ISAÍAS 12:3 - Dios Rimashcata Quillcashcami

³ Cancunaca cushicushpami, quishpichic yacu jundumantaca yacuta llucchinguichic.

ISAÍAS 12:3 ပူးပေါင်းရင်းမြစ်များ

SALMOS 36:9

Canllami causaita cuc yacutaca charingui. Can achicyachicpimi achicta ricui pudinchic.

SALMOS 87:7

Tucui cantaccunapish, danzaccunapish rimashpaca: «¡Ñucanchicpish Sión pueblollamantami canchic!» ningacunami.

CANTARES 2:3

Ñuca cuyashcaca mosocunapac chaupipica, sacha chaupipi manzana yura shinami. Cambac llandupi tiyarinataca yallitami munani. Chai yura pucushcaca ñuca shimipica mishquimari.

ISAÍAS 41:18

Urcucunamantami jatun yacucunata llucchisha. Pugru pambacunapimi yacu junducunata ruhuasha. Shitashca pambacunataca yacu cuchacunata, chaquishca pambacunataca yacucuna llucshicuctami ruhuasha.

ISAÍAS 49:10

Paicunataca yarcaipish, yacunayaipish mana japingachu. Intipish mana rupachingachu. Paicunata llaquic, Dios ñucami yacu llucshic pushtuman pushasha.

JEREMÍAS 2:13

Ñuca acllashcacunaca cai ishcai mana allitami ruhuarca. Puntaca tucyacuc yacu shina, causaita cuc ñucatami saquirca. Chai quipaca yacu mana jundaric chictarishca jutcucunatami yacu tandarichun ruhuarca.

EZEQUIEL 47:9

Tucui causaita chariccuna cai yacupi yaicucpica, cai yacu maita pasacpipish, challuami yallita miranga. Cai yacuca mishquimi tucunga.

ZACARÍAS 13:1

Chai punzhapica Davidpac huahuacunapish, Jerusalenpi causaccunapish tucyacuc yacutami charinga. Chaihuanmi juchata ruhuashpa mapayashcataca chuyayanga.

SAN JUAN 1:16

Pai Taitapac Churi cashcacunamantami ñucanchicca catinta catinta allicunata chasquicunchic.

APOCALIPSIS 22:1

Chai quipaca chai angelmi causaita cuc, cristalman riccha callpacuc yacuta ricuchirca. Chai yacuca Diospacpish, Pactalla Ovejapacpish tiyarinamantami llucshicurca.

APOCALIPSIS 22:17

Diospac Espiritupish, Pactalla Ovejapac huarmipish Jesustaca «¡shamui!» ninmi. Shinallatac maijan caita uyacpish «¡shamui!» nichun. Maijanpish yacunayaihuan cashpa shamusha nicca shamushpa, causaita cuc yacuta mana imata cushpa ubiachunlla.

APOCALIPSIS 7:17

Ashtahuanpish mandashpa tiyarina chaupipi cac Pactalla Ovejami michinga. Paillatacmi huiñai causaita cuc yacumanpish pushanga. Shinallatac paicunapac ñahuicunamantaca Diosmi tucui huiquita pichanga» nirca.

1 SAMUEL 2:1

Ana Diosta mañashpaca: «Ñuca shunguca Mandac Diospimi cushicun. Mandac Diosmantami ñucaca imatapish ruhuaclla cani. Can quishpichishcamanta cushicushpami, ñuca shimipish ñucata piñaccunata rimangapac pascarirca.