ISAÍAS 14:2 - Dios Rimashcata Quillcashcami

² Shuctac llactapi causaccunami paicunataca Israel llactaman pushamunga. Chashna shamucpimi, israelcunaca caricunatapish, huarmicunatapish Mandac Diospac llactapi servicta ruhuanga. Chaipimi paicunata prezuccunatapish prezunga. Paicunata utcapi llaquichiccunatapish llaquichinga.

ISAÍAS 14:2 ပူးပေါင်းရင်းမြစ်များ

ESDRAS 2:65

Paicunata servic caricunata, servic huarmicunata mana yupashcami chashna carca. Chai serviccunaca canchis huaranga quimsa patsac quimsa chunga canchismi carca. Paicunaca ishcai patsac cantac caricunata, cantac huarmicunatami charirca.

SALMOS 68:18

Mandac Dioslla, prezucunata apashpami, jahuaman rircangui. Gentecunamantapish ofrendata japircanguimi, mana cazuccunamantapish japina cashcatami japircangui. Paicunapac chaupipi mandangapacmi chashna japircangui.

ISAÍAS 18:7

Chai punzhapi jagan nicuc manchana jatun runacunaca tucuita Mandac Diosman cungapacmi ofrendata apamunga. Paicunaca yallita llaquichishpa, llactacunata quichuc sinchi runacunami ricun. Paicunapac llacta muyunditaca jatun yacucunami. Chai llactapi causaccunami tucuita Mandac Dios ñucapac shutipi mañangapac Sión urcuman shamunga.

ISAÍAS 31:8

Chai punzhapica Asiria llacta runacunaca jatun macanacuipimi huañunga. Shina cashpapish mana runacunachu paicunataca huañuchinga. Mana runacunapac espadahuanchu tucuringa. Jatun macanacuimantami miticushpa callpanga. Mosocunaca sinchita servishpami causanga.

ISAÍAS 45:14

Mandac Diosca: «Egiptopi causaccuna ima charishcapish, Etiopía llactapi randishcapish, Sabá llactapi causac jatun runacuna charishcapish cambacmi tucunga. Cambac huashataca cadenahuan huatashcami catingacuna. Cambac ñaupapi llaquilla tucushpa cumurishpaca: “Diosca canhuantacmari. Shuctac Diosca mana tiyanchu.

ISAÍAS 49:22

Mandac Diosca: «Llactacunapi causaccunataca ñucami mandasha. Tucui gentecunamanmi ñuca banderata alzashpa ricuchisha. Chashna ruhuacpimi, cambac churicunataca marcashpa, ushicunataca hombrospi apamunga.

ISAÍAS 49:23

Jatun mandaccunami cambac huiñachic taitacuna shina canga. Jatun mandac huarmicunami huiñachic mamacuna shina canga. Cantaca cumurishpami alabanga. Cambac chaqui allpata lambingacunami. Chashna ruhuacpimi, ñuca Mandac Dios cashcata yachangui. Shinallatac ñucata shuyaccunaca mana pingaichishcachu canga.

ISAÍAS 49:25

Ashtahuanpish Mandac Diosca: «Sinchi runapac maquimanta prezuta llucchishallami. Mana llaquic mandacmantapish quichushallami. Ñucami canta llaquichic-huan macanacunpac shayarisha. Cambac huahuacunataca ñucami llaquimanta quishpichisha.

ISAÍAS 54:3

Cambac huahua huahuacunaca alli ladomanpish, lluqui ladomanpish jundashpami, achca llactacunata japishpa, shitashca llactacunapipish causanga.

ISAÍAS 60:14

Llaquichiccunapac churicunaca cambac ñaupaman shamushpami cumuringa. Tucui canta millanayachiccunami cambac chaqui ñaupapi cunguringa. Paicunami “Israelcunapac jucha illac Mandac Dios causana Sión llacta” ninga.

ISAÍAS 60:4

Alzarishpa muyundita ricuiyari. Tucui paicunami tandanacushpa, cambacman shamunga. Cambac churicunaca carumantami shamunga. Cutin ushicunataca marcashpami apamunga.

ISAÍAS 61:5

Shuc llactamanta runacunami cancunapac ovejacunataca michinga. Mana ricsishca runacunami cancunapac pambacunapica uvas chagrata ruhuanga.

ISAÍAS 66:12

Chaimantami Mandac Diosca: «Riquichic, ñucaca paimanca cushi causaitami jatun yacuta shina churani. Llactapi causaccunamanca yacu tallirishpa shamuc shinami, ima charinacunata cusha. Paicunami cancunataca chuchuchinga. Rigrapi marcashpami apamunga. Changa jahuapi churashpami cuyachishca cangui.

JEREMÍAS 30:16

Tucui canta tucuchiccunaca tucuchishcami canga. Canta piñaccunaca prezushcami canga. Canta saruccunaca sarushcami canga. Canmanta quichuccunamantapish quichungami. Canmanta shuhuaccunamantapish shuhuangami.

JEREMÍAS 49:2

Chaimantami amonitacunapac Rabá llactapica jatun macanacuipi caparinacuita uyana punzhacuna chayamun. Chai puebloca tucui urmachishpa, rumi montonllami saquiringa. Chaipi tiyac caishuc llactacunapish rupachishcami canga. Chai punzhacunami israelcunaca paicunamanta quichushca pueblocunata cutin japinga. Chaitaca Mandac Dios ñucami nini.

EZEQUIEL 39:10

Chai macanacunami yantaca canga. Chaimantami yantatapish mana apamunga, yuracunatapish mana pitinga. Quichuccunamantami quichunga. Shuhuaccunamantami shuhuanga. Chaitaca Mandac Dios ñucami nini.

DANIEL 7:18

Shina shamucpipish, chai mandanataca jahua pachapi causac Diospaclla caccuna japishpami, huiñai huiñaita mandanga” nirca.

JOEL 3:8

Cancunapac churicunata, ushicunataca Judá llactapi causaccunamanmi catusha. Cutin paicunaca caru llactapi cac Sabá llacta runacunamanmi catunga. Chaitaca Mandac Dios ñucami nini.

LEVÍTICO 25:44

Cancuna servic carita, servic huarmita charishun nishpaca, cuchulla llactacunapi randinguichic.

ABDÍAS 1:17

Ashtahuanpish Sión urcupica, maijan quishpirishcacuna tiyangaracmi. Chai urcuca Diospaclla chicanyachishcami canga. Jacobopac huahua huahuacunapish paicunapac allpataca cutinmi japinga.

ZACARÍAS 2:13

¡Mandac Diosca pai causana jucha illac pushtumantami shamun! ¡Chaimanta cai pachapi tucui causaccuna upalla caichic!

ZACARÍAS 2:9

Mandac Diosca: «Ñuca cancunata piñashpa, llaquichicpica, quiquin serviccunallatacmi ima charishca quichushpa llaquichinga» ninmi. Chashna ruhuacpimi, ñucataca Mandac Dios cachashcata yachanguichic.

SAN LUCAS 12:45

Ashtahuanpish chai mayordomo paipac shungupi: “Ñuca amoca mana utca shamungachu” yuyashpa, cari serviccunatapish, huarmi serviccunatapish macashpa, pailla micushpa, ubiashpa, machashpami puricunman.

ROMANOS 15:27

Chai shina, paicunapac munaimanta ruhuashpaca, allitami ruhuashcacuna. Mana israelcunapish cric israelcunamanta Dios cushcata chasquishpaca, paicunatapish ayudanami can.

2 CORINTIOS 10:5

Chashnami juchanchiccunatapish, «allimi canchic» nishpa, Diosta ricsinata jarcaccunatapish, tucui chingachishpa gentecunapac yuyaica Cristota cazuchun nishpa paiman chayachinchic.

GÁLATAS 5:13

Cuyashca criccuna, cancunataca ña ama huatashca shina causachunmi cayarca. Cunanca “ña mana huatashca shinachu canchic” nishpaca, imapish mana alli munaicunataca ama ruhuanguichicchu. Chaipac randica caishuc chaishuc-huan cuyanacushpa, ayudanacushpa causaichic.

EFESIOS 4:8

Chaimantami Dios quillcachishcapica: «Pai jahuaman rishpaca, prezu caccunata pushashpami rirca. Gentecunamanca Diosmanta ruhuac canatami curca» ninmi.

APOCALIPSIS 3:9

Ñucaca Satanaspac tandanacuimantami maijan manapish israelcuna cashpa, ‘israelcunami canchic’ nishpa llullaccunataca cambac ñaupapi cungurichisha. Chashna ruhuacpimi ñuca canta cuyashcataca yachangacuna.