunatapish, volac animalcunatapish, mama cuchapi causac challuacunatapish, ñucata mana manchaccunatapish, cai pachapi causac gentecunatapish, tucuitami chingachisha.

ZACARÍAS 13:2

Tucuita Mandac Diosca: «Chai punzhapica cai llactapi tiyac ruhuashcalla dioscunapac shuticunataca tucuitami anchuchisha. Chai dioscunataca mana ashtahuan yuyaringacunachu. Llulla huillaccunatapish, mapayachic espiritutapish cai llactamanta anchuchishami.

DEUTERONOMIO 7:5

Paicunataca cashnami ruhuana canguichic: Paicunapac altarcunata tigrachishpa, ruhuashcalla dioscunata yuyarina rumicunatapish polvonguichic. Asera huarmi diosta yuyarina yuracunatapish tigrachishpa, labrashpa ruhuashca dioscunatapish tucui rupachinguichic.