ISAÍAS 14:26 - Dios Rimashcata Quillcashcami

²⁶ Cai pachata llaquichingapacmi ña yuyarircani. Tucui llactacunata llaquichingapacmi maquita chutashca cani» nirca.

ISAÍAS 14:26 ပူးပေါင်းရင်းမြစ်များ

ÉXODO 15:12

Cambac alli maquita chutacpica, allpapish millpurcami.

PROVERBIOS 19:21

Runapac shungupica caita chaita ruhuana yuyaicunami tiyan. Ashtahuanpish Mandac Dios munashcami pactanga.

ISAÍAS 23:11

Mandac Diosmi paipac maquita mama cucha jahuata chutashpa, llactacunataca chucchuchishca. Paillatacmi Canaán llacta muyundi pircata tucuchichun mandarca.

ISAÍAS 23:9

Tucuita Mandac Diosmi alli nishca, jatun tucushcacunata yangapi churashpa, pingaichingapac yuyarishca.

ISAÍAS 25:11

Chashna ruhuacpipish, Moab llactapi causaccunaca yacupi huambuc runa huambungapac maquita chutac shinami chutanga. Shina cacpipish, paicuna cari tucushpa causashcamantami cumurichishca canga. Paicunapac maquita cuyuchishpapish imata mana ruhuai pudingachu.

ISAÍAS 5:25

Mandac Diosca nina japiric shina piñarishpami pai acllashcacunata llaquichirca. Urcucunapish chucchungami. Huañushcacunaca imapish mapa shinami chaupi ñancunapi shitashca canga. Chashna ruhuashpapish pai yallita piñarishcataca mana pasachingachu. Ashtahuanpish llaquichingatacmi.

JEREMÍAS 25:15

Israelcunata Mandac Diosca: «Ñuca yallita piñarishca vino copata ñuca maquimanta japishpa, ñuca canta cachashca llactacunapi causaccunaman ubiachi.

SOFONÍAS 2:13

Mandac Diosca jahua lado llactaman maquita alzashpami Asiria llactata llaquichishpa tucuchinga. Nínive llactatapish llaquinayaita tucuchishcami, shitashca pambata saquinga.