ISAÍAS 13:4 - Dios Rimashcata Quillcashcami

⁴ Urcucuna jahuapica achca gentecuna caparinacushca shina, jatun mandaccuna llactacunapi causaccuna tandanacushpa caparinacushca shinami uyarin. Tucuita Mandac Diosmi macanacungapac soldadocunata yupan.

ISAÍAS 13:4 ပူးပေါင်းရင်းမြစ်များ

ISAÍAS 17:12

¡Aij, mama cucha shina huaj nicuc tandanacushca gentecunalla! Achca yacu huaj nicuc shinami, shuc llactamanta runacunaca yallita caparishpa shamunga.

ISAÍAS 48:14

Cancuna tandanacushpa uyaichic. Ruhuashcalla dioscunapuramanta, ¿pitac tucui caicunata huillacca tiyan? Mandac Dios ñuca cuyashca runami Babilonia llactataca ñuca munashcata ruhuanga. Paimi caldeocunataca mandanga.

ISAÍAS 5:26

Caru llactapi causaccunataca banderata alzashpami, Diosca cayanga. Tucui cai pachapi causaccunatami silbashpa cayanga. Chashna cayacpica, utcami callpashpa shamungacuna.

ISAÍAS 5:30

Chai punzhapica mama cucha huacashpa jataric shinami, yallita caparinga. Shina caparinacucpi, chai llactata ricpica, manchana puyu tapashca jatun llaquimi ricuringa. Jahua pacha achicpish ricuringami.

JEREMÍAS 21:4

“Israelcunata Mandac Diosca: Babilonia llactata jatun mandac-huan macanacuc cancunapac soldadocunata, jatun pirca muyundipi chapacuc caldeocunataca cancunapacllamantac cutichimushpami, cai llacta chaupiman chayachimusha.

JEREMÍAS 25:14

Babilonia llactapi causaccunatapish shuctac llactacuna, jatun mandaccuna servichishpa llaquichingami. Paicuna mana allita ruhuashca shinallatac, paicunatapish llaquichisha» ninmi.

JOEL 2:25

Mandac Diosca: «Ñucami achca soldadocuna shina langostacunata cacharcani. Chaimantami oruga nishca langostacuna, saltón nishca langostacuna, revoltón nishca langostacuna micushpa tucurca. Shina cacpipish, cunanca chai huatacunamanta yallitami cutichisha.

JOEL 3:14

Mandac Dios llaquichina punzhaca ñami chayamun. Pai taripana pugru pambapica, tiyu shina, gentecunami tandanacushca.

APOCALIPSIS 18:8

Chaimantami shuc punzhallapi paita llaquichic llaquicunaca japinga. Chai llaquicunaca huañuipish, huacaipish, shinallatac yarcaimi canga. Mandac Dios imatapish ruhuaclla cashcamantami, paitaca juchanchishpa ninahuan rupachinga» nirca.