ISAÍAS 1:18 - Dios Rimashcata Quillcashcami

¹⁸ Mandac Diosca: «Cunanca tandanacushpa allichingapac ñucapacman shamuichic. Cancunapac jucha puca tela shina cacpipish, rasu shina yuranllatami ruhuasha. Yana puca tela shina cacpipish, yuranlla millma shinatami ruhuasha.

ISAÍAS 1:18 ပူးပေါင်းရင်းမြစ်များ

JOB 9:33

Ñucanchic ishcaipac jahuapi maquita churashpa, allichic juezca mana pi tiyanchu.

SALMOS 51:7

Hisopu sachahuan pichayari, chaipica chuyami casha. Ñucataca jahuaiyari, can jahuapica rasutapish yalli yuranllami casha.

SALMOS 51:9

Ñuca juchacunataca ama ricuichu. Tucui ñuca mapacunata pichailla.

ISAÍAS 1:23

Mandaccunapish mana cazuncunachu. Shuhuaccunahuan apanacuccunami tucushca. Tucui paicunami cullquita pacalla japinallata munancuna. Imatapish pacalla cuchunllami munancuna. Taita mama illac huahuacunatapish, viuda huarmicunatapish mana ayudanchu.

ISAÍAS 3:13

Mandac Diosca tucui gentecunata taripangapacmi shayacun. Ñallami llaquichigrin.

ISAÍAS 41:1

Mama cucha patapi causaccuna uyaichic. Tucui mashna sinchiyashpa, ñucapacman shamuichic. Ñucapacman cuchuyashpa rimaichic. Taripangapac caiman tandanacuichic.

ISAÍAS 41:21

Jacobopac huahuacunata Mandac Diosca: «Ruhuashcalla dioscuna imatapish ruhuashpa ricuchichicyari. Cancuna imata ricuchishcatapish huillaichicyari.

ISAÍAS 44:22

Ñucata mana cazushpa, mana allita ruhuashcatapish, cancunapac juchacunatapish puyuta shinami anchuchircani. Ñucami cancunataca quishpichircani. Chaimanta ñucapacman cutimuichicyari» ninmi.

ISAÍAS 50:8

Ñucata cuidacca ñuca ladopimi. Chaimanta, ¿pitac ñucahuan shayaringa? ¡Tandanacuichic! ¿Pitac ñucata juchanchicca? ¡Ñucapacman cuchuyamuichiclla!

ISAÍAS 55:7

Diosta mana manchac runapish mana alli causaita saquichun. Millaita ruhuac runapish mana alli yuyaita saquishpa, Mandac Diospacman cuti richun. Diosca llaquingami. Paipacman cutiricpica, paica perdonangami.

JEREMÍAS 2:5

Mandac Diosca: «Cancunapac ñaupa taitacuna ñucata saquingapacca, ¿ima mana allitatac tarircayari? Paicunaca imatapish mana ruhuac ruhuashcalla dioscunata catishpami, mana alli nishca tucurca.

EZEQUIEL 18:27

Ñucata mana manchac runa mana allita ruhuanata saquishpa, cashcata ruhuai callarishpaca causangami.

EZEQUIEL 33:16

Pai utcaman juchallishcataca mana yuyarishcachu canga. Allita ruhuashpa, cashcata ruhuashpaca causangatacmi.

MIQUEAS 6:2

Urcucunapish, cai pacha callari rumicunapish Mandac Dios ñuca juchanchishpa rimashcata uyaichicyari. Ñucami acllashcacunata juchanchishpa llaquichisha. Israelcunahuan piñarishpami juchanchisha.

HECHOS 17:2

Pabloca maipipish tandanacuna huasiman yaicuclla cashpami, chaiman yaicurca. Chashnami quimsa semanata, samana punzhacunapi tandanacushca gentecuna tapushcata cutichishpa, rimanacushpa purirca.

HECHOS 18:4

Pabloca samana punzhacunapica tandanacuna huasiman rishpami, israelcunapish, mana israelcunapish crichun, yachachic carca.

HECHOS 24:25

Pabloca Dios munashca shina causanamanta, mana alli munaita jarcarinamanta, Dios taripanamanta huillacpimi, Felixca mancharishpa Pablotaca: —Cunanca rilla. Cutin uyasha nishpaca, cayachishallami— nirca.

ROMANOS 5:20

Mandashcacunaca jucha ashtahuan mirarichunmi churashca carca. Chashna jucha miraricpica, Diosca ashtahuanmi cuyaita ricuchirca.

APOCALIPSIS 7:14

Shina tapucpimi ñucaca: «Amito, canllatacmi yachangui» nircani. Shina nicpi paica: «Chaicunaca jatun llaquimanta mishaccunami, shinallatac Pactalla Ovejapac yahuarhuan paicunapac churanata tacshashpa yuranlla tucushcacunami.

1 SAMUEL 12:7

Cunanca cancunamanpish, cancunapac ñaupa taitacunamanpish Mandac Dios allita ruhuashcatami Mandac Diospac ñaupapi sinchita rimagrini. Cunanca alli uyaichic.