ISAÍAS 11:4 - Dios Rimashcata Quillcashcami

⁴ Ashtahuanpish huacchacunataca cashcata ruhuashpami taripanga. Llaquilla causaccunataca alli ricushpami mandanga. Cai pachapi causaccunataca caspihuan macac shinami, rimashpa llaquichinga. Paita mana manchaccunataca pucushpami huañuchinga.

ISAÍAS 11:4 ပူးပေါင်းရင်းမြစ်များ

2 SAMUEL 8:15

Davidca tucui israelcunatami mandacurca. Paica allita ruhuashpami, imatapish cashcata ruhuashpa mandacurca.

JOB 15:30

Manchana amsamantapish mana quishpiringachu. Ninami paipac ramacunataca chaquichinga. Dios paipac shimihuan pucucpimi huañunga.

JOB 4:9

Diospac samaillahuanmi huañuncuna. Pai yallita piñarishpa, pucucllapimi tucurincuna.

SALMOS 110:2

Mandac Diosca can mandana varataca Sión pueblomantami cachanga. Canta piñaccunapac chaupipimi mandanga.

SALMOS 18:8

Paipac singamantaca cushnimi llucshirca. Shimimantaca tucuchic ninami llucshirca. Nina carboncunami chaimanta llucshicurca.

SALMOS 2:9

Paicunataca fierro varahuan mandashpami llaquichingui. Allpa mangata shinami ñutuchingui» nirca.

SALMOS 76:10

Gentecuna piñaricpica, canca alli nishcami cangui. Piñashpa llaquichishcamanta saquirishcacunataca canmi tucuchingui.

ISAÍAS 1:17

allita ruhuanata yachacuichic. Allita mandanata munaichic. Llaquichic runata rimaichic. Taita mama illac huahuacunatapish, viuda huarmitapish ayudaichic» ninmi.

ISAÍAS 13:11

Mandac Diosca: «Cai pachapi causaccunataca millaita ruhuashcamantami llaquichisha. Ñucata mana manchaccunataca paicunallatac mana allita ruhuashcamantami tucuchisha. Jatun tucushpa puriccunatapish tucuchishami. Cariyashpa sinchi tucushpa puriccunatapish cumurichishami.

ISAÍAS 14:30

Huacchacunapac punta huahuacunaca micunata charingami. Imata mana charic huacchacunaca samaringami. Ashtahuanpish cambac huahua huahuacunataca yarcaihuanmi huañuchisha. Maijan saquirishcacunatapish tucuitami tucuchisha.

ISAÍAS 16:5

Chai quipami Davidpac huahua huahuapuramanta shuc mandac llucshinga. Paimi David shayachishca carpa huasipica cuyaihuan mandanga. Paimi piñaccunataca llaquichishpa, cashcata ruhuashpa mandanga.

ISAÍAS 2:4

Mandac Diosmi llactacunapi causaccunataca taripanga. Achca gentecunatami jarcashpa rimanga. Chashna ruhuacpimi, paicunapac espadacunataca yapuna rejacunata, lanzacunataca hocescunata ruhuanga. Llactacunapish mana ashtahuan macanacungapac llucshingachu. Macanacunatapish ña mana ashtahuan yachachingachu.

ISAÍAS 26:6

Chaipimi llaquilla causaccunapish, huacchacunapish paicunapac chaquihuan sarushca siricunga.

ISAÍAS 29:19

Chaimantami cuyailla caccunaca cutinllatac Mandac Dios-huan cushicunga. Yalli huacchapish israelcunapac jucha illac Dios-huanmi cushicunga.

ISAÍAS 3:14

Mandac Diosca pushac yuyaccunatapish, pai acllashca llactata mandaccunatapish llaquichingapacmi shamunga. Paicunataca: “Cancunami uvas chagracunata quichushpa micurcanguichic. Huacchacunamanta imata quichushpaca huasipimi charicunguichic.

ISAÍAS 30:28

Paipac samaica yacu jundamuc shinami cungacaman tapanga. Paica tucui llactapi causaccunatami harneropi shushuc shina, tucuchingapac shamunga. Llactacunapi causaccunata pandachingapacmi frenota jazapi churanga.

ISAÍAS 30:31

Mandac Dios rimashcata uyashpa, llaquihuan cashpami, Asiria llacta runacunaca yallita mancharinga.

ISAÍAS 30:33

Asiria llacta jatun mandacta llaquichingapacca utcamanta pachami Tofet jatun hornota huacaichishpa charicun. Chai jatun hornoca achca yantahuanmi rupacyachicun. Mandac Dios chai hornota pucucpica, azufre rupacuc shina culun ningami.

ISAÍAS 32:1

Shamuc punzhapica cashcata ruhuac jatun mandacmi mandanga. Shinallatac alli ricushpa, mandaccunapish tiyangami.

ISAÍAS 32:7

Llulla runaca ima shina pandachinallatami yuyarishpa purin. Llaquilla caccunata llullashpa pandachingapacmi pacalla yuyarishpa purin. Huacchacuna mandaccunapac ñaupapi cashcata ruhuachun mañacpipish llullashpami atin.

ISAÍAS 33:22

Mandac Diosmi ñucanchic juez. Mandac Diosllatacmi mandashcacunata cucca. Mandac Diosllatacmi ñucanchic Jatun Mandacca. Paillatacmi ñucanchicta quishpichin.

ISAÍAS 40:7

Mandac Diospac huairata cachacpica, quihuapish chaquinllami. Sisapish anguyashpa urmanllami. Gentecunaca quihua shinami.

ISAÍAS 49:2

Ñuca rimashcataca filosapa espadata shinami ruhuarca. Paipac maquihuanmi ñucataca llandurca. Ñucataca puntasapa flechata shina ruhuashpami, flechata huacaichinapi huacaichirca.

ISAÍAS 61:1

Mandac Diosmi ñucataca aceitehuan cahuirca. Chaimantami paipac Espíritu ñucapica causan. Ñucataca llaquilla causaccunaman alli huillaita huillachun, shungu paquirishcacunata ayudachun, prezumanta llucchinata huillachun, carcelpi tiyacuccunaman paicuna llucshina chayamucushcata huillachunmi cacharca.

ISAÍAS 9:7

Jatun mandac Davidpac tiyarinapi tiyarishpami, huiñaita cushi causaita cushpa, cashcata ruhuashpa, cunanmanta huiñaicaman mandanga. Pai mandanaca mana tucuringachu. Tucuita Mandac Diosca pai yallita cuyashcamantami chaitaca pactachinga.

JEREMÍAS 33:15

Chai punzhacunapimi, Davidpac huahuapuramanta cashcata ruhuacta llucchisha. Paimi cai llactapica imatapish allita ruhuashpa, cashcata ruhuanga.

JEREMÍAS 5:28

Chashnami huirayashpa puca ñahuicuna tucurca. Paicunaca yalli mana allitami ruhuarca. Taita mama illac huahuacunamanpish ima allita mana ruhuancunachu. Huacchacunata llaquichicucpipish, mana misancunachu.

OSEAS 6:5

Chaimantami ñuca ima nishcata huillaccunata cachashpa, cancunataca chingachircani. Ñuca rimashcahuanmi huañuchircani. Ñuca cashcata ruhuashcaca luz shinami canga.

SOFONÍAS 2:3

Cai pacha humilde runacuna, Mandac Dios mandashcata cazuccuna, Mandac Diospacman cutirichicyari. Cashcata ruhuanata, mana piñarinata munaichicyari. Mandac Dios piñarishpa llaquichi punzhapica, paillatac huacaichingapishchari.

MALAQUÍAS 4:6

Paimi taita mamacuna huahuacunahuan piñanacushcata, huahuacuna taita mamahuan piñanacushcataca allichinga. Mana shina cacpica, pacta ñuca shamushpa, tucui cai llactapi causaccunata yallita llaquichiman» ninmi.

SAN MATEO 11:5

Ñahui mana ricuccuna ricucushcatapish, suchucunapish puricushcatapish, leprahuan ungushcacuna alliyashcatapish, ringri mana uyaccuna uyacushcatapish, huañushcacunata causachishcatapish, huacchacunaman alli huillaita huillashcatapish huillagrichic.

SAN MATEO 5:5

Llaquilla shungucuna, ¡cushicuichic! Cancunami Dios cusha nishca llactataca japinguichic.

HECHOS 9:1

Sauloca Apunchic Jesusta criccunataca ashtahuan huañuchinata munashpami, Israel curacunata jatun mandac curapacman rirca.

2 CORINTIOS 10:1

Ñucaca Pablomi cani. Cancunapac ñaupapi cashpaca, manchaihuanshi cani, cutin carupi cashpaca, pitapish mana manchashpa rimarini nicucpipish, Cristo llaquishpa cuyashcamantami cashna mañani:

GÁLATAS 5:23

mana jatun tucuccunami, shinallatac mana allimanta jarcariccunami. Chashna causaccunataca mana allichu nic mandashcaca mana tiyanchu.

2 TESALONICENSES 2:8

chai millaita ruhuac runaca ricuringami. Paitami Apunchic Jesusca paipac shimihuan pucushpa huañuchinga, pai shamucushca sumac achicyachishcahuanmi chingachinga.

TITO 3:2

pitapish mana allichu nishpa ama rimachun, pihuanpish mana piñanacushpa, caishuc chaishuc-huan apanacushpa, cuyac shunguhuan cachuncuna yuyachishpa yachachingui.

SANTIAGO 3:13

Cancunapuramanta maijan alli yachac, yuyaisapa cashpaca, imatapish allita ruhuashpa, mana piñaric alli shungu tucushpa, yachac cashcataca ricuchichic.

APOCALIPSIS 1:16

Paipac alli maquipica canchis lucerocunatami charicurca. Paipac shimimantaca ishcai filoyuc puntasapa espadami llucshicurca. Shinallatac paipac ñahuica inti tucuita achicyachicuc shinami carca.

APOCALIPSIS 19:11

Chai quipaca jahua pacha pascaricpi, shuc yurac caballopi montashpa tiyacuctami ricurcani. Chai tiyacucpac shutica Mana Llullac, shinallatac Imatapish Pactachicmi carca. Paica cashcata ruhuashpa, taripac shinallatac macanacucmi carca.

APOCALIPSIS 19:15

Cai pachapi causaccunata llaquichingapacmi, paipac shimimantaca puntasapa espada llucshicurca. Fierro varahuanmi paica mandanga. Tucui poderta charic Diosca munai piñarishcamantami, uvasta chaquihuan sarushpa llapishpa, vinota ubiachic shina llaquichinga.

APOCALIPSIS 2:16

Shina cashcamanta Diosman llaquirishpa cutiri. Chaita can mana ruhuacpica, utca cambacman shamushpami, ñuca shimimanta llucshicuc espadahuan chaicunahuanca macanacusha.