ISAÍAS 13:10 - Dios Rimashcata Quillcashcami

¹⁰ Jahua pacha lucerocunapish, tandanacushca lucerocunapish, quillapish mana achicyachingachu. Intipish llucshishcahuanmi amsayanga.

ISAÍAS 13:10 ပူးပေါင်းရင်းမြစ်များ

JOB 9:7

Intita ama llucshichun nicpica, mana llucshinchu. Lucerocunapish sellashca shinami mana achicyachin.

ECLESIASTÉS 12:2

Chaimanta intipish, quillapish, lucerocunapish amarac amsayacpi, tamyashca quipa puyu mana achicyaricpi Diosta yuyaringui.

ISAÍAS 24:21

Chai punzhapica Mandac Diosmi jahua pacha angelcunatapish, cai pachapi tiyac jatun mandaccunatapish llaquichinga.

ISAÍAS 24:23

Quillapish pingangami, intipish musparingami. Chaica tucuita Mandac Diosmi Sión urcupi tiyac Jerusalenpi mandacunga. Pai acllashca pushac yuyaccunapac ñaupapimi sumaimana achic nicuc tiyacunga.

ISAÍAS 47:5

«Caldeocunapac ushilla, cantaca mana ashtahuan “Llactacunata mandac huarmi” ningachu. Chaimanta amsa tutaman yaicushpa, upalla tiyarilla.

ISAÍAS 5:30

Chai punzhapica mama cucha huacashpa jataric shinami, yallita caparinga. Shina caparinacucpi, chai llactata ricpica, manchana puyu tapashca jatun llaquimi ricuringa. Jahua pacha achicpish ricuringami.

ISAÍAS 50:3

Jahua pachataca tapac shinami, amsa tutata ruhuani. Sharpa churanata churachic shinami tapani» ninmi.

JOEL 2:10

Paicunapac ñaupapica cai pachapish, jahua pachapish chucchungami. Intipish, quillapish purayangami, lucerocunapish mana ashtahuan achicyachingachu.

JOEL 2:31

Mandac Dios ñuca cachashca jatun mancharina punzha manarac chayamucpimi, intica amsayanga, quillaca yahuar shina tucunga.

JOEL 3:15

Intipish, quillapish amsayangami, lucerocunapish mana achicyachingachu.

AMÓS 5:20

¿Manachu Mandac Dios shamuna punzhaca achic canapac randica, pura tuta canga? Puyu tutayashcami canga. Achicca mana tiyangachu.

NAHÚM 1:8

Ashtahuanpish paita mana ricusha niccunataca jatun yacu tucuchic shinami tucuchin. Paita piñaccunataca pura tutami catishpa tucuchinga.

ZACARÍAS 14:6

Chai punzhapica intipish, chiripish, casapish mana tiyangachu.

SAN MATEO 24:29

Chai llaqui punzhacuna tiyashca quipaca, intipish amsayangami, quillapish mana achicyachingachu. Lucerocunapish urmangami. Jahua pachapi tiyac jatuncunapish chucchungami.

MARCOS 13:24

Chai mancharina llaqui punzhacuna tiyashca quipaca, intipish amsayangami, quillapish mana achicyachingachu.

SAN LUCAS 21:25

Intipipish, quillapipish, lucerocunapipish jaicapi mana ricushcacunami ricuringa. Cutin cai pachapica mama cucha yallita cuyurishpa huajiacta ricushpami yallita mancharishpa, yuyaita chingachinga.

HECHOS 2:20

Ñuca taripana jatun punzha manarac chayamucpimi, intica amsayanga, quillaca yahuar shina puca tucunga.

APOCALIPSIS 8:12

Chuscuniqui ángel tocacpica, quillapish, intipish, lucerocunapish quimsapi chaupishcamanta shuc partemi amsayarca. Chaimantami quimsapi chaupishcamanta shuc parte punzhapish, tutapish mana achicyarca.