ISAÍAS 11:15 - Dios Rimashcata Quillcashcami

¹⁵ Mandac Diosca Egiptopi tiyac mama cuchamanta llucshicuc yacutapish chaquichingami. Paipac poderyuc Espirituhuanmi Eufrates jatun yacu jahuata maquita chutashpa, chai yacumanta llucshicuc canchis yacucunatapish chaquichinga. Shina chaquichishpami israelcunataca paicuna churarishca ushutandi pasachinga.

ISAÍAS 11:15 ပူးပေါင်းရင်းမြစ်များ

ÉXODO 14:21

Moisés maquita cucha jahuata chutacpica, Mandac Diosmi inti llucshina ladomanta sinchi huairata tucui tuta cachashpa, cuchataca ishcaipi chaupirca. Cuchaca ishcaipi chaupishpa, chaquishca allpa shina tucushpa saquirirca.

ÉXODO 14:22

Cucha allimanpish, lluquimanpish pircashca shina chaupiricpimi, israelcunaca chaupi cuchaman yaicurca.

ÉXODO 14:29

Ashtahuanpish israelcunaca chaquishca allpa shinatami, cucha chaupita pasarca. Yacuca allimanpish, lluquimanpish pirca shinami carca.

ISAÍAS 19:16

Tucuita Mandac Dios paipac llaquichi punzhapica Egipto runacunaca huarmicuna shinami, yallita mancharishpa chucchunga.

ISAÍAS 43:16

Mama cucha chaupita, jatun yacu chaupita ñanta pascac,

ISAÍAS 44:27

Ñucami allpa ucupi cac mama cuchataca: “¡Chaqui!” nini. Cancunapac llacta jatun yacucunataca: “Chaquichishami” ninimi.

ISAÍAS 50:2

Ñuca shamushpaca, ¿imamantatac pitapish mana ricurcani? ¿Ñuca cayacpica, ima nishpatac pi mana cutichirca? ¿Manachu ñuca maquica cancunata quishpichipac? Cancunata quishpichingapacca, ¿manachu poderta charini? Riquichic, ñucaca rimashpallami mama cuchata chaquichini. Jatun yacucunatapish chaquishca pambatami ruhuani. Chaipi tiyac challuacunaca yacu mana tiyashcamantami huañushpa ismun.

ISAÍAS 51:11

Mandac Dios quishpichishcacunaca cutinllatacmi Sión llactaman cantashpa yaicunga. Paicunaca huiñaitami cushicunga. Paicunaca yallita cushicuihuanmi canga. Nanaipish, llaquipish, huacaipish illangami.

ISAÍAS 63:12

¿Pitac poderhuan Moisesta ayudashpa pushamurca? ¿Pitac paicunapac ñaupapi jatun cucha chaupita pasachishpa, huiñaita yuyarina shuti tucurca?

ISAÍAS 7:20

Chai punzhapica Mandac Diosca Eufrates yacu lado llactapi alquilashca navajahuanmi cancunata uma acchatapish, barbastapish, chaqui millmatapish pitinga. Chai navaja shinaca Asiria llactata jatun mandacmi canga.

ISAÍAS 8:7

Mandac Dios ñucaca Asiria llactata jatun mandactami cachagrini. Paimi Eufrates jatun yacu jundashpa tucui pambacunata talliric shina, chai yacu pata llactacunata tucui fuerzahuan llaquichinga.

EZEQUIEL 29:10

Chaimantami ñucaca canhuanpish, tucui jatun yacucunahuanpish yallita piñarishca cani. Egipto llactataca Migdolmanta, Asuán llactacaman, Etiopía llacta linderocamanmi llaquinayai shitashca pambata saquisha.

EZEQUIEL 30:12

Nilo yacutapish chaquichishami. Chai llactataca mana allita ruhuac runacunapac maquipimi saquisha. Chaipi tiyashcacunataca caru llacta gentecunami tucuchinga. Chaitaca Mandac Dios ñucami nini.

ZACARÍAS 10:11

Jatun llaquica mama cuchatami pasanga. Nilo yacupish ucucamanmi chaquinga. Shuctac jatun yacucunapish tucuimi chaquinga. Asiria llactapi causac jatun tucushca gentecunapish urmangami. Egiptopi causaccunata mandana taunapish chingaringami.

APOCALIPSIS 16:12

Suctaniqui angelca Eufrates jatun yacupimi pai charicushca copata tallirca. Chashna tallicpica, inti llucshic ladomanta jatun mandaccuna shamushpa pasachunmi, chai yacuca chaquirca.