ISAÍAS 17:4 - Dios Rimashcata Quillcashcami

⁴ «Chai punzhapica Jacobopac huahuacunaca ña mana cushicushpa, jatun tucungachu. Paicunaca huira cashpapish tulluyangami.

ISAÍAS 17:4 ပူးပေါင်းရင်းမြစ်များ

GÉNESIS 41:3

Cutin chai vacacunapac quipataca canchis tullu millanayaipac vacacunami yacumanta llucshishpa, chai yacu patapi shayacuc huira vacacunapac ladopi shayarirca.

2 REYES 17:3

Asiria llactata jatun mandac Salmanasarca macanacushpa atishpami, Oseastaca servichishpa, impuestota pagachishpa causarca.

2 REYES 17:6

Iscun huatata Oseas mandacucpimi, Asiria llactata jatun mandacca Samaria pueblota quichushpa, israelcunatapish Asiria llactaman prezu aparca. Chashna apashpami, Gozán yacu ladopi tiyac Halah, Habor pueblocunapi medocunapac pueblocunapi causachun churarca.

ISAÍAS 10:16

Chaimantami tucuita Mandac Diosca sinchi soldadocunaman ungüita cachanga. Paicuna sumaimana cacpipish paicunapac chaupipi ninata japichicpimi, ninaca ucllaric shina tucuchinga.

ISAÍAS 10:3

Taripashpa llaquichina punzhapi caru llactamanta tucuchingapac shamucpica, ¿imatac tucugringuichic? ¿Pitatac ayudachun mañagringuichic? Cancuna sumaimana cashcaca, ¿imatac tucunga?

ISAÍAS 10:4

Cancunaca prezu caccuna shina, cumurichishca, huañuchishcacuna shina urmashcami canguichic. Chashna llaquichishpapish Mandac Diosca nina japiric shina piñarishcataca mana pasachishcachu. Ashtahuanpish llaquichingaracmi.

ISAÍAS 17:3

Efraín llactatapish, Damasco llactatapish jarcashca pircaca illanmi. Siria llactapi maijan saquirishcacunaca alli nishca israelcuna shinami ashalla tucunga» ninmi. Chaitaca tucuita Mandac Diosmi nin. Israelcunata Mandac Diosca:

ISAÍAS 24:13

Tucui cai pachapi causaccunaca olivos yurata cuyuchishpa granota pallacpi, maijanlla saquiric shina, uvasta cosechashpa, tucui pallashca shinami saquiringa.

ISAÍAS 24:16

Cai pachapi causaccunaca: «¡Cashcata ruhuactaca sumaimanami cangui nichicyari!» nishpa cantashcatami uyarcanchic. Chaita uyashpami ñucaca: «¡Aij, ñucaca llaquipimi cani!» nircani. Mana cazushpami ñucataca llaquichin. Urmachic runacunami ñucataca urmachin.

ISAÍAS 9:21

Manasés ailluca Efraín ailluta, cutin Efraín ailluca Manasés aillutami tucuchinga. Shinallatac ishcai tucushpami Judá aillutaca tucuchingapac jataringa. Chashna llaquichishpapish Mandac Dios nina japiric shina piñarishcataca mana pasachishcachu. Ashtahuanpish llaquichingaracmi.

ISAÍAS 9:8

Dios llaquichinata Jacobopac huahuacunaman huillachunmi cacharca. Chai llaquitami israelcunaca aparca.

EZEQUIEL 34:20

Chaimantami Mandac Dios ñucaca: Ñucami huira ovejacunatapish, tullu ovejacunatapish taripasha.

AMÓS 3:12

Mandac Diosca: «Samariapi causac israelcunaca ñutunlla tiyarinacunapi, cama esquinapimi tiyarin. Paicunaca shuc michic leonpac shimimanta ishcai oveja chaquita mana cashpaca, ringrita quichushca shinami, ashalla saquiringa» ninmi.

SOFONÍAS 2:11

Mandac Diosca paicunahuan yallita piñarishpa, cai pachapi tiyac dioscunataca tucui chingachishpami, yallita manchachinga. Tucui yacu patapi cac llactacunapi causaccunami paicuna maipi causashcallapitac cumuringa.