ISAÍAS 16:8 - Dios Rimashcata Quillcashcami

⁸ Hesbón, Sibma pambacunapi tiyac uvasca chaquishcami. Llactacunata mandaccuna shamushpami, sumac yuracunapac ramacunataca sarurca. Chai yura ramacunaca Jazerman, shitashca pambacamanmi carca. Shinami yallita mirashpa mama cuchatapish pasashca carca.

ISAÍAS 16:8 ပူးပေါင်းရင်းမြစ်များ

2 SAMUEL 1:21

Gilboa urcucunalla, cancunapac jahuapica, tamyapish, garuapish ama urmachun. Diosman cuna ofrendapish ama pucuchun. Chai urcupimi sinchi runacunapac, escudoca sarushca carca. Saulpac escudopish aceitehuan mana cahuishca shinami tucurca.

ISAÍAS 10:7

Paica chashna ruhuacushcataca mana yuyaringachu. Shungullapipish mana yuyaringachu. Ashtahuanpish achca llactata tucuchishpa chingachinallatami yuyaricunga.

ISAÍAS 15:4

Hesbón, Eleale llactacunapi causaccunaca Jahaza llactacaman uyarictami yallita caparinga. Chaimantami Moab llacta sinchi soldadocunapish mancharishpa huacacun. Paicunapac almaca huañunalla shinami tucunga.

ISAÍAS 16:9

Chaimantami Jazerpi causaccuna Sibma pambapi tiyac uvas chagramanta huacashca shina huacasha. Hesbónlla, Elealella, cancunamantami ñuca huiquita jichasha. Cosechanamantapish, granota tandana pambamantapish macanacungapacmi caparicun.

ISAÍAS 24:7

Uvas chagrapi ungüi yaicucpimi, vinopish tucurirca. Shungupi yallita cushicushpa causaccunami llaquirishpa huacan.

JEREMÍAS 48:32

Jazer yacumanta huacashca shinami, Sibma pambapi cac uvas chagramantaca caparishpa huacagrini. Cambac ramacunaca jatun cuchata pasashpami Jazer cuchacaman chayarca. Shina cacpipish, cosechana punzhacunami tucui chagrata tucuchirca.

NÚMEROS 21:32

Moisesca Jazer llactata ricuchunmi maijan gentecunata cacharca. Chai llactaca muyundi uchilla llactacunandi quichushpami, amorreocunata llucchishpa cacharca.

NÚMEROS 32:3

Paicuna rishpaca: —Atarot, Dibón, Jazer, Nimra, Hesbón, Eleale, Sebam, Nebo, Beón llactacunataca

NÚMEROS 32:35

Atarot-sofán, Jazer, Jogbeha,

NÚMEROS 32:38

Nebo, Baal-maón llactacunatami cutin shayachishpami shuctac shutita churarca. Sibma pueblotapish shayachircami. Paicuna shayachishca llactacunataca shuctac shutitami churarca.

JOSUÉ 13:19

shinallatac jatun pambapi tiyac urcucuna jahuapi cac Quiriataim, Sibma, Zeret-hasájar pueblocunatapish curcami.

JOSUÉ 13:25

Paicunapac allpaca Jazer pueblomanta Galaad llacta tucui pueblocunapish, Amón chaupi llactapish, Rabá pueblo chimba ladopi cac Aroer pueblocamanmi carca.