ISAÍAS 11:11 - Dios Rimashcata Quillcashcami

¹¹ Mandac Dios pai acllashcacunata paipac maquita alzashpa Asiriamanta, Egiptomanta, Patrosmanta, Etiopiamanta, Elammanta, Sinarmanta, Hamatmanta, mama cucha patapi tiyac llactacunamanta cutichimui punzhacunapipish chashnallatacmi tucunga.

ISAÍAS 11:11 ပူးပေါင်းရင်းမြစ်များ

GÉNESIS 10:10

Callaripica Nimrodca Sinar llacta Babel, Erec, Acad, Calne llactacunatami mandacurca.

GÉNESIS 10:22

Sempac churicunaca: Elam, Asur, Arfaxad, Lud, Arammi carca.

GÉNESIS 11:2

Inti llucshina llactamanta llucshishpaca, Sinar llactapimi shuc jatun pambata tarishpa, chaipi causai callarirca.

GÉNESIS 14:1

Jatun mandac Amrafel Sinar llactata mandacui punzhacunapica jatun mandac Ariocca Elasar llactatami mandacurca. Jatun mandac Quedarlaomerca Elam llactatami mandacurca. Cutin jatun mandac Tidalca Goim llactatami mandacurca.

GÉNESIS 2:13

Ishcainiqui yacuca Gihonmi. Chai yacumi tucui Cus llactata muyun.

2 REYES 17:24

Asiria llactata jatun mandacca Babilonia, Cuta, Ava, Hamat shinallatac Sefarvaim pueblocunamantami gentecunata apamushpa, Samaria llacta pueblocunapi israelcunapac randi causachun churarca. Paicunaca Samaria llactata japishpami, chaipi tiyac pueblocunapi causarcacuna.

ESTER 10:1

Jatun mandac Asueroca tucui llactapi causaccunapish, mama cucha ladopi causaccunapish impuestota cuchunmi mandarca.

SALMOS 68:22

Mandac Diosca: «Basán llactamantami cutichimusha. Mama cucha yacumantapish llucchimushami.

ISAÍAS 1:9

Mandac Dios ñucanchicta ashallatapish mana saquishca cacpica, Sodoma, Gomorra shinami, chingarinchicman carca.

ISAÍAS 10:20

Chai punzhacunapica israelpuramanta, Jacobopac huasi ucupuramanta puchushcacunaca ña mana ashtahuan paicunata llaquichiccuna parte tucungachu. Ashtahuanpish israelcunata Mandac jucha illac Diosllatami tucui shunguhuan yuyarishpa causanga.

ISAÍAS 10:9

Ñucamanca Calno llactaca Carquemis llacta shinallatacmi. Hamat llactapish, Arfad llacta shinallatacmi. Samaria llactapish Damasco llacta shinallami.

ISAÍAS 11:16

Mandac Dios acllashcapuramanta maijan saquirishcacunataca Egiptomanta ñanta pascashpa huichai pushamushca shinami, Asiria llactamantaca pushamunga. Chai punzhapi israelcunaman ñan tiyashca shinami, ñan tiyanga.

ISAÍAS 19:21

Chaipimi Mandac Diosca Egiptopica ricsishca tucunga. Chai punzhapimi paicunaca Mandac Diosta ricsinga. Shina ricsishpami, animalcunata cushpa huañuchinga. Shinallatac grano ofrendatapish cungami. Mandac Diosman imata ruhuashami nishcatapish pactachingami.

ISAÍAS 19:22

Mandac Diosca Egiptopi causaccunataca chugrichingami. Shina chugrichishpapish paillatacmi alliyachinga. Mandac Diospacman paicuna cutiricpica, llaquishpami alliyachinga.

ISAÍAS 21:2

Muscuipi shina ricuchishpaca sinchitami ricuchirca. Mana cazuc runaca mana cazushpami catin. Huañuchishpa tucuchic runaca tucuchishpami catin. ¡Elam llactapi causaccunalla, macanacungapac huichai richicyari! ¡Media llactapi causaccunalla, Babiloniata muyunacuichicyari! Ña mana llaquihuan caparinacui tiyangachu.

ISAÍAS 22:6

Elam llactamantaca flechacunata huacaichinata apashpami, caballocunapi, carretacunapi huichai rirca. Kir llactamanta soldadocunaca escudocunatami llucchirca.

ISAÍAS 24:15

Chaimantami inti llucshina ladopi causaccunapish, mama cucha patapi causaccunapish israelcunata Mandac Diosta jatunyachishpa, alli ningacuna.

ISAÍAS 37:31

Judá llactapi puchushca gentecunamanta maijan saquirishcacunaca allpa ucupi sapi saquirishpa, huiñashpa cutin pucuc shinami miranga.

ISAÍAS 42:10

Mandac Diostaca mushuc cantohuan cantaichicyari. Tucui llactacunapi causaccuna alabaichicyari. Mama cuchata puriccunapish, chai yacupi tiyaccunapish, mama cucha patapi tiyac llactacunapish, chaipi tiyaccunapish alabaichicyari.

ISAÍAS 42:12

Mandac Diosta sumaimanami cangui nichicyari. Mama cucha patacunapi huillashpa paita cushichichicyari.

ISAÍAS 42:4

Paica cashcata ruhuaccuna cai pachapi tiyangacaman manatac shaicungachu, mana samaringachu. Mama cucha patapi causaccunapish paipac mandashcatami shuyanga» nirca.

ISAÍAS 45:14

Mandac Diosca: «Egiptopi causaccuna ima charishcapish, Etiopía llactapi randishcapish, Sabá llactapi causac jatun runacuna charishcapish cambacmi tucunga. Cambac huashataca cadenahuan huatashcami catingacuna. Cambac ñaupapi llaquilla tucushpa cumurishpaca: “Diosca canhuantacmari. Shuctac Diosca mana tiyanchu.

ISAÍAS 49:12

Riquichic, maijancunaca caru llactamantapish, jahua ladomantapish, inti tigrana ladomantapish, Sinim llactamantapishmi shamunga.

ISAÍAS 66:19

Ñucaca paicunapica shuc señaltami churasha. Chai quipami miticushpa quishpirishcacunataca shuc llactacunaman cachasha. Chashnami Tarsis llactaman, arcocunahuan macanacuc Fut, Lidia llactacunaman, Tubal, Grecia llactaman cachasha. Shinallatac ñucata mana uyac, ñuca poderta mana ricuc llactaman, mama cucha patacunapi tiyac caru llactacunamanmi cachasha. Paicunami ñuca poderyuc cashcataca shuctac llactacunapi huillanga.

JEREMÍAS 25:25

Zimri, Elam, Media llactacunata jatun mandaccunamanpish curcanimi.

JEREMÍAS 31:10

¡Llactapi causaccunalla, Mandac Dios ñuca rimashcata uyashpa, mama cucha patapi tiyac caru llactacunapi huillaichic! Chashna huillashpaca: “Israelcunata llucchishpa, caita chaita cachac Diosca cutinmi tandachishpa, ovejacunata michic shina cuidanga” nichicyari.

JEREMÍAS 44:1

Egipto llactapi tiyac Migdol, Tafnes, Menfis llactacunapi, Patros llactapi causac Judá llacta runacunamanta Mandac Dios Jeremiasta rimashpaca:

JEREMÍAS 49:23

Mandac Dios Damascota llaquichinamanta huillashpaca: «Hamat, Arfad llactacunapi causaccunaca mana alli huillaita uyashpami yallita llaquirirca. Mama cucha chaupipi cac shinami, yalli llaquihuan shuc ratollapish mana samarincuna.

EZEQUIEL 27:6

Barcota purichinacunataca Basán llactamanta encina caspimantami ruhuarca. Catataca Quitim llactamanta pino caspihuan, marfilhuanmi ruhuarca.

EZEQUIEL 29:14

Egiptomanta prezu apashcacunata cutichimushpami, paicuna huacharishca Patros llactallaman pushasha. Chaipimi uchilla llactata ruhuashpa causanga.

EZEQUIEL 30:14

Patros llactatapish llaquinayaitami tucuchisha. Zoán llactapica ninatami japichisha. Tebas llactataca cashcata ruhuashpami taripashpa llaquichisha.

EZEQUIEL 32:24

Chaipimi Elampish tucui paipac gentecunandi siricun. Tucui paicunami jatun macanacuipi huañurca. Tucui llactacunata manchachishpa causaccunaca circuncisionta mana ruhuashca gentecunahuan pactami ashtahuan ucuman rishca. Paicunapish caishuc enterrashca gentecuna shinami mana alli nishca siricun.

EZEQUIEL 38:8

Achca punzhacuna quipaca Israel llacta urcucunaman richunmi mandasha. Chai llactaca unai huatacuna quipami llaquimanta quishpiringa. Chai llactamanmi tandanacushpa ringui. Israel llacta urcucunaman shamungui. Chaipi causaccunaca llaquinayaita tucuchishcami carca. Shina cashpapish, cunanca shuctac llactacunamanta llucshimushpami, imata mana manchashpa causan.

DANIEL 1:2

Mandac Diosmi Judá llactata mandac Joacimtapish, paipac huasipi tiyac imacunatapish Nabucodonosorpac maquipi churarca. Shina churacpimi, Babiloniaman apashpa, paipac dioscunapac imacuna huacaichinapi churarca.

DANIEL 11:18

Chai quipaca mama cucha patacunapi tiyac llactacunatami japinga. Chashna cacpipish, shuctac mandac llucshishpami mana pai munashcata ruhuachun saquinga. Pai ima shinami burlashpa llaquichicuc shinallatacmi paitapish llaquichinga.

DANIEL 8:2

Chaitaca Elam llactapi tiyac jatun llacta Susapi cashpami ricurcani. Shinallatac Ulai yacu ladopi cashpami, chashna muscuipi shina ricurcani.

OSEAS 1:11

Judapac huahua huahuacunapish, israelcunapish tandanacushpami, shuclla mandacta acllanga. Chaica, Jezreelpac punzhaca jatun punzhami canga.

OSEAS 11:10

Paicunaca Mandac Dios ñucata catishpami puringa. Ñuca león huacac shina, rimashcata uyashpami, paicunapac huahuacunaca inti tigrana ladomanta chucchushpa shamunga.

OSEAS 11:11

Egiptomanca volac animalcuna shinami, chucchushpa ñucapacman shamunga. Asiria llactamantaca paloma shinami shamunga. Paicunataca, paicunapac huasicunallapitacmi causachun saquisha» ninmi. Chaitaca Mandac Diosmi nin.

MIQUEAS 7:12

Chai punzhapica Asiria llactamantapish, Egiptomantapish cambacman shamungami. Egiptomanta jatun yacu ladocaman causaccunami mama cucha yacuta, urcuta shamunga.

SOFONÍAS 2:11

Mandac Diosca paicunahuan yallita piñarishpa, cai pachapi tiyac dioscunataca tucui chingachishpami, yallita manchachinga. Tucui yacu patapi cac llactacunapi causaccunami paicuna maipi causashcallapitac cumuringa.

ZACARÍAS 5:11

Shina tapucpimi angelca: —Chaitaca Sinar llactaman apashpami, Diosta yuyarina huasita ruhuanga. Chai huasita ña tucuchishca cacpimi, cajonta churana pushtupimi churanga— nirca.

ZACARÍAS 8:7

Tucuita Mandac Diosca: Ñuca acllashcacunataca inti llucshina ladomanta, inti tigrana ladomantami quishpichimusha.

ZACARÍAS 9:2

Shinallatac Israel llacta cuchullapi cac Hamat llactatapish, Tiro, Sidón llactacunatapish chaipi causaccuna yallita yachaccuna cacpipish chaparacunmi.

ROMANOS 11:15

Israelcunata Dios shitacpi, tucui cai pachapi causaccuna Diospacman cuchuyashca cacpi, ¡israelcuna Dios chasquicpicarin, huañushcacuna causarishca shinami canga!

ROMANOS 11:26

Chai quipaca, tucui israelcunami quishpiringa. Dios quillcachishcapica: «Sión pueblomantami Quishpichic shamunga. Jacobopac huahua huahuacunapac juchacunatami anchuchinga.

2 CORINTIOS 3:16

Shina cacpipish Mandac Diosman cutiricpica, chai jarcashca pañoca anchurinmi.

DEUTERONOMIO 9:29

Can Egipto llactamanta cambac poderhuan llucchimushca gentecunaca cambaclla chicanyachishca gentecunamari.