ISAÍAS 15:4 - Dios Rimashcata Quillcashcami

⁴ Hesbón, Eleale llactacunapi causaccunaca Jahaza llactacaman uyarictami yallita caparinga. Chaimantami Moab llacta sinchi soldadocunapish mancharishpa huacacun. Paicunapac almaca huañunalla shinami tucunga.

ISAÍAS 15:4 ပူးပေါင်းရင်းမြစ်များ

GÉNESIS 27:46

Chai quipami Rebecaca Isaactaca: —Ñucaca heteocunapac ushicunahuanca mana allichu causani. Jacobo cai llactapi causac Hetpac ushicunahuan cazaracpica, ¿imapactac causacusha?— nirca.

1 REYES 19:4

Paica shitashca pambata tucui punzha rishpami enebro yura ucuman chayashpa tiyarirca. Pai huañunata munashpaca: «¡Mandac Dioslla, caicamanllami causanata munani! ¡Ñuca causaita quichuilla! ¡Ñucaca ñaupa taitacunata yalli ashtahuan allipish mana canichu!» nirca.

JEREMÍAS 20:18

Paipac huicsamantaca, ¿imapactac llucshircani? ¿Mana alli nishpa rimashcata, yalli llaquita, huacaita ricungapac, yallita pingaichishca cangapacchu huacharircani?

JEREMÍAS 48:21

Pugru pambapi tiyac Holón, Jahaza, Mefaat,

JEREMÍAS 48:34

Hesbón runacuna caparishpa huacashcaca Eleale llactacaman, shinallatac Jahaza pueblocamanmi uyarirca. Zoarmantaca Horonaimcaman, Eglat-selisiyacamanmi uyarirca. Nimrim yacucunapish chaquishcami.

JEREMÍAS 8:3

Chai millaita ruhuac runacunataca caita chaitami shic-huashpa cachasha. Cutin chai saquirishcacunaca causanapac randica, huañuimi ashtahuan munanga. Chaitaca tucuita Mandac Dios ñucami nini.

JONÁS 4:3

Cunanca, Mandac Dioslla, ñuca causaita quichuilla. Causanapac randica huañuimi ñucamanca ashtahuan alli— nirca.

JONÁS 4:8

Mandac Diosca inti llucshimucpimi, yallita rupac huairata cachashpa, Jonaspac umata yalli rupachirca. Shina rupachicpimi, huañunalla tucushpaca: —¡Causanapac randica huañuimi ñucamanca ashtahuan alli!— nirca.

NÚMEROS 11:15

Ñuca cashna llaquita apana cacpica, ñuca causaita quichuchunmi mañani. Cambac ñaupapi ñuca alli ricurishca cacpica, chaita ruhuailla. Cashna llaquitaca mana ashtahuan apasha ninichu— nirca.

NÚMEROS 21:23

Jatun mandac Sehonca israelcunataca paipac llactata mana pasachircachu. Ashtahuanpish tucui gentecunata tandachishpami, Jahazman chayashpa, israelcunahuan macanacurca.

NÚMEROS 21:28

Hesbón llactamantaca ninami llucshirca. Jatun mandac Sehonpac llactamanta cunyacuc nina llucshishpami, Moab llactapi tiyac Ar llactata tucuchirca. Arnón yacu jahua ladopi causac mandaccunatapish tucuchircami.

DEUTERONOMIO 2:32

Sehonca tucui paipac gentecunandimi ñucanchic-huan macanacungapac Jahazaman llucshirca.

JOSUÉ 13:18

Jahaza, Cademot, Mefaat pueblocunatapish,

APOCALIPSIS 9:6

Chai punzhacunapica ima shinapish huañunatami gentecunaca yuyanga. Shina yuyacushpapish mana huañungacunachu. Paicuna huañuita munacucpipish, huañuica mana chayangachu.

JUECES 11:20

Shina mañacpipish Sehonca israelcunata mana crishpami, pasachinapac randica Jahaza pambapi soldadocunata tandachishpa israelcunahuan macanacurca.