ISAÍAS 17:12 - Dios Rimashcata Quillcashcami

¹² ¡Aij, mama cucha shina huaj nicuc tandanacushca gentecunalla! Achca yacu huaj nicuc shinami, shuc llactamanta runacunaca yallita caparishpa shamunga.

ISAÍAS 17:12 ပူးပေါင်းရင်းမြစ်များ

SALMOS 18:4

Huañuchic llaquicunami pilluc shina japirca. Millaicunaca jatun yacu jundac shinami yallita manchachirca.

SALMOS 29:3

¡Mandac Dios rimashcaca yacu jahuapimi uyarin! ¡Sumaimana Mandac Dios rimashcaca manchana yacu jahuapimari tulun nishpa uyaricun!

SALMOS 83:2

Riqui, canta piñaccunaca león shinami caparicuna. Canta mana ricunayachiccunaca sinchiyashcacunami.

ISAÍAS 13:4

Urcucuna jahuapica achca gentecuna caparinacushca shina, jatun mandaccuna llactacunapi causaccuna tandanacushpa caparinacushca shinami uyarin. Tucuita Mandac Diosmi macanacungapac soldadocunata yupan.

ISAÍAS 28:17

Ñucami alli ricushpa mandanataca cordelhuan shina medisha. Cashcata ruhuanataca nivelashpami ricusha» ninmi. Cancuna miticuna huasi shina, llullataca rundumi tucuchinga. Cancuna miticuna patacunataca yacumi apanga.

ISAÍAS 54:17

Canta llaquichingapac ruhuashca ima macanacunapish cantaca mana mishangachu. Canta llaquichingapac juchanchictapish, canracmi llaquipi churangui. Mandac Dios ñucata serviccuna japinaca chaimi canga. Ñucallatacmi quishpichisha» nini. Chaitaca Mandac Dios ñucami nini.

ISAÍAS 8:9

Caru llactapi causaccunalla, tucui cai pachapi causaccunalla, tandanacuichicyari. ¡Alli chumbillirishpa shayacuichic, llaquichishcami canguichic! ¡Allichirishca shuyacuichic, llaquichishcami cagringuichic!

ISAÍAS 9:5

Jatun macanacuipi soldadocuna chaquipi churarishcacunapish, yahuarpi cahuirishca churanacunapish tamo shinami rupanga.

JEREMÍAS 6:23

Paicunaca flechacunahuan, lanzacunahuanmi shayaringa. Paicunaca mana llaquic, yalli millai gentecunami. Mama cucha manchanayaita jataric shinami, tulun nishpa shamun. Sión llactapi causaccunalla, cancunahuan macanacungapacca caballocunapimi shamun» ninmi.

EZEQUIEL 43:2

Chaipimi inti llucshina ladomanta Diospac sumaimana achic nicuc shamucta ricurcani. Chaica jatun yacu huaj nic shina shamushpami, cai pachata taparca.

DANIEL 7:2

Chashna quillcashpami Danielca: «Ñucaca shuc tutami muscuipi shina jahua pacha huaira chuscu ladomanta mama cuchata caiman chaiman cuyuchicucta ricurcani.

MIQUEAS 4:11

Cunanca, achca llactacunami canta llaquichingapac tandanacushpa: «¡Sionta sarushpa yangallata ruhuashpa, tucuchishcataca ñucanchic ñahuihuantacmi ricusha ninchic!» nincuna.

NÚMEROS 10:35

Arcata apashpa, puri callaricpica Moisesca: «¡Mandac Dioslla jatariyari! Canta mana ricunayachiccunata caita chaita cachaiyari. Canta piñaccunataca cambac ñaupamanta callpachiyari» nircami.

SAN LUCAS 21:25

Intipipish, quillapipish, lucerocunapipish jaicapi mana ricushcacunami ricuringa. Cutin cai pachapica mama cucha yallita cuyurishpa huajiacta ricushpami yallita mancharishpa, yuyaita chingachinga.

APOCALIPSIS 17:1

Copacunata charicuc canchis angelcunapuramanta shuc shamushpaca: «Shamui, yacucuna jahuapi tiyacuc cullquimanta huainayac huarmita llaquichigricushcata ricuchisha.

APOCALIPSIS 17:15

Cutinllatacmi angelca: «Chai cullquimanta huainayac huarmi tiyacushca yacucunaca aillucuna, taucalaya gentecuna, taucalaya rimaita rimaccuna, shinallatac llactacunami can.