ISAÍAS 1:4 - Dios Rimashcata Quillcashcami

⁴ ¡Aij, juchasapa gentecunalla, juchata aparishca gentecunalla, millaita ruhuaccunapac huahua huahuacunalla, juchayuc runapac churicunalla, Mandac Diosmanta caruyashpami, israelcunapac jucha illac Diostaca mana catisha nishpa, piñachircanguichic!

ISAÍAS 1:4 ပူးပေါင်းရင်းမြစ်များ

GÉNESIS 13:13

Sodomapi causaccunaca millai gentecuna, mancharina juchacunata ruhuashpa, Mandac Diosta piñachiccunami carca.

2 REYES 21:22

Paipac ñaupa taitacunapac Mandac Diosta saquishpami, Mandac Diospac ñanmanta anchurirca.

2 CRÓNICAS 12:1

Jatun mandac Roboamca ña allita mandacushpami, paipish, israelcunapis Mandac Dios mandashcata saquircacuna.

2 CRÓNICAS 27:2

Jotamca Mandac Diospac ñaupapica paipac taita Uzías shinami allita ruhuashpa causarca. Shina cashpapish Diospac huasimanca mana yaicurcachu. Ashtahuanpish gentecunaca mana allita ruhuashpami catirca.

NEHEMÍAS 1:7

Yalli millaita ruhuashpami, canta piñachishcanchic. Canta servic Moisesman can cushca mandashcacunatapish, pactachichun cushca shimicunatapish, imata ruhuachun nishcacunatapish mana cazushpami canta piñachishcanchic.

SALMOS 58:3

Diosta mana manchac millai runacunaca mamapac huicsapi tiyarishcamanta pachami Diosmanta anchurircacuna. Sajuarishcamanta pachami llullashpa chingarircacuna.

SALMOS 71:22

Dioslla, canllatami salteriopi tocashpa alabasha. Israelcunapac jucha illac Dioslla, can imatapish pactachic cashcataca arpapi tocashpami cantasha.

SALMOS 78:40

¡Tauca cutinmi shitashca pambapi piñachircacuna! ¡Imapish mana tiyac pambapimi llaquichircacuna!

SALMOS 78:41

Dios ima shina cashcata ricungapacmi tauca cutin mañashpa, israelcunapac jucha illac Diostaca llaquichircacuna.

SALMOS 78:57

Paicunapac ñaupa taitacuna shinallatacmi mana cazurcacuna. Mana allita shitac arco shinami mana cazurcacuna.

SALMOS 78:8

Ama ñaupa taitacuna shina Diosta mana cazuc, sinchi shungu, Diosta mana tucui shunguhuan, tucui almahuan catic cachunmi chashnaca yachachichun mandarca.

SALMOS 89:18

¡Mandac Diosca ñucanchic jarcarina escudomi! ¡Ñucanchic Jatun Mandacca israelcunapac jucha illac Diosmi!

ÉXODO 32:7

Chaimantami Mandac Diosca Moisestaca: —Cunanca utcashpa urai rilla. Egipto llactamanta can llucchimushca gentecunaca mana allitami ruhuacun.

ISAÍAS 1:23

Mandaccunapish mana cazuncunachu. Shuhuaccunahuan apanacuccunami tucushca. Tucui paicunami cullquita pacalla japinallata munancuna. Imatapish pacalla cuchunllami munancuna. Taita mama illac huahuacunatapish, viuda huarmicunatapish mana ayudanchu.

ISAÍAS 1:28

Ashtahuanpish cariyashpa, mana cazuc juchasapacunataca tandachishpami tucuchisha. Mandac Dios ñucata cungariccunaca tucuimi tucuchishca canga.

ISAÍAS 10:6

Ñucata mana manchac, ñucata piñachic llactata, ñuca piñashca gentecunata llaquichichunca paitami cachasha. Chashna cachacpimi, tucui charishcacunata quichushpa, ñanpi siric turuta shina sarunga.

ISAÍAS 12:6

Sionpi causaccunalla, yallita cushicushpa cantaichicyari. Cancunapac chaupipi causacuc israelcunapac jucha illac Diosca jatunmari» nichicyari.

ISAÍAS 14:20

Canca, cambac llactapi causaccunallatatac tucuchishcamanta, cambac gentecunallatatac huañuchishcamantaca mana caishuc jatun mandaccunahuan pacta enterraringuichu. Mana allita ruhuaccunapac huahua huahuacunataca manatac yuyarishcachu canga.

ISAÍAS 29:19

Chaimantami cuyailla caccunaca cutinllatac Mandac Dios-huan cushicunga. Yalli huacchapish israelcunapac jucha illac Dios-huanmi cushicunga.

ISAÍAS 3:8

Jerusalenca tucuimi tucurishca. Judá llactapish urmashcami. Paicunaca mana allita rimashpa, mana allita ruhuashpami poderyuc Mandac Diosta piñachirca.

ISAÍAS 30:1

Mandac Diosca: «¡Aij, ñuca yuyaita cushcata mana chasquishpa, ñucamanta anchuriccunalla! Paicunaca manapish ñuca Espíritu yuyaita cucpimi, paicunallatac ari nincuna. Chashnami yallita juchallishpa catincuna.

ISAÍAS 30:15

Israelcunata Mandac, jucha illac Diosca: «Juchacunata saquishpa, cushilla causashpami quishpiringuichic. Ñucapi shunguta churashpa shuyacushpaca sinchiyanguichicmi» nirca. Shina nicpipish, chaita mana munarcanguichicchu.

ISAÍAS 30:9

Cai gentecunaca mana cazuc, llullaccunami. Mandac Dios mandashcatapish uyanata mana munaccunachu.

ISAÍAS 31:2

Ashtahuanpish Mandac Diosca alli yachacmi. Chaimanta paica llaquichingami. Pai llaquichisha nishpaca llaquichintacmi. Millaita ruhuaccunatapish, chai millaita ruhuanata ayudaccunatapish piñarishpa llaquichingami.

ISAÍAS 37:23

¿Pitatac camishpa rimarcangui? ¿Pitatac jatun tucushpa, llaquichishpa, ñahuita alzashpa rimarcangui? ¡Israelcunapac jucha illac Diostami chashna rimarcangui!

ISAÍAS 41:14

Israelcunapac jucha illac quishpichic Mandac Diosmi caitapish nini: Curucuna shina ashalla Jacobopac huahua huahuacunapish, curucuna shina ashalla israelcunapish ama manchaichicchu. Ñucaca cancunata ayudac Diosmi cani.

ISAÍAS 41:16

Cancuna huairachicpica, huairami apanga. Acapana huairami caita chaita apanga. Ashtahuanpish cancunaca Mandac Dios-huanmi cushicunguichic. Israelcunapac jucha illac Dios-huanmi yallita cushicunguichic.

ISAÍAS 41:20

Israelcunapac jucha illac Mandac Dios ñuca maquihuan ruhuacta tucui mashna ricushpa entendichunmi chashnaca ruhuasha» ninmi.

ISAÍAS 5:19

Paicunaca: «Dios munashcataca ñucanchic ricungapac utca ruhuaiyari. Ñucanchic ricsingapac israelcunapac jucha illac Dios yuyarishcataca ruhuailla» nincunami.

ISAÍAS 5:24

Chaimantami paicunataca nina japirishpa, ucsha, rastrojo shina rupashpa tucuringa. Chashnami sapi ismushca yura shina canga. Sumac sisacuna shina cashpapish, ñuto allpata huaira apashca shinami canga. Chaica paicunallatac tucuita Mandac Dios mandashcata piñashpa, israelcunapac jucha illac Diospac shimita millanayachishcamantami chashnaca tucunga.

ISAÍAS 57:17

Imatapish yallita munashpa, millaita ruhuashcamantami yallita piñarishpa llaquichircani. Chaimantami tigrarishpallapish mana ricurcani. Shina cacpipish, paicunaca mana cazushpami shungu munashcata ruhuashpa catirca.

ISAÍAS 58:2

Paicunaca cashcata ruhuashpa causac shina, ñuca mandashcacunata cazushpa causac shinami, punzhanta ñucata mashcashpa, ñucamanta yachanata munan. Paicunaca cashcata ruhuashpa ricuchichunmi mañan. Shinallatac Diospacmanmi cuchuyanata munan.

ISAÍAS 65:11

Ashtahuanpish cancunaca Mandac Dios ñucatami saquircanguichic. Ñucapaclla urcutapish cungarircanguichicmi. Suerteta cuc diosman carangapacmi mizata tendircanguichic. Causaipi alli mandac nishca diosmanmi vinota curcanguichic. Chaimantami chai allpacunataca mana japinguichic.

ISAÍAS 65:3

Paicunaca huertacunapi animalta cushpa huañuchishpa, ladrillo jahuacunapi inciensota rupachishpami ñucataca punzhanta piñachirca.

ISAÍAS 9:17

Tucui paicunami Mandac Diosta mana manchaccuna, millaita ruhuaccuna, millaita rimaccuna. Chaimantami Mandac Diosca mosocunatapish, viuda huarmicunatapish, taita mama illaccunatapish mana llaquirca. Chashna ruhuashpapish Mandac Dios pai nina japiric shina piñarishcataca mana pasachishcachu. Ashtahuanpish llaquichingaracmi.

JEREMÍAS 15:6

Canca ñucata saquishpami, huashaiman cutircangui. Ñucaca llaquicushpami shaicurcani. Chaimantami llaquichisha Chaitaca Mandac Diosmi nin.

JEREMÍAS 2:13

Ñuca acllashcacunaca cai ishcai mana allitami ruhuarca. Puntaca tucyacuc yacu shina, causaita cuc ñucatami saquirca. Chai quipaca yacu mana jundaric chictarishca jutcucunatami yacu tandarichun ruhuarca.

JEREMÍAS 2:17

¿Manachu Mandac Dios ñuca canta ñanta pushamucucpi, ñucata saquishcamanta chai llaquica japin?

JEREMÍAS 2:19

Can quiquin mana allita ruhuashcallatacmi llaquichinga. Ñucata saquishpa juchallishcallatacmi llaquichinga. Mandac Dios ñucamanta anchurinapish, ñucata mana manchanapish mana alli cashcata, llaqui cashcataca alli yuyariyari. Chaita tucuita Mandac Dios ñucami nini.

JEREMÍAS 2:31

¡Quipa huiñaicunalla, ñuca rimashcata alli uyaichic! Ñucaca israelcunapacca, ¿shitashca pamba shina, mana cashpaca pura tutapi cac llacta shinachu carcani? ¿Imamantatac ñuca acllashcacunaca: “Cunanca cacharishcami canchic, jaicapi cambacmanca mana cutishunchu” nincuna?

JEREMÍAS 2:33

¡Cuyacta mashcanataca allitami yachangui! Mana allita ruhuac huarmicunapish canta ricushpami yachacurca.

JEREMÍAS 2:5

Mandac Diosca: «Cancunapac ñaupa taitacuna ñucata saquingapacca, ¿ima mana allitatac tarircayari? Paicunaca imatapish mana ruhuac ruhuashcalla dioscunata catishpami, mana alli nishca tucurca.

JEREMÍAS 32:32

Chashnami israelcunapish, Judá gentecunapish, paicunata jatun mandaccunapish, caishuc mandaccunapish, curacunapish, huillaccunapish mana allita ruhuashpa, ñucata piñachishpa causarca. Chaimantami anchuchigrini. Tucui Judá gentecunapish, Jerusalenpi causaccunapish ñucataca piñachircami.

JEREMÍAS 50:29

Babilonia llactapi causaccunata llaquichingapac flechacunata shitanata yachaccunata, flechayuc runacunata tandachishpa, paicunapac muyundipi shayarichic. Shucllatapish causactaca ama saquinguichicchu. Paicuna mana allita ruhuashca shinallatac llaquichichic. Paicunaca israelcunapac jucha illac Mandac Diostami piñachirca.

JEREMÍAS 51:5

Israelcunata Mandac Diosca chai llactapi yallita juchata ruhuashpa paita piñachicucpipish israelcunatapish, Judá llacta runacunatapish mana saquishcachu.

JEREMÍAS 7:19

¿Paicunaca ñucata piñachingapacchu chashna ruhuancuna? ¿Manachu paicunapac pingaipacllatac chashna ruhuancuna?

JEREMÍAS 7:26

Shina cachacpipish, mana uyarcacunachu. Ashtahuanpish paicunapac taitacunata yalli sinchi shungu tucushpami, mana allita ruhuarca.

EZEQUIEL 14:5

Ruhuashcalla dioscunata adorangapac ñucamanta anchuric israelcunata paicunapac shungupi yuyachingapacmi chashnaca ruhuasha” ninmi ningui.

EZEQUIEL 16:33

Huainayac huarmicunamanca pagancunami. Shina cacpipish, canracmi cambac cuyashcacunamanca pagarcangui. Tucui llactacunamanta shamushpa, canhuan huainayachunmi, chashna ruhuac carcangui.

EZEQUIEL 16:45

Canca cusatapish, huahuacunatapish shitac huarmipac huahuami cangui. Canca cusatapish, huahuacunatapish shitac huarmipac ñañami cangui. Cambac mamaca heteopuramantami, cambac taitaca amorreopuramantami carca.

DANIEL 9:11

Tucui israelcunami can mandashcata mana cazushcanchicchu, cambac rimashcata mana uyashcanchicchu, juchallishcanchicmi. Chaimantami cai llaquicunapish, canta servic Moisés mandashpa ari nishcapish ñucanchicta llaquichicun.

SOFONÍAS 1:6

Ñucamanta anchuriccunatapish, ñucata mana mashcaccunatapish, ñucaman mana tapuccunatapish tucuchishami» ninmi.

NÚMEROS 32:14

Cunan cancunapish millaita ruhuac juchayuc taitacunapac churicuna cashpami, ashtahuan Dios-huan israelcunahuan piñanacuchishcanguichic.

SAN MATEO 11:28

Aparishca, shaicushca shina causaccuna, tucuilla ñucapacman shamuichic. Ñucami cancunataca samachisha.

SAN MATEO 23:33

¡Culebracuna, culebrapac huahuacunalla! ¡Maitatac ucu pacha ninamantaca quishpiringuichicyari!

SAN MATEO 3:7

Achca fariseocunapish, saduceocunapish bautizaringapac shamucpimi Juanca: «¡Culebra shina gentecuna! Dios cachashca llaquimanta quishpirinataca, ¿pitac huillarcayari?

ROMANOS 8:7

Juchata ruhuana yuyailla caccunaca Diostaca piñanmi. Paicunaca Dios mandashcacunata mana cazuncunachu, mana cazui pudincunachu.

1 CORINTIOS 10:22

¿Apunchic Jesustachu piñachisha ninguichic? ¿Ñucanchicca paita yallichu canchic?

DEUTERONOMIO 29:25

Chashna tucucpi, maijancunaca: “Ñaupa taitacunapac Mandac Dios Egipto llactamanta llucchimushpa, ari nishcata cungarishcamantami chashna tucushca.

DEUTERONOMIO 31:16

Mandac Diosca Moisestaca: «Canca huañushpa, ñaupa taitacunahuan tandanacugringuimi. Israelcunaca paicuna ricushca llactaman chayashpaca, chaipi tiyac dioscunata catishpami huainayanga. Shinami ñucamanta caruyashpa, ñuca paicunahuan ari nishcatapish yangapi churanga.

DEUTERONOMIO 32:19

Chaita Mandac Dios ricushpami, churicunatapish, ushicunatapish piñarca.

DEUTERONOMIO 32:5

Cancunaca huaclliric, millaillata ruhuaccunami canguichic. Mana paipac huahua shinachu canguichic. Millaita ruhuac, mana cazucmi canguichic.

COLOSENSES 1:24

Cunanca, cancunamanta llaquita apacushcamantaca cushicunimi. Chashnami, Cristo paipac cuerpo shina criccunamanta llaquita apashca shina, ñucapish ñuca cuerpopi llaquita apana cashcataca llaquita apacuni.

APOCALIPSIS 18:5

Paicunapac juchacunaca ashtahuan ashtahuan mirarishpami, jahua pachacaman chayashca. Shinallatac tucui paicunapac juchata ricushpami, Diosca llaquichinata yuyarishca.

JUECES 10:10

Chaimantami israelcunaca Mandac Diosta caparishpa mañashpaca: —Canta servinata saquishpa shuctac Baal dioscunata servishpami canta piñachishpa juchallishcanchic— nirca.