ISAÍAS 10:13 - Dios Rimashcata Quillcashcami

¹³ Asiria llactata jatun mandacca: «Ñuca poderhuan, ñuca alli yuyaiyuc cashpami caitaca ruhuani. Ñucaca alli yachacmi cani. Cai tucui gentecunapac llactacunatapish, paicuna ima charishcacunatapish quichushpami, jatun mandaccunataca sinchi runacuna shina jahualla misharcani.

ISAÍAS 10:13 ပူးပေါင်းရင်းမြစ်များ

2 REYES 15:29

Israel llactata jatun mandac Peka mandacui punzhacunami asiriocunata jatun mandac Tiglat-pileser shamushpa, Ijón, Abel-bet-maaca, Janoa, Cedes, Hazor, Galaad, Galilea pueblocunata shinallatac Neftalí tucui llactacunata quichushpa, chaipi causaccunatapish prezu aparca.

2 REYES 16:8

Mandac Diospac huasimantapish, jatun mandacpac huasimantapish allichishca cullqui, curita japishpami, Acazca Asiria llactata jatun mandacman cuchun cacharca.

2 REYES 17:24

Asiria llactata jatun mandacca Babilonia, Cuta, Ava, Hamat shinallatac Sefarvaim pueblocunamantami gentecunata apamushpa, Samaria llacta pueblocunapi israelcunapac randi causachun churarca. Paicunaca Samaria llactata japishpami, chaipi tiyac pueblocunapi causarcacuna.

2 REYES 17:6

Iscun huatata Oseas mandacucpimi, Asiria llactata jatun mandacca Samaria pueblota quichushpa, israelcunatapish Asiria llactaman prezu aparca. Chashna apashpami, Gozán yacu ladopi tiyac Halah, Habor pueblocunapi medocunapac pueblocunapi causachun churarca.

2 REYES 18:11

Asiria llactata jatun mandac israelcunata Asiria llactaman prezu apashpaca, Halah pueblopi, Gozán jatun yacu ladopi cac Habor llactapi causachunmi churarca. Shinallatac medocunapac pueblocunapipish churarcami.

2 REYES 18:15

Chashna mañacpimi, Ezequiasca Mandac Diospac huasipi tucui tiyashca cullquitapish, mandana huasipi tucui huacaichishca curitapish curca.

2 REYES 18:32

Ñucaca cancunapac llacta shinallatac alli granota pucuc, vinopish, tucuilaya micunapish, uvas chagracunapish, olivospish, aceitepish, bunga mishquipish tiyac llactaman pushac shamungacamanmi chashna causanguichic. Chashnami mana yarcaihuan huañunguichic. Ezequiastaca mana uyanachu canguichic. Paica llullashpami: ‘Mandac Diosca ayudangami’ nicun.

1 CRÓNICAS 5:26

Chaimantami israelcunapac Mandac Diosca asiriocunata jatun mandac Pul nishca Tiglat-pileserta Rubenpac aillucunatapish, Manasespac chaupi aillucunatapish, Halah, Habor, Hara pueblocunaman shinallatac Gozán yacu ladoman apachun saquirca. Chaipimi cunan punzhacaman causancuna.

PROVERBIOS 28:11

Chayuc runaca paipac yuyaipica yachaisapa cani yuyanmi. Ashtahuanpish huaccha shinallatac, yuyaisapa runami yachac cashcataca ricun.

ISAÍAS 10:8

Paica: “Ñuca churashca mandaccunaca, ¿manachu tucui jatun mandaccuna?

ISAÍAS 5:21

¡Aij, paicunapac yuyaipi “Alli yachaccunami canchic, alli yuyaiyucmi purinchic” niccunalla!

JEREMÍAS 46:8

Egipto llacta gentecunaca jatun Nilo yacu shinami miramun. Paicunaca: “Huichai rishpa, tucui llactata tapashpami, llactapi causaccunatapish tucuchishun” nincuna.

JEREMÍAS 48:14

¿Ima shinatac cancunaca: “Ñucanchicca alli sinchimi canchic. Alli macanacuc carimi canchic” ninguichicyari?

EZEQUIEL 25:3

amonitacunataca: “Mandac Dios rimashcata uyaichic. Paica: Ñucapaclla huasita yangapi churashcatapish, Israel llactata llaquinayaita tucuchishcatapish, Judá llactapi causaccunata prezu apashcatapish ricushpaca: ‘¡Allita chashna tucurca!’ nircanguichicmi.

EZEQUIEL 26:2

«Huañunalla runa, Tiro llactapi causaccunaca Jerusalén llaqui tucushcata ricushpaca: “¡Llactacunapac pungu shina, Jerusalenca tucurishcami! ¡Chai llacta tucuricpica, ñucami achcata charisha, Jerusalenca shitashcami! ¡Allita chashna tucurca!” nircami.

EZEQUIEL 29:3

“Mandac Diosca: Egipto llactata jatun mandac Faraonlla, canhuanca piñarishcami cani. Canca yacu chaupipi tiyacuc dragón shinami cangui. Canca: ‘Nilo yacuca ñucapacmi, ñucami ruhuarcani’ ninguimi.

EZEQUIEL 35:13

Canca ñucata piñashpami, yallita rimarircangui. ¡Chaitaca ñucallatacmi uyarcani!

DANIEL 4:27

Chaimanta jatun mandaclla, ñuca cunashcata uyaiyari. Cashcata ruhuashpa, juchamanta llucshiyari. Huacchacunata llaquishpa, millaita ruhuanamanta anchuriyari. Chashna cushilla causanguipishchari.

DANIEL 4:30

«¿Manachu cai jatun Babilonia llactataca ñuca alli nishca cangapac, ñuca fuerzahuan shayachircani?» nirca.

AMÓS 5:27

Chaimantami cancunataca Damascomanta ashtahuan chimbaman apachun saquisha. Chaitaca Mandac Dios ñucami nini» ninmi. Paipac shutica tucuita Mandac Diosmi.

AMÓS 6:13

Cancunaca yangami cushicushpa: «Lodebar llactataca ñucanchic alli yachac cashcamantami mandacunchic» ninguichic.

HABACUC 1:11

Chai quipaca acapana huaira shina yaicushpami, tucui tucuchinga. Paicunapac diosca fuerzami can» nirca.

HABACUC 1:16

Chaimantami paicunapac linchiman animaltapish, inciensotapish rupachinga. Chai linchihuanmi ima charinacunata yallita mirachirca. Shinallatac sumac micunatami micurca.

HABACUC 2:6

¿Manachu shuctac llactacuna yuyarina rimaicunahuan, paita burlashpa cantanga? Chai llactacunaca: “¡Aij, manapish quiquinpac cashcahuan mirachiccunalla! ¿Ima punzhacamantac prendacunata japishpa montonacungalla?” ningami.

DEUTERONOMIO 8:17

Chaimanta pacta cancunapac shungupi: “Ñucanchic sinchi cashcamanta, ñucanchic sinchi maquimantami caicunataca charinchic” ninguichicman.

JUECES 7:2

Chaipimi Mandac Diosca Gedeontaca: «Madianitacunata cambac maquipi churangapacca canhuanca yallimana gentecunami. Chashna israelcunaca achca cashpaca: “Ñucanchic alli sinchi cashpami macanacuita mishashcanchic” nishpa, ñucata piñachingacunami.