ISAÍAS 11:3 - Dios Rimashcata Quillcashcami

³ Paica Mandac Diosta manchashpami cushicunga. Paica mana ñahuita ricushpalla, shinallatac mana shuccuna nishcata uyashpalla taripangachu.

ISAÍAS 11:3 ပူးပေါင်းရင်းမြစ်များ

2 SAMUEL 14:17

Cunanca, canta servic ñucaca: “Can jatun mandac imatapish allita ñucaman ruhuachunmi munani. Ñucata jatun mandaclla, Diospac ángel shina allitapish, mana allitapish ricushpa allichicmi cangui. ¡Chashna cashcamanta can jatun mandactaca Diosllatac pushashca cachun!” nishami— nirca.

2 SAMUEL 14:8

Shina nicpimi, jatun mandacca: —Cambac huasiman rilla. Ñami canta ama pingaichichun mandagrini— nirca.

1 REYES 3:28

Chai piñanacuita jatun mandac allichishcataca tucui israelcunami yacharca. Dios cushca alli yuyaihuan imatapish allichishcata yachac chayashpami Salomontaca tucui mashna cazurcacuna.

1 REYES 3:9

Chaimanta can acllashca gentecunata mandangapac alli yuyaita charic shunguta ñucaman cui. Shinallatac ima alli cacta, mana alli cactapish ricushpa allichingapac yachaita cui. Cai tucui gentecunata mandanataca ¿Pitac pudingayari?— nirca.

JOB 12:11

Ringri uyacpimi, imata rimashcatapish yachan. Callumi imalaya micuna cashcatapish yachan.

JOB 34:3

Ringrica imata nicushcatami uyan. Calluca micuna imalaya cashcatami yachan.

PROVERBIOS 2:5

Mandac Diosta manchanatami entendingui. Paipac alli yachachishcatami ricsingui.

PROVERBIOS 2:9

Shina cuidacpimi, cashcata ruhuanatapish, allita ruhuanatapish, imata pacta pacta ruhuanatapish, tucuipi alli causanatapish entendingui.

ISAÍAS 33:6

Paica allitami mandanga. Cushi causaimi tiyanga. Shinallatac alli yuyaipish, quishpirinapish yallimi tiyanga. Mandac Diosta manchanami yalli valishcacunatapish yalli valin.

EZEQUIEL 45:8

Chai allpata japishpami, Israel llactata mandacca ñuca acllashca israelcunata ña mana ashtahuan llaquichinga. Chai allpaca tucui Israel aillucuna causanami canga.

MIQUEAS 4:3

Mandac Diosmi achca gentecunatapish taripanaga. Sinchi llactacunatapish, caru llactacunatapish allichinga. Chaimantami espadacunataca yapuna rejacunata, cutin lanzacunataca hocescunata ruhuanga. Shinallatac llactacunapura piñanacushpa, jatun macanacuipish, macanacuita yachachinapish mana ashtahuan tiyangachu.

SAN LUCAS 2:52

Jesusca huiñashpa, ashtahuan yachac tucushpami catirca. Diospacpish, gentecunapacpish cuyashcami carca.

SAN JUAN 2:25

Jesusca gentecuna imata yuyacushcataca pi mana huillacpipish ña yacharcami. Gentecunapac shungu imata yuyacushcataca tucuitami yacharca.

SAN JUAN 7:24

Ama ñahuita ricushpalla juchanchichicchu. Ashtahuanpish cashcata ruhuashpa juchanchichic— nirca.

HEBREOS 5:14

Sinchi micuita micucca ña yuyaita charishpami, imatapish taripashpa, allitapish, mana allitapish yachac chayan.

1 SAMUEL 16:7

Shina yuyacucpipish, Mandac Diosca Samueltaca: —Ama pai sumac cashcallata, jatun cashcallata ricuichu. Paitaca mana acllarcanichu. Ñucaca gentecuna shinaca mana ricunichu. Paicunaca jahuallatami ricun, ashtahuanpish Ñucaca shungutami ricuni— nirca.