ISAÍAS 13:20 - Dios Rimashcata Quillcashcami

²⁰ Chaipica pi mana ashtahuan causangachu. Chaipica quipa huiñaicunapish mana causangachu. Arabeocunapish mana carpa huasicunata shayachingachu. Michiccunapish corralta mana ashtahuan ruhuangachu.

ISAÍAS 13:20 ပူးပေါင်းရင်းမြစ်များ

2 CRÓNICAS 17:11

Maijan filisteocunaca tucui caranacunata, impuestota, cullquitami Josafatman apamurca. Arabecunapish canchis huaranga canchis patsac maltón ovejacunata, canchis huaranga canchis patsac cari chivocunatami apamurca.

JOB 3:7

¡Chai tutaca pipish ama huacharichun, ima cantanapish ama tiyachun!

CANTARES 1:7

Ñuca tucui shunguhuan cuyashcalla, ¿maipitac ovejacunata michinguiyari? Chaupi punzhaca, ¿maipitac ovejacunata samachinguiyari? Cambac ricsishcapac ovejacunahuan mana chingarishpa purisha ninichu. Chaimanta huillaiyari.

ISAÍAS 14:23

Chai llactapica erizo animalcuna causana, yalli yacu allpacunatami ruhuasha. Tucuita tucuchic pichanahuan pichashpami tucuchisha. Chaitaca tucuita Mandac Dios ñucami nini» nirca.

ISAÍAS 21:1

Mama cucha patapi tiyac shitashca pamba llaqui tucunamanta huillashcami: Shitashca pamba Neguevmanta acapana huaira shamuc shinami, manchana llactamanta shitashca pambata shamunga.

ISAÍAS 25:2

Canmi llactacunatapish rumi montonta shina saquircangui. Muyundita pircashca llactacunataca tucuimi urmachircangui. Shuc llacta runacunapac huasicunatapish ñutuchircanguimi. Chaicunataca mana cutin shayachingachu.

ISAÍAS 34:17

Paillatacmi suerteta ruhuashpa, maipi churana cacpipish, cordelhuan medishpa allpata curca. Chaipica huahua huahuacamanmi huiñaita causanga.

JEREMÍAS 49:33

Hazorca huiñaitami shitashca pamba saquiringa. Chacal animalcunallami causanga. Cutinca pi mana causangachu» ninmi.

JEREMÍAS 50:13

Ñuca yallita piñarishpami chai llactaca shitashca pamba, shucllapish mana causanata saquisha. Babilonia llactata pasaccunaca llaquinayai siricucta ricushpami mancharinga. Burlashpami asingacuna.

JEREMÍAS 50:21

Merataim llactapi causaccunahuan, Pecod llactapi causaccunahuan macanacungapac llucshichicyari. Ñuca mandashca shina, huañuchishpa tucuchichicyari.

JEREMÍAS 50:3

¡Jahua llactamantami llactata llaquichingapac rishca! Paicunami tucui ima tiyashcata chingachinga. Chai llactapica runacunapish, animalcunapish mana tiyangachu. Tucuimi shitashpa ringa» ninmi.

JEREMÍAS 50:39

Chaimantami Babilonia llactaca shitashca pambapi causac chacal animalcuna, avestruz animalcuna causana tucunga. Gentecunaca manatac ashtahuan chaipica causangachu.

JEREMÍAS 50:45

Chaimanta Mandac Dios ñuca Babilonia llactata ima shina llaquichinata, caldeocunata imata ruhuanata yuyarishcataca uyaichicyari. Paicunapac manada ovejacunamanta ashtahuan uchilla ovejacamanmi apanga. Ovejacuna shayanacunatapish tucui urmachishpami saquinga.

JEREMÍAS 51:25

Mandac Diosca: «Tucui llactacunata tucuchic urculla, cantaca yallitami piñani. Canmi tucui llactacunata tucuchircangui. Ñuca llaquichishpami rumi quingraita singuchisha. Shinami rupashca urcuta saquisha.

JEREMÍAS 51:29

Mandac Diosca Babilonia llactata tucuchishpa pipish mana causana shitashca pambata ruhuangapac yuyarishcataca pactachigrinmi. Chaimantami cai pachaca cuyurishpa chucchunga.

JEREMÍAS 51:37

Babilonia llactaca rumi montonllami saquiringa. Chacal animalcunallami causanga. Shuc runallapish mana tiyangachu. Tucuipac burlashpa asinami tucunga.

JEREMÍAS 51:43

Tucui chai llactacunaca chaquishca, shitashca pambami saquirishca. Chaipica pipish mana causangachu. Pipish chaita mana pasangachu.