ISAÍAS 16:10 - Dios Rimashcata Quillcashcami

¹⁰ Allita pucuc pambacunapi cushicushpa caparinaca ña illanmi. Uvas chagracunapipish mana ashtahuan cushicushpa cantangachu. Vinota ruhuaccunapish cutana pushtucunapica mana cutangachu. Uvasta cutashpa caparinaca illanmi.

ISAÍAS 16:10 ပူးပေါင်းရင်းမြစ်များ

JOB 24:11

Paicunapac pirca ucullapimi aceiteta capincuna. Uvasta sarucushpapish yacunayaihuanmi huañucuncuna.

ISAÍAS 24:11

Ñancunapica vino illashcamantami huacashpa purincuna. Tucui cushicuimi tucurishca. Cuchicunaca cai pachapimi chingarishca.

ISAÍAS 32:10

Ima llaqui shamunata mana yuyarishpa causac huarmicunalla, caimanta huata quipaca uvas chagra mana valicpi, ña mana pallana tiyangachu.

JEREMÍAS 48:33

Moabitacunapac alli pucuc pambacunapi cushicushpa caparinaca tucuringami. Vinota ruhuana tanquecunapipish, vinoca mana tiyanchu. Cantashpa uvasta sarunapish tucuringami. Cushicushpa caparinaca ña mana tiyangachu.

EZEQUIEL 7:7

¡Llactapi causaccunalla, cancunata llaquichina punzhaca ñami chayamun! ¡Urcucunapi cushicushpa caparinapac randica, llaquihuan caparina punzhami chayamun!

JOEL 1:12

Uvas chagrapish, higo yuracunapish chaquishpa chingaricunmi. Granadilla, palmera, manzana yuracunapish tucuimi chaquicun. Sacha yuracunapish tucuimi chaquicun. Chaimantami huañuclla runacunapac cushicuipish chingaricun.

AMÓS 5:11

Huacchacunata llaquichishpami, impuestotaca carga trigota japircanguichic. Chaimanta labrashca rumicunahuan ruhuashca huasipipish, mana causanguichicchu. Sumac uvas chagrata charishpapish, mana vinota ubianguichicchu.

AMÓS 5:17

Ñuca cancunapac chaupita pasacucpica, tucui uvas chagracunapimi huacai tiyanga.

AMÓS 9:13

Chai punzhaca ñami pactamun. Manarac tucui cosechacpimi, yapuna punzhacuna chayamun. Shinallatac uvasta manarac tucui pallacpimi, trigota tarpuna punzhaca chayamun. Llullu vinoca yacu shinami urcucunapipish, lomacunapipish talliringa. Chaitaca Mandac Dios ñucami nini.

SOFONÍAS 1:13

Chaimantami paicunapac charishcacunatapish shuhuashpa, huasicunatapish llaquinayaitami tucuchinga. Huasicunata shayachishpapish, mana causangacunachu. Uvasta tarpushpapish, vinota mana ubiangacunachu» ninmi.

JUECES 9:27

Paicunaca chai pueblopi causaccunahuanmi uvas chagraman rishpa uvasta pallashpa sarushpa capirca. Chai quipaca jatun fiestata ruhuashpami ruhuashcalla dioscunata yuyarina huasiman yaicushpa, ubiashpa, micushpa Abimelectaca imapish tucushca canman nircacuna.