ISAÍAS 16:6 - Dios Rimashcata Quillcashcami

⁶ Moab llactapi causaccuna yallita jatun tucushpa, cariyashpa, ñahuita alzashpa puricuctami uyanchic. Ashtahuanpish yangamantami jatun tucuncuna.

ISAÍAS 16:6 ပူးပေါင်းရင်းမြစ်များ

PROVERBIOS 21:24

Cariyac, jatun tucuc runataca mana cazushpa asic runa nincunami. Yallita cariyashpa mana cazushpami, imatapish ruhuan.

ISAÍAS 15:1

Moab llacta llaqui tucunamanta huillashcami. Shuc tutallapimi Moab llactapi tiyac Ar-moab llactapish, Moab llactapi tiyac Kir-moab llactapish tucuchishca, chunlla saquiringa.

ISAÍAS 2:11

Jatun tucushpa puriccunapac ñahuitaca cumurichingami. Cari tucushcacunatapish pingaichishpami cumurichinga. Chai punzhapica Mandac Diosllami jatunyachishca canga.

ISAÍAS 25:10

Sión urcutaca Mandac Diosca cuidangami. Ashtahuanpish Moabpi causaccunataca mapata shitana pambapi ucshata saruc shinami, chai pushtullapitac sarunga.

ISAÍAS 25:11

Chashna ruhuacpipish, Moab llactapi causaccunaca yacupi huambuc runa huambungapac maquita chutac shinami chutanga. Shina cacpipish, paicuna cari tucushpa causashcamantami cumurichishca canga. Paicunapac maquita cuyuchishpapish imata mana ruhuai pudingachu.

ISAÍAS 28:15

Cancunaca: «Ñucanchicca huañuihuanpish, Seolhuanpish ari ninacurcanchicmi. Ñucanchictaca llullami miticuna huasi shina jarcacun. Chaimanta yacu jataric shina, shamushpapish ñucanchictaca mana llaquichingachu. Llullana huasipimi miticushun» nircanguichic.

ISAÍAS 28:18

Huañuihuan ari nishcapish yangallami canga. Seolhuan ari nishcapish mana sinchi cangachu. Yallita llaquicunami cancunataca saruc shina pasanga.

ISAÍAS 44:25

Yachaccuna ricuchishcatapish ñucami yangapi churani. Brujocunatapish ñucami muspachini. Yachac runacuna imata yachashcatapish ñucami huashaman cutichishpa, yangapi churani.

JEREMÍAS 48:14

¿Ima shinatac cancunaca: “Ñucanchicca alli sinchimi canchic. Alli macanacuc carimi canchic” ninguichicyari?

JEREMÍAS 48:26

Moab llactapi causaccunaca Mandac Diosta mana cazurcachu. Chaimanta paicunata machachichic. Chashnami paicuna arcadashca jahuallapitac singushpa, burlashpa asina tucunga.

JEREMÍAS 48:42

Moab llactaca Mandac Diosta mana cazushpa, jatun tucushcamantami tucuchishca canga. Ña mana ashtahuan llactachu canga.

JEREMÍAS 50:36

Espadahuan shamushpami, adivinocunatapish upayachinga. Paicunapac sinchi runacunatapish chucchuchingami.

AMÓS 2:1

Mandac Diosca: «Moab llactapi causaccunataca, catipi quimsa cutin, chuscu cutin juchallishcamanta llaquichinataca manatac saquishachu. Paicunaca Edom llactata jatun mandacpac tullucunataca uchupa tucungacamanmi rupachirca.

1 PEDRO 5:5

Chai shinallatac quipa huiñaicunapish, pushaccuna ima nishcata cazuichic. Mana jatun tucushpami tucuillatac caishuc chaishuc-huan cazunacuna canguichic. Diosca: «Jatun tucushcacunataca piñanimi. Mana jatun tucushcacunataca cuyanimi» ninmi.