ISAÍAS 11:8 - Dios Rimashcata Quillcashcami

⁸ Chuchucuc huahuapish huañuchic culebrapac jutcupimi pucllacunga. Chuchumanta raquirishca huahuapish millai culebra causana jutcupimi maquita satinga.

ISAÍAS 11:8 ပူးပေါင်းရင်းမြစ်များ

JOB 5:23

Pambapi tiyac rumicunahuanmi ari ningui. Sachapi causac animalcunahuanpish, sumactami causangui.

SALMOS 140:3

Paicunapac calluca culebrapac callu shina puntasapami. Paicunapac shimicunapish culebrapac veneno shinami.

PROVERBIOS 23:32

Ashtahuanpish chai quipaca culebra shinami caninga. Millai culebra canishca shinami venenanga.

ISAÍAS 11:7

Vacapish, huarmi osohuanmi puringa. Huahua leoncunapish tandarishpami siricunga. Leonpish huagra shinami ucshata micunga.

ISAÍAS 11:9

Ñucapaclla chicanyachishca urcupica millaita ruhuashpa, tucuchicca mana tiyangachu. Chaica Mandac Diosta ricsina yuyaimi mama cucha yacu jundashca shina, cai pachapica junda canga.

ISAÍAS 14:29

«Tucui Filistea llactapi causaccuna llaquichic varata paquishcamantaca ama cushicuichicchu. Culebrapac huahua huahuacunamantaca shuc millai culebrami llucshinga. Chai culebramantaca volac culebrami llucshinga.

ISAÍAS 59:5

Paicunaca culebrapac rurucunata ucllac shina, araña telata ahuac shinami causan. Maijanpish chai rurucunata micushpaca huañungami. Chai rurucunata tucyachicpica, culebracunami llucshinga.