ISAÍAS 1:21 - Dios Rimashcata Quillcashcami

²¹ Diosta alli cazuc llactalla, ¿ima nishpatac cullquimanta huainayac huarmi shina, tucurcanguiyari? Chaipica tucuimi cashcata ruhuaccuna, imatapish allita ruhuaccuna causarca. ¡Ashtahuanpish cunanca huañuchiccunallami causan!

ISAÍAS 1:21 ပူးပေါင်းရင်းမြစ်များ

2 SAMUEL 8:15

Davidca tucui israelcunatami mandacurca. Paica allita ruhuashpami, imatapish cashcata ruhuashpa mandacurca.

2 CRÓNICAS 19:9

Paicunataca: «Mandac Diosta manchashpa, mana llullashpa, alli shunguhuan cazushpami allita ruhuana canguichic.

NEHEMÍAS 11:1

Israelcunata mandaccunaca Jerusalenpimi causarcacuna. Ashtahuanpish caishuc israelcunataca chungamanta shuc, Diospaclla Jerusalenpi causachunmi suerteta ruhuashpa acllarca. Caishuc iscuncunaca shuc pueblocunapimi causagrirca.

SALMOS 46:4

Shuc jatun yacumi jahua pachapi causac Diospac pueblopi tiyac paipaclla huasita cushichicun.

SALMOS 48:1

¡Mandac Diosca paipac urcupi tiyac paipaclla pueblopica, yallita alli nishcami cana can!

SALMOS 48:8

Ñucanchic uyashca shinallatacmi tucuita Mandac ñucanchic Diospac pueblopi ricushcanchic. Diosca chai pueblotaca huiñaipac mana cuyuchipactami ruhuanga.

ISAÍAS 1:22

Cambac cullquipish fierro ismushca shinami tucushca. Cambac vinopish yacuhuan chapushcami.

ISAÍAS 26:10

Mana allita ruhuac runaca paita llaquicpipish, cashcata ruhuanataca mana yachacungachu. Allita ruhuaccunapac llactapi causashpapish mana allitami ruhuan. Can Mandac Dios jatun cashcataca mana yuyarinchu.

ISAÍAS 48:2

Shina cashpapish: “Jucha illac llactamantami canchic. Israelcunapac Diosta yuyarishpami causanchic. Paipac shutica tucuita Mandac Diosmi” ninguichicmi.

ISAÍAS 5:7

Tucuita Mandac Diospac uvas chagraca israelcunami. Pai tarpushca sumac yuracunaca Judá llactapi causaccunami. Mandac Diosca allita ricushpa mandachunmi munarca. Ashtahuanpish yanga gentecunami tucushca. Cashcata ruhuachunmi munarca. Ashtahuanpish yallita caparinacuillami tiyan.

ISAÍAS 59:14

Chashnami allita ruhuanaca huashapi saquirirca. Cutin cashcata ruhuanaca ñucanchicmanta caruyarcami. Cashcata ninaca plazapimi mitcarishpa urmac shina tucurirca. Chaimantami allita ruhuanaca mana yaicui pudirca.

ISAÍAS 59:15

Cashcata rimanaca tucurishcami. Millaita ruhuanata saquishca runacunamantaca tucui pai charishcatami shuhuancuna. Mandac Diosca allita ruhuanata saquishcata ricushpami yallita piñarirca.

ISAÍAS 59:3

Cancunapac maquica huañuchishca yahuarpi cahuirishcami. Cancunapac dedocunaca millaita ruhuashpami mapayashca. Cancunapac shimica llullallatami riman. Cancunapac calluca mana allillatami parlan.

JEREMÍAS 3:1

Mandac Diosca: “Maijanpish paipac huarmita shitacpi, chai huarmi paipacmanta rishpa, shuc carihuan tandaricpica, ¿punta cusaca chai huarmihuan cutin tandari pudingachu? Cutin tandarishpaca, tucui llactatami mapayachin. Canca achca caricunahuanmi chayarinacushpa causarcangui. Chashna cacpipish, ñucapacman cutimui” ninimi.

OSEAS 11:12

Efraín ailluca yallita llullashpami muyundita jarcashcata shina ruhuashca. Israelcunaca llullashpami tauca cutin umashca. Judá llactapi causaccunaca Mandac Dios-huan cariyashpami, paimanta caruyashca.

OSEAS 2:5

Paicunapac mamaca huainayarcami. Paicunata sajuaricca pingaitami ruhuarca. Paica: “Ñuca cuyashcacunatami catisha. Paicunaca micunatapish, yacutapish, millmatapish, linotapish, aceitetapish, ima ubianacunatapish cunmi” nircami.

HABACUC 1:4

Mandashcacunataca pipish mana cazunchu. Allita ruhuanataca saruc shinami yangata ruhuan. Canta mana manchacca cashcata ruhuactami llaquichingapac caticun. Chaimantami cashcata ruhuana tiyanapac randica, mana alli ruhuashca ricurin.

ZACARÍAS 8:3

Ñucaca Sionman cutimushpami, Jerusalén chaupipi causasha. Jerusalenca cashcata nic llacta nishcami canga. Tucuita Mandac Dios ñucapaclla Sión urcuca ñucapaclla chicanyachishca urcumi canga.

SAN LUCAS 13:34

¡Aij, Jerusalenpi causaccunalla! Dios ima nishcata huillaccunataca huañuchiccunami canguichic. Dios huillachun cachashcacunatapish rumihuan shitaccunami canguichic. Cancunataca tauca cutinmi mama huallpa huahuacunata ucllac shina, tandachisha nircani. Chashna tandachisha nicucpipish, mana uyarcanguichicchu.

HECHOS 7:52

Ñaupa taitacunaca, Dios ima nishcata huillaccunata mana ricushun nishpami llaquichirca. Paicunami shamuna cashca Jucha illac, imatapish cashcata ruhuacmanta huillaccunata huañuchircacuna. Chai Jucha illac shamucpica, millai runacunaman cushpami huañuchircanguichic.

HEBREOS 12:22

Ashtahuanpish cancunaca Sión urcuman, causac Diospac jahua pacha Jerusalén puebloman, huaranga angelcuna tandanacushpa, Diosta alli nicucman,

APOCALIPSIS 11:2

Ashtahuanpish Mandac Diosta mañana huasi canzha pambataca ama medinguichu. Chaica Diosta mana ricsiccunaman cushcami. Paicunami chuscu chunga ishcai quillata Diospaclla cac pueblotaca llaquichinga.

APOCALIPSIS 11:8

Chai huañushcacunaca jatun pueblo plazapimi siricunga. Chai pueblollapitacmi Mandac Apunchic Jesustaca chacatarcacuna. Chai pueblotaca Sodoma pueblohuan, Egipto llactahuanmi chimbapurashca.

APOCALIPSIS 17:1

Copacunata charicuc canchis angelcunapuramanta shuc shamushpaca: «Shamui, yacucuna jahuapi tiyacuc cullquimanta huainayac huarmita llaquichigricushcata ricuchisha.