ISAÍAS 14:24 - Dios Rimashcata Quillcashcami

²⁴ Tucuita Mandac Dios ari nishpaca: «Ñuca yuyarishcataca ruhuashatacmi. Imata ruhuanata yuyarishcataca pactachishatacmi.

ISAÍAS 14:24 ပူးပေါင်းရင်းမြစ်များ

GÉNESIS 41:32

Diosca ruhuagricushpatacmi can Faraonman ishcai cutin muscuchishca, chaitaca utcami ruhuanga.

JOB 23:13

Ashtahuanpish pai imata ruhuasha nishcataca, ¿pitac shuctacyachingayari? Paillami imatapish ruhuan.

SALMOS 110:4

Mandac Diosca paipac shimihuan rimashpaca: «Cantaca huiñaitami Melquisedec cura shina cachun churani» nirca. Chai nishcataca mana paquingachu.

SALMOS 33:10

Mandac Diosca llactacunapi causaccuna cunashcataca yangapimi churan. Shinallatac gentecuna yuyarinacushcatapish chingachishpami churan.

SALMOS 92:5

¡Mandac Dioslla, can ruhuashcacunaca mai jatunmi! ¡Cambac yuyaica pi mana entendipac yallita jatunmi!

ÉXODO 17:16

Shinallatac: «Amalecitacuna Mandac Dios-huan piñarishcamantami Mandac Diosca paicunapac huahua huahuacunahuanca tucui causaipi macanacucungalla» nirca.

PROVERBIOS 19:21

Runapac shungupica caita chaita ruhuana yuyaicunami tiyan. Ashtahuanpish Mandac Dios munashcami pactanga.

PROVERBIOS 21:30

Alli yachaipish, ima yuyaipish, ima cunashcapish Mandac Diostaca mana ati pudinchu.

ISAÍAS 10:5

Mandac Diosca: «¡Asiria llactata jatun mandaclla, ñuca yallita piñarishpa macana varami cangui! Ñuca yallita piñarishpa macana caspica cambac maquipimi.

ISAÍAS 19:12

Mandac Diosca Egiptota imata ruhuanatami yuyarishca. Chaita canman huillangapacca, cambac alli yachac runacunaca, ¿maipitac?

ISAÍAS 19:17

Tucuita Mandac Dios yallita llaquichigricucpimi, Egiptopi runacunaca Judapi causaccunaca yallita manchanga. Judá llactapi causaccunata yuyarishpallami yallita manchanga.

ISAÍAS 55:8

Mandac Diosca: «Ñuca yuyaica mana cancunapac yuyai shinachu. Ñuca imata ruhuashcapish mana cancuna ruhuashca shinachu.

ISAÍAS 55:9

Ima shinami jahua pachaca cai pachamanta jahuaman tiyacun, chashnallatacmi ñuca imata ruhuashcapish yalli can. Shinallatac ñuca yuyaipish cancunapac yuyaicunataca yallimi.

JEREMÍAS 23:20

Mandac Diosca pai yuyashca shinata ruhuashpa, pactachingacamanmi pai piñarishcataca manatac pasachinga. Quipa punzhacunami chaicunataca allita yachanguichic» nirca.

JEREMÍAS 29:11

Ñucaca cancunaman ima ruhuanata yuyaricushcataca yachanimi. Cancuna cushilla shuyashpa causachunca, cancunata llaquichinapac randica, cushi causaitami cusha. Chaitaca Mandac Dios ñucami nini.

JEREMÍAS 44:26

Chaimanta Egipto llactapi causac Judá gentecuna Mandac Dios rimashcata uyaichic. Paica: Egipto llactapi causac Judá gentecunamanta maijanllapish: ‘Mandac Diosca causacunmi’ nishpaca, ñucata ña mana mañangachu, ña mana yuyaringachu. Caitaca Mandac Dios ñuca shutipimi nini.

JEREMÍAS 49:20

Edom llactapi causaccunapish, Temanpi causaccunapish Mandac Dios ima shina llaquichinata yuyarishcata uyaichicyari. Paicunapac manada ovejacunamanta ashtahuan uchillacamanmi apanga. Ovejacuna shayanacunatapish tucui urmachishpami saquinga.

JEREMÍAS 50:45

Chaimanta Mandac Dios ñuca Babilonia llactata ima shina llaquichinata, caldeocunata imata ruhuanata yuyarishcataca uyaichicyari. Paicunapac manada ovejacunamanta ashtahuan uchilla ovejacamanmi apanga. Ovejacuna shayanacunatapish tucui urmachishpami saquinga.

LAMENTACIONES 3:37

Mandac Dios mana mandacpica, ¿pitac imata huillanga?

EZEQUIEL 12:25

Imalla tucunataca Mandac Dios ñucami rimagrini. Chai rimashcaca utcami pactanga. Mana cazuc israelcunalla, cancunaman huillashcataca cancuna causacucpiracmi pactachisha nini” ninmi ningui» nirca.

EZEQUIEL 39:4

Cambac soldadocunandi, canhuan cac gentecunandimi Israel llacta urcucunapi huañungui. Chaipica volac animalcuna, sacha animalcunami micunga.

AMÓS 3:6

Llactapi cornetapi manarac tocacpi, ¿gentecunaca mancharishpa caparingachu? Mandac Dios manarac llaquichicpi, ¿llactapi llaqui tiyangachu?

AMÓS 8:7

Jacobo alli nina Mandac Dios paipac shutipi ari nishpaca: «¡Chai tucui mana allita ruhuashcataca jaicapi mana cungarishachu!» ninmi.

SAN MATEO 11:25

Chai quipami Jesusca: «Jahua pachata, cai pachata Mandac ñuca Taitalla, cantaca “allimari cangui” ninimi. Canca, cai yachanacunataca alli yuyaiyuc, alli yachaccunamanta pacashpami, huahuacuna shinamanmi, yachana yuyaita cushpa yachachishcangui.

HECHOS 4:28

Chashnami can ñaupaman alli yachashpa, chashna tucuchun nishcata pactachirca.

EFESIOS 1:9

pai munashcamanta ñaupaman cusha nishca pacashcataca, Cristomanta ñucanchic japichun ricuchirca.

HEBREOS 4:3

Dios nishca shinami ñucanchicca crishcamanta, pai cusha nishca samarinaman yaicushun. Diosca: “Yallita ñuca piñarishpami: ‘Ñucahuan samaringapacca mana yaicungacunachu’ nircani” nirca. Shina nishpaca, Diosca cai pachata ruhuashca quipa samarishcatami nisha nin.

JOSUÉ 11:20

Mandac Diosca Moisesta mandashca shinami paicunataca israelcunahuan macanacuchun, chashna macanacushpaca mana llaquishpa tucuchishca cachun, sinchi shunguta ruhuarca.