ISAÍAS 1:5 - Dios Rimashcata Quillcashcami

⁵ ¿Ima nishpatac ashtahuan llaquichishca canata munanguichic? Umapish tucui chugrishca, shungupish tucui nanaihuanmi canguichic.

ISAÍAS 1:5 ပူးပေါင်းရင်းမြစ်များ

2 REYES 1:13

Cutinllatacmi pichca chunga soldadocunata paicunata mandac-huan cacharca. Caihuanca quimsa cutinmi cacharca. Quimsaniqui ric soldadocuna mandac Elías tiyacushcaman chayashpa cungurishpaca: —¡Diospac runalla! ¡Ñuca causaipish, canta servic pichca chunga soldadocunapish cambac ñaupapi alli ricurishca cachun!

2 CRÓNICAS 28:22

Ashtahuanpish jatun mandac Acazca chai huatacunapi yallita llaqui tucucushpapish, Mandac Diosta llaquichishpami ashtahuan juchata ruhuarca.

NEHEMÍAS 9:34

Ñucanchicta jatun mandaccunapish, ñucanchic curacunapish, ñucanchic ñaupa taitacunapish, can cushca mandashcacunataca, mana pactachircacunachu. Can mandashca shimicunata, ima shina causachun yachachishcacunata huillacpipish, mana uyarcacunachu.

ISAÍAS 1:23

Mandaccunapish mana cazuncunachu. Shuhuaccunahuan apanacuccunami tucushca. Tucui paicunami cullquita pacalla japinallata munancuna. Imatapish pacalla cuchunllami munancuna. Taita mama illac huahuacunatapish, viuda huarmicunatapish mana ayudanchu.

ISAÍAS 31:6

¡Israelcunalla, cancuna yallita mana cazushpa, llaquichishca Mandac Diospacman cutichicyari!

ISAÍAS 33:24

Chaipi causaccunamanta maijan: «Ungushcami cani» mana ningachu. Sión llactapi causac gentecuna mana allita ruhuashcataca perdonangami.

ISAÍAS 9:13

Shina llaquichicpipish, paicunaca llaquichicpacmanca mana cutirircachu. Tucuita Mandac Diostaca mana mashcarcachu.

ISAÍAS 9:21

Manasés ailluca Efraín ailluta, cutin Efraín ailluca Manasés aillutami tucuchinga. Shinallatac ishcai tucushpami Judá aillutaca tucuchingapac jataringa. Chashna llaquichishpapish Mandac Dios nina japiric shina piñarishcataca mana pasachishcachu. Ashtahuanpish llaquichingaracmi.

JEREMÍAS 13:23

¿Etiopiamanta runaca yurac tucui pudinchu? ¿Muru leonpish shuctac color tucui pudinchu? Chashnallatacmi cancunapish mana allita ruhuac cashpaca, allitaca mana ruhuai pudinguichic.

JEREMÍAS 17:9

Runapac shunguca tucuita atishpa llullashpa umacmi. ¿Chaitaca pitac entendinga?

JEREMÍAS 2:30

Ñuca llaquichicpipish, cancunapac huahuacunaca manatac entendishcacunachu. Yangami llaquichishcani. Ñuca ima nishcata huillaccunataca espadahuanmi millai león shina tucuchishcanguichic.

JEREMÍAS 44:15

Chaita huillacpimi, paicunapac huarmicuna shuctac dioscunaman inciensota rupachicushcata yachac gentecunapish, chaipi cac tucui huarmicunapish, chai tucui tandanacushcacunapish, Egipto llactallapi tiyac Patros llactapi causaccunapish Jeremiasta rimashpaca:

JEREMÍAS 5:3

Mandac Dioslla, canca mana llullac cachunmi munangui. Paicunaca can macacpipish, llaquichishpa tucuchicpipish, mana entendircachu. Rumitapish yalli sinchi shungu tucushpami, cambacman cutinataca manatac munarca.

JEREMÍAS 5:31

Dios ima nishcata huillaccunapish llullashpami huillan. Curacunapish paicuna munashca shinami pushacun. Ñuca acllashcacunapish chaitami munancuna. Chaimanta llaqui punzhacuna chayamucpica, ¿imatatac ruhuanguichic?

JEREMÍAS 5:5

Cunanca yachaccunapacman rishpa, paicunahuan parlasha. Paicunaca Mandac Dios mandashcatapish, pai taripashpa llaquichinatapish yachancunami. Ashtahuanpish paicunapish yugota paquishpami, coyundatapish pitirca.

JEREMÍAS 9:3

Paicunapac calluhuanca flechata shitac shinami llullan. Cashcata ninapac randica, ashtahuan ashtahuan millaita ruhuashpami, mandac Diostaca mana ricsirca.

LAMENTACIONES 5:17

Chaimantami ñucanchic shungupish chiriyashca. Ñucanchic ñahuipish amsayashcami.

EZEQUIEL 24:13

Canca millaita ruhuashpami mapayarcangui. Ñuca cambac mapata pichasha nicpipish, canca manatac munarcanguichu. Canta llaquichishpa, ñuca yallita piñarishcata pasachingacaman manatac chuyayanguichu.

EZEQUIEL 34:16

Caita, chaita rishcacunatapish, chingarishca ovejacunatapish ñucallatacmi mashcashpa corralman cutichimusha. Chaqui paquicunataca huatachishami, irquiyashcacunataca sinchiyachishami. Ashtahuanpish huira ovejacunataca tucuchishami. Ñucaca cashcata ruhuashpami michisha.

EZEQUIEL 34:4

Irquiyashca ovejacunatapish mana sinchiyachinguichicchu, ungushcacunatapish mana jambinguichicchu. Chaqui paquicunatapish mana huatachinguichicchu, caita chaita rishca ovejacunatapish mana corralman tandachimunguichicchu. Chingarishca ovejacunatapish mana mashcanguichicchu. Ashtahuanpish yallita llaquichishpami mandashpa charinguichic.