ISAÍAS 16:4 - Dios Rimashcata Quillcashcami

⁴ Moab llactamanta llucchishpa cachashcacunata cancunahuan causachun saquichic. Paicuna ama huañuchun jatun pirca shina pacaichic. Chai llaquichicca chingarircami. Huañuchishpa tucuchicpish tucurircami. Sarushpa llaquichicca cai pachamanta chingarircami.

ISAÍAS 16:4 ပူးပေါင်းရင်းမြစ်များ

ISAÍAS 14:4

Babilonia llactata jatun mandacta burlashpaca: «¡Saruc shina llaquichic runaca imami tucushca! ¡Pitapish mana uyac cari tucushca runaca imami tucushca!

ISAÍAS 15:6

Nimrim yacucunapish, quihuacunapish, Retoñac yuracunapish, tucui verdinlla yuracunapish chaquingami.

ISAÍAS 25:10

Sión urcutaca Mandac Diosca cuidangami. Ashtahuanpish Moabpi causaccunataca mapata shitana pambapi ucshata saruc shinami, chai pushtullapitac sarunga.

ISAÍAS 33:1

¡Aij, imatapish quichuc runalla! Canmantaca pi mana quichushcachu. Shuccunata pandachishpa llaquichicpipish, cantaca manarac chashnallatac llaquichishcachu. Imata quichushpa tucuchishca quipaca cantapish chashnallatacmi ruhuanga. Shuccunata mana cazushpa, can llaquichishpa tucuchishca quipaca cantapish chashnallatacmi ruhuanga.

ISAÍAS 49:26

Saruc shina canta llaquichiccunataca paicunapuratami micunacuchisha. Quiquin yahuarllahuantacmi vinohuan machac shina machanga. Chashna ruhuacpimi, cai pachapi causaccunaca ñucaca Mandac, llaquimanta quishpichic, Jacobota sinchiyachic Mandac Dios cashcata yachanga» nini

ISAÍAS 51:13

¿Ñachu cancunatapish, jahua pachatapish ruhuac Mandac Diostaca cungarircangui? Cai pacha callari rumitapish ñucallatacmi churarcani. ¿Ima nishpatac cancunata llaquichiccuna yallita piñarishpa, tucuchingapac shayaricpica, punzhanta mancharicunguichic? ¿Maipitac cancunata yallita piñashpa llaquichicca?

ISAÍAS 54:14

Cashcata ruhuashpami sinchiyachisha. Ima llaquipish mana japingachu. Ima llaquitapish mana manchashpami causangui. Pipish cambacman mana cuchuyangachu.

ISAÍAS 58:7

Yarcaihuan caccunaman caranami canguichic. Huasita mana chariccunata pozachinami canguichic. Churana illaccunaman churachinami canguichic. Cambac huauquita ayudanami canguichic.

ISAÍAS 9:4

Canmi paicunapac llashac yugota paquircangui. Hombrospi cac caspitapish, paicunata llaquichina varatapish paquircanguimi. Madián llactata tucuchic shinami tucuchircangui.

JEREMÍAS 21:12

Davidpac huasi ucupurataca: Ima llaquicunataca tucui tutamanta allichichic. Llaquichishca runataca llaquichic runapac maquimanta cacharichishpa, allita ruhuaichic. Cancuna mana allita ruhuashcamanta nina japiric shina, ñuca ama piñarichunmi chashna ruhuana canguichic. Chai ninataca pipish mana huañuchi pudingachu.

JEREMÍAS 40:11

Judá llactamanta rishpa Moab, Amón, Edom llactacunapi causaccunatapish, tucui caishuc llactapi causaccunatapish Babilonia llactata jatun mandac Judá llactapi maijan saquishcacunata Ahicampac churi, Safanpac nieto Gedaliasta mandachun churashcatami yachac chayarca.

JEREMÍAS 48:18

Dibón llactapi causaccunalla, sumaimana tiyanamanta uricushpa, chaquishca pambapi tiyarichicyari. Moab llactata tucuchicmari cancunapacman shamushpa cancunapac jatun pircata urmachinga.

JEREMÍAS 48:8

Tucuchicca tucui llactacunamanmi shamunga. Shuc llactallapish mana atingachu. Pugru pambacunapish, lomacunapish Mandac Dios nishca shinami, llaqui tucunga.

ABDÍAS 1:14

Huañuimanta miticushpa riccunataca mana quichqui ñanpi chapashpa, huañuchinachu carcangui. Chai jatun llaqui punzhapica, miticushpa saquirishcacunata mana llaquichiccunaman cunachu carcangui. punzhacuna ima tucunamanta

ZACARÍAS 10:5

Mandac Dios ñucami paicunahuanca casha. Chaimantami paicunaca sinchi soldado piñaccunata saruc shina sinchi runacuna canga. Caballocunapi ric soldadocunaca pingaichishcami canga.

ZACARÍAS 9:8

Ñucaca pipish ama llucshichun, ama yaicuchunmi carpa huasita muyundita cuidashpa shayacusha. Cunan ñuca ñahuihuan ricushpa, cuidacucpica, llaquichiccunaca mana ashtahuan yaicui pudingachu.

MALAQUÍAS 4:3

Chai punzhapica mana allita ruhuac runacunataca cancunami sarunguichic. Paicunaca, cancunapac chaqui pamba ucupica, uchupa shinami canga.

SAN LUCAS 21:24

Maijantaca espadahuanmi huañuchinga. Maijantaca huatashpami, tucui llactacunaman prezu apanga. Dios llaquichichun saquishca punzhacuna pactangacamanmi, Jerusalenpi causaccunataca shuctac llactacunaca paicuna munashcata ruhuashpa llaquichinga.

ROMANOS 16:20

Chashnami cushi causaita cuc Diosca Satanasta mishashpa, cancunapac chaqui sarunapi ñalla churanga. Ñucanchic Apunchic Jesuspac cuyai tucui cancunahuan cachun.

DEUTERONOMIO 24:14

Imata mana charic, huaccha trabajac runataca cancunapura cacpipish, shuc llacta runa cancunapac llactapi causac runa cacpipish, ama llaquichinguichicchu.

APOCALIPSIS 11:2

Ashtahuanpish Mandac Diosta mañana huasi canzha pambataca ama medinguichu. Chaica Diosta mana ricsiccunaman cushcami. Paicunami chuscu chunga ishcai quillata Diospaclla cac pueblotaca llaquichinga.