ISAÍAS 1:29 - Dios Rimashcata Quillcashcami

²⁹ Chashna ruhuacpimi, cancunaca encina yuracunata cuyashcamanta pingaichishca canguichic. Cancuna acllashca huertacunatapish burlashpami pingaichinga.

ISAÍAS 1:29 ပူးပေါင်းရင်းမြစ်များ

ISAÍAS 30:22

Cullquimanta ruhuashca cancuna ruhuashcalla dioscunata, jahuata curihuan llutashpa ruhuashca dioscunatapish millaichic. Chaicunataca millana mapa llachapata shina: «¡Caimanta llucshi!» nishpa, caruta shitaichic.

ISAÍAS 31:7

Chai punzhapica cullquimanta, curimanta ruhuashca dioscunatapish yanga shitangami. Chaicunataca cancunami juchayuc quiquin maquihuan ruhuarcanguichic.

ISAÍAS 42:17

Ruhuashcalla dioscunata yuyarishpa causaccunaca yallita pingai tucushpami, huashaiman cutinga. Paicunaca yacuyachishpa, imamanpish ricchata ruhuashcataca: «Ñucanchic dioscunami canguichic» nincunami.

ISAÍAS 45:16

Yangalla dioscunata ruhuaccunami pingaichishca, cumurichishca canga. Chashnami yallita llaqui tucunga.

ISAÍAS 57:5

Cancunaca jatun yuracuna ucupi millana juchacunata ruhuanguichic. Yanga dioscunaman huahuacunata cushpami rupachinguichic. Pambacunapi, jatun rumi ladopimi ruhuashcalla dioscunaman huahuacunata cushpa huañuchinguichic.

ISAÍAS 65:3

Paicunaca huertacunapi animalta cushpa huañuchishpa, ladrillo jahuacunapi inciensota rupachishpami ñucataca punzhanta piñachirca.

ISAÍAS 66:17

Mandac Diosca: «Mapa illac cangapac allichirishpa, huerta chaupiman catinacui rishpa, cuchi aichata, ucucha aichata, ima shuctac millana animalcunapac aichata micuccunataca tandachishpami tucuchisha.

JEREMÍAS 2:20

Utcamanta pachami yugota paquishpa, coyundatapish pitircangui. Shina ruhuashpaca: “¡Mana servishachu!” nircanguimi. Chashna nishca jahuami lomacunapi, jatun yura ucucunapi huainayac huarmi shina sirirircangui.

JEREMÍAS 3:6

Jatun mandac Josías mandacui punzhacunapi Mandac Dios rimashpaca: «Mana cazuc israelcuna, ¿imata ruhuashcataca ricushcanguichu? Paicunaca lomacunapi, jatun yura ucucunapimi cullquimanta huainayac huarmi shina juchallirca.

EZEQUIEL 16:63

Can tucui millaita ruhuashcata perdonashca quipami, chaicunata yuyarishpa pingangui. Ña mana pingashpa rimaringuichu. Chaitaca Mandac Dios ñucami nini” ninmi ningui» nirca.

EZEQUIEL 36:31

Chaimantami cancunaca mana alli causashcatapish, millana juchacunata ruhuashcatapish yuyarishpa, cancunallatac pingaringuichic.

EZEQUIEL 6:13

Ruhuashcalla dioscunapac chaupipi, tucui altar muyundipi, lomacunapi, urcucunapi, jatun yura ucucunapi, chai dioscunaman cushpa, rupachina pushtucunapimi paicuna huañushcacunaca siricunga. Shina siricucta ricushpami, ñucataca Mandac Dios cashcata yachanguichic.

OSEAS 14:3

Asiriocunaca ñucanchictaca mana quishpichingachu. Caballocunapipish mana montashunchu. Ñucanchicllatac ruhuashca dioscunataca jaicapi mana: “Caimi ñucanchic diosca” nishunchu. Taita mama illac huahuataca canllami llaquingui» nishpa mañaichicyari.

OSEAS 14:8

Efrainca: «Yanga dioscunataca, ¿imapactac catina cani?» ningami. Paicuna mañashcataca uyashami. Paicunapacca ciprés yura shina verdinllami casha. Ñucamantami pucushca granotaca japinga.

OSEAS 4:13

Urcu jahuacunapimi animalta cushpa huañuchin. Loma jahuapi, encina, álamo, olmo yura ucucunapimi inciensotapish rupachin. Chaimantami cancunapac ushicunapish, nueracunapish huainayan.

OSEAS 4:19

Chaimantami paicunataca huaira aparinga. Animalcunata Diosman cushpa huañuchishcamantami pingai tucunga.

ROMANOS 6:21

Chai ruhuashcacunamantaca cunan pingaihuanmi canguichic. Shinaca, ¿ima allitatac japircanguichic? Chaicunaca huañuimanmi apan.