ISAÍAS 1:13 - Dios Rimashcata Quillcashcami

¹³ Ama ashtahuan yanga ofrendacunata cuichicchu. Inciensota rupachishcatapish, llullu quillapi, samana punzhapi cancuna tandanacushcatapish ñucaca millanimi. ¡Cancunapac jatun fiestacunataca mana ricunayanchu!

ISAÍAS 1:13 ပူးပေါင်းရင်းမြစ်များ

2 REYES 4:23

Shina nicpimi, paipac cusaca: —Cunanca, mana llullu quillapish, mana samana punzhapish canchu. ¿Imapactac paita ricungapac rigringui?— nirca. Shina nicpi, chai huarmica: —Chaimanta ama mancharichu— nirca.

1 CRÓNICAS 23:31

Samana punzhacunapi, llullu quilla punzhacunapi, jatun fiesta punzhacunapi Mandac Diosman cushca tucui animalcunata rupachingapacmi ric carca. Chai punzhacunapi mashna animalcunata cuchun mandashca shinallatacmi Mandac Diospac ñaupapi curcacuna.

SALMOS 78:40

¡Tauca cutinmi shitashca pambapi piñachircacuna! ¡Imapish mana tiyac pambapimi llaquichircacuna!

ÉXODO 12:16

Callari punzhapish, tucuri punzhapish Mandac Diospaclla tandanacuitami ruhuana canguichic. Chai punzhapica mana trabajanachu canguichic. Micunallatami ruhuana canguichic.

PROVERBIOS 21:27

Diosta mana manchaccunaca animalta Diosman cushpa rupachishcapish millanami. Mana alli shunguhuan cushcatacarin ashtahuanmi mana ricunayachin.

PROVERBIOS 7:14

“Dios-huan alli tucungapacmi animalta huañuchishpa cusha nishcataca cunan pactachircani.

ISAÍAS 66:23

Quillanta, samana punzhantami tucui mashna ñuca ñaupaman shamushpa, ñucata alli ninga.

ISAÍAS 66:3

Huagrata huañuchishpa ñucaman cushcaca shuc runata huañuchishpa cushca shinami. Ovejata huañuchishpa cushcaca allcuta huañuchishpa, cushca shinami. Ima ofrendata ñucaman cushcaca cuchi yahuarta cushca shinami. Inciensota cushnichishcaca yanga diosta mañashca shinami. Chashna paicuna quiquin munashcata ruhuashpa, millanayaita ruhuashpa shungupi cushicushcamantaca,

LAMENTACIONES 2:6

Paipaclla carpa huasitapish huerta chaupipi cac chucllata shinami tucuchishpami, tandanacuna huasitapish tucuchirca. Mandac Diosllatacmi Sionpac jatun fiestacunatapish, samana punzhacunatapish cungachirca. Nina japiric shina piñarishpami jatun mandactapish, curatapish llucchishpa cacharca.

EZEQUIEL 20:39

Mandac Dios ñucaca israelcunataca: Tucui cancuna ñucata mana cazushpa, cancunapac ruhuashcalla dioscunata servishpa catichiclla. Ashtahuanpish cancunapac yanga dioscunata servishpa, chaicunaman ofrendata cushpa, ama ñuca jucha illac shutita yangapi churaichicchu.

OSEAS 2:11

Paimanta cushicuita anchuchishpami, paipac fiesta punzhacunatapish, llullu quilla punzhacunatapish, samana punzhacunatapish tucuchisha.

JOEL 1:14

Tandanacuchun, ayunachun cayaichicyari. Pushac yuyaccunatapish, cai llactapi tucui causaccunatapish, cancunata Mandac Diospac huasiman tandachishpa, Mandac Diosta caparishpa mañaichicyari.

JOEL 2:15

¡Sión urcupi cornetapi tocaichic! ¡Tandanacushpa ayunachun huillaichic!

LEVÍTICO 26:31

Cancuna causana llactacunataca shitashcatami saquisha. Cancunapac altarcunatapish chingachishami. Cancunapac mishquilla ashnacuc inciensotapish mana chasquishachu.

MALAQUÍAS 1:10

Ñuca altar jahuapi ama yanga rupachic shamuchunca, cancunapuramanta, ¿pitac ñuca huasi punguta huichcac shamunguichic? Ñucaca cancunahuanca mana cushillachu cani. Cancunapac ofrendatapish mana chashquishachu. Chaitaca Mandac Dios ñucami nini.

NÚMEROS 10:2

«Martillohuan huactashpa cullquimanta ishcai trompetata ruhuai. Chaicunaca israelcunata tandachingapac, shinallatac carpa huasicunata shucman apana cashcata huillangapacmi canga.

SAN MATEO 15:9

Yangallami ñucata alli nincuna. Paicuna yachachishpapish, runacuna mandashcallatami yachachincuna” nishcami— nirca.

SAN LUCAS 11:42

¡Aij, fariseocunalla, cancunaca cashcata ruhuanata, Diosta cuyanata saquishpami, mentata, rudata, ima micuna sachata chungamanta shucta Diosman cunguichic! Chaita ruhuashpapish, cashcata ruhuanata, Diosta cuyanataca mana saquinachu canguichic.

1 CORINTIOS 11:17

Caicunata rimashpaca mana cancunata alli nigrinichu. Cancuna tandanacushpaca, allita ruhuanapac randica, mana allitami ruhuanguichic.

EFESIOS 4:30

Diosca juchapi huatashca shinamanta cacharichishpa pushana punzhacamanmi, Diospaclla cashcata ricuchishpa causachun, ñucanchictaca paipac Espirituhuan señalashpa chicanyachirca. Chaimanta millaita rimashpa ama Diospac Espirituta nanachichicchu.

FILIPENSES 1:15

Maijancunaca ñuca shina huillac casha nishpa, piñanacungaraicullami Cristomantaca huillancuna. Chashna cacpipish maijancunaca alli shungumantami huillancuna. Chaica chashnatacmi.