ISAÍAS 16:12 - Dios Rimashcata Quillcashcami

¹² Moab llactapi causaccuna lomacunapi tiyac altarcunapi paicunapac dioscunapac huasiman yaicushpa, shaicucta mañashcapish yangallami canga.

ISAÍAS 16:12 ပူးပေါင်းရင်းမြစ်များ

1 REYES 11:7

Chashna cashpami, Salomonca Moab llactapi causaccunapac Quemos mana ricunayachishca yanga diosman Jerusalén chimba lado lomapi shuc altarta shayachirca. Shinallatac Amón llactapi causaccunapac Moloc millana yanga diosmanpish chashnallatacmi shayachirca.

1 REYES 18:29

Paicunaca chaupi punzha quipapish chishiyangacamanmi yuyaita chingachishca shina caparishpa catircacuna. Chaicamanca ñami animalta cushpa huañuchina horas tucurca. Chashna caparicucpipish, pi rimashcapish mana uyarircachu. Mañashcata pi cutichicpish mana tiyarcachu.

2 REYES 19:12

Ñuca ñaupa taitacunaca Gozán, Harán, Resef pueblocunapi causaccunatapish, Edén llacta Telasar pueblopi causaccunatapish tucuchircami. ¿Shina ruhuacucpica cambac dioscunaca ayudarcachu?

2 REYES 3:27

Chaimantami paipac randi mandagricuc punta churita paipac diosman cushpa, pirca jahuapi tucuita rupachirca. Israelcunahuanca yallitami piñarirca. Chai quipaca jatun mandacpac ladomanta anchurishpami, paicunapac llactaman cutirca.

PROVERBIOS 1:28

Chai llaquicuna japicpimi, ñucata mañangacuna. Shina mañacpipish ñucaca mana uyashachu. Ñucata yallita mashcashpapish, mana taringacunachu.

ISAÍAS 15:2

Dibón llactapi causaccunaca lomacunapi tiyac altarcunapi huacangapacmi llucshirca. Moab llactapi causaccunaca Nebo, Medeba llactacunata tucuchishcamantami caparishpa huacanga. Tucuimi acchata pitishpa barbastapish anchuchinga.

ISAÍAS 16:13

Utca huatacunapimi Mandac Diosca Moab llacta llaqui tucunamantaca huillarca.

ISAÍAS 26:16

Mandac Dioslla, yallita llaquihuan cashpami, cantaca mashcarca. Can llaquichicpica, yallitami mañarca.

ISAÍAS 37:38

Shina cacpipish, Senaquerib paipac dios Nisrocpac huasipi paita adoracucpimi, paipac churicuna Adramelec, Sarezer espadahuan huañuchirca. Shina huañuchishpaca Ararat llactamanmi miticushpa rirca. Paipac randica paipac churi Esarhadonmi mandai callarirca.

ISAÍAS 47:13

Canca shaicungacamanmi cunashcacunata uyashcangui. Cunanca, jahua cielota ricushpa yachaccuna, lucerocunata ricushpa yachaccuna, cada quilla can ima tucunata yachaccuna shayarishpa huillachun.

JEREMÍAS 10:5

Pepino chagra chaupipi volac animalcunata manchachichun churashca shinami, mana rimarishpa shayacun. Mana puri pudicpimi, huandushpa apan. Chaicunaca ima allitapish, ima mana allitapish mana ruhuai pudinchu. Chaimanta ama manchaichicchu» ninmi.

JEREMÍAS 48:13

Shina ruhuacpimi, Moab llactaca Bet-el diospi shunguta churashcamanta israelcuna pingai tucushca shina, Quemos diospi shunguta churaccunaca pingaihuan canga.

JEREMÍAS 48:35

Mandac Diosca: «Moab llactapi causaccunataca tucuchigrinimi. Paicunaca, paicunapac dioscunamanmi lomacunapi animalta cushpa, inciensotapish rupachin» ninmi.

JEREMÍAS 48:46

¡Aij, Moablla! Quemos diosta yuyaric gentecunaca tucurishcami. Churicunapish, ushicunapish shuctac llactamanmi prezu rishcacuna.

JEREMÍAS 48:7

Moab llactalla, can ima ruhuashcacunapi, ima charishcacunapi shunguta churashcamantaca prezu apashcami cangui. Quemos diospish paipac curacunandi, paipac mandaccunandimi prezu apashca canga.

NÚMEROS 21:28

Hesbón llactamantaca ninami llucshirca. Jatun mandac Sehonpac llactamanta cunyacuc nina llucshishpami, Moab llactapi tiyac Ar llactata tucuchirca. Arnón yacu jahua ladopi causac mandaccunatapish tucuchircami.

NÚMEROS 22:39

Chai quipaca Balacca Balaamhuanmi Quiriat-juzot llactaman rirca.

NÚMEROS 22:41

Chai cayandi tutamanta Balacca Balaamta Bamot-baal urcuman pushashpami, israelcunapac carpa huasicunata muyundita ricuchirca.

NÚMEROS 23:14

Shina nishpami Balaamtaca Zofim pambapi tiyac Pisga urcuman pusharca. Chaipimi canchis altarta ruhuashpa, cada altarpi shuc huagrata, shuc cari ovejata tucui rupachirca.

NÚMEROS 23:28

Shina nishpami Balacca Balaamtaca tucui shitashca pambata ricunalla Peor urcu jahuaman pusharca.

NÚMEROS 24:17

Ñucaca paita cunan mana ricushpapish, quipaman ricushami. Ricushpapish mana cuchumanta ricushachu. Jacobopac churicunamantaca shuc luceromi llucshinga. Paicunamantaca jatun mandac varayucmi llucshinga. Paimi Moabpi causaccunata ringripi huactashpa, cutin Setpac churicunataca umapi llapishpa tucuchinga.