ISAÍAS 14:7 - Dios Rimashcata Quillcashcami

⁷ Cunanca, tucui cai pachapi causaccunami imatapish mana manchashpa, Mandac Diosta alli nishpa, cushilla causan.

ISAÍAS 14:7 ပူးပေါင်းရင်းမြစ်များ

SALMOS 47:1

¡Tucui llactapi causaccuna maquita huactaichicyari! ¡Yallita cushicushpa caparishpa Diosta cantaichicyari!

SALMOS 98:1

¡Mandac Diostaca jatun mancharinacunata ruhuashcamanta mushuc cantohuan cantaichicyari! Paipac alli maquihuan, jucha illac rigrahuanmi mishachirca.

PROVERBIOS 11:10

Pueblopi causaccunaca cashcata ruhuaccuna alli causacpimi cushicuncuna. Ashtahuanpish Diosta mana manchaccuna huañucpica, cushicushpami caparicuncuna.

ISAÍAS 21:2

Muscuipi shina ricuchishpaca sinchitami ricuchirca. Mana cazuc runaca mana cazushpami catin. Huañuchishpa tucuchic runaca tucuchishpami catin. ¡Elam llactapi causaccunalla, macanacungapac huichai richicyari! ¡Media llactapi causaccunalla, Babiloniata muyunacuichicyari! Ña mana llaquihuan caparinacui tiyangachu.

ISAÍAS 49:13

¡Jahua pachalla, cushicushpa cantaiyari! ¡Cai pachapish cushicuiyari! ¡Urcucunapish caparishpa cantaichicyari! Mandac Dios ñucami cushichini. Llaquilla causaccunatapish llaquini» ninmi.

JEREMÍAS 51:48

Jahua lado llactamantami Babilonia llactata llaquichingapac shamunga. Paicuna shamushpa, tucui tucuchicpica, jahua pachapish, cai pachapish, chaipi tiyaccunapish cushicushpami cantanga.

EZEQUIEL 35:14

Chaimantami Mandac Dios ñucaca: Cantaca tucui llactacuna ricushpa, cushicuchunmi llaquinayai shitashca pambata saquisha.

ZACARÍAS 1:11

Shina nicpimi, paicunaca arrayán yuracuna chaupipi shayacuc Mandac Diospac angeltaca: —Ñucanchicca ñami cai pachata muyumunchic. Tucui cai pachami cushilla sumacta causacun— nirca.

APOCALIPSIS 18:20

¡Chai pueblota tucuchishcamantaca Diospaclla caccunapish, Jesusmanta huillachun acllashcacunapish, Diosmanta ñaupa huillaccunapish, shinallatac jahua pachapi tucui causaccunapish cushicuichic! Cancunata llaquichic cashcamantami Diosca chai pueblotaca chashna llaquichishca.